Аҟәа агәҭаҿы ауаҩшьра иҟаз далахәуп ҳәа ишьоу ирбаандаҩра аҿҳәара иацҵоуп

28
(ирҿыцуп 09:55 09.07.2020)
Аҟәа ақалақь, амшын аԥшаҳәаҿы аҭыԥ змаз ауаҩшьра далахәуп ҳәа агәызҩара ззыҟоу Беслан Бганба Аԥсны АШәМ аусзуҩцәеи Аԥсны ААР аусзуҩцәеи лаҵара 8 рзы Очамчыра араион Гәыԥ ақыҭан дааныркылеит.

АҞӘА, ԥхынгәы 9 - Sputnik. Аҟәа ақалақь аӡбарҭа аусҭҵааратә усбарҭа азыҳәа иақәшаҳаҭхеит Аҟәа ақалақь, амшын аԥшаҳәаҿы аҭыԥ змаз ауаҩшьра далахәуп ҳәа агәызҩара ззыҟоу Беслан Бганба иаанкылара аҿҳәара иацҵазарц. Абри атәы аанацҳауеит аӡбарҭа асаит.

Беслан Бганба Апрокуратура хада иԥшаара иашьҭан ҩыџьеи ҩыџьа инареиҳани рышьра далахәуп ҳәа агәаанагарала, иара убасгьы закәаншьаҭада абџьар ҵәахны имоуп, иныҟәигоит ҳәа.

Иара данааныркылоз бџьарла аҿагылара ҟаиҵеит, ахәрақәагьы иоуит.

Аӡбарҭа аӡбамҭала Беслан Бганба ирбаандаҩра иацҵоуп аҽа ԥшьымз, зынӡа иааидкыланы фымз – абҵара 8, 2020 шықәсанӡа.

Бганба аӡбаратә еилатәара алахәра мап ацәикит. Иара ахара идуп ҳәа дыԥхьаӡам ихара шьақәырӷәӷәаны  аӡбарҭа иқәнаҵо ашьауӷа азинмчра аиуаанӡа.

Амҳаџьыраа рыԥшаҳәаҿы 2019 шықәса абҵара 22 асааҭ 14:40 рзы ақьафурҭа "Сан-Ремо" аҿаԥхьа идырым џьоукы ақьафурҭа аҭааҩцәа ириехсит.

Иҭахеит ҩыџьа ауааԥсыра. Асҭамыр Шамба иара уаҵәҟьа иԥсҭазаара далҵит, Алхас Аҩӡба - ахәышәтәырҭаҟны даннаргаз. Ақьафурҭа "Сан-Ремо" ахәынаҳаҩ Доминика Ақырҭааԥҳа Ареспубликатә хәышәтәырҭа хада анеирохирургиа аҟәшаҿы, ԥхынҷкәын 3 рзы лыԥсҭазаара далҵит.

Иара абри аус ала Аҟәаәти ақалақьтә ӡбарҭа аӡбамҭа аднакылеит Даҭо Ахалаиеи, Демур Ахалаиеи, Аслан Блаббеи рырбаандаҩразы.

2020 шықәса, лаҵарамза 29 рзы Воронов имҩаҿы игылоу анхарҭаҩнаҿы даанкылан уаанӡа абри аус азы изышьҭаз Ерик Ҷкадуа.

Иара убас шәаԥхьар ҟалоит:

 

28

Џьапуа COVID-19 иахҟьаз аԥкрақәа рзы: аҽынкыларазы иҟаҳҵаз алаҳәара анхацәа адгылеит

3
(ирҿыцуп 12:41 26.09.2020)
Отаԥ ақыҭа ахада Шьалодиа Џьапуа арадио Sputnik аефир аҿы еиҭеиҳәеит жьҭаара 5 инаркны атәылаҿы иалагалахо аԥкрақәа рзы ажәабжь анхацәа ишрыдыркылаз атәы.
Џьопуа COVID-19 иахҟьаны аԥкрақәа ралагаларазы: аҽынкылараз ҳаҳәара анхаҩцәа адгылеит

Аԥсны ахада Ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уи инақәыршәаны 2020 шықәса жьҭаара 5 инаркны Аԥсны аҵакыраҿы: массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара алмыршахароуп, иара убасгьы ачарақәеи егьырҭ аныҳәатә уснагӡатәқәеи аанкылатәхоит. Аԥсыжрақәа рҿы акәзар, ауаа рхыԥхьаӡара армаҷра азԥхьагәаҭатәуп.

"Инарҭбааны ачароуразы, инарҭбааны ацәашьхәыҟаҵаразы аҽынкылара шаҭаху зегьы адырра рымоуп, ауаа уаанӡеиԥш еинианы аԥшьгарақәа ҟарымҵарцаз ирацәаны аицәажәарақәа мҩаԥаагахьеит, абыргцәа адгаланы. Уи ззеилымкаауа ҳәа нхаҩы дыҟаӡам, аҽынкыларазы иҟаҳҵаз алаҳәара зегьы ақәшаҳаҭуп. Ачымазара ҳқыҭаҟынтә макьана аӡәгьы имыхьыцт, иара ари аамҭа иалагӡаны агәаҟра ӷәӷәагьы ҟамлацт", - ҳәа азгәеиҭеит Џьапуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

3

Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит.РЕЗЕРВ

0
(ирҿыцуп 12:38 26.09.2020)
Анаплакҩы Давид Ԥлиа арадио Sputnik аефир аҟны еиҭеиҳәеит апандемиа аамҭазы аԥкрақәа шынарыгӡо, аусутә агхара инапаҵаҟа аус зуа ишырныԥшуа атәы.
Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны ауаажәларратә крыфарачаратә обиектқәа хымԥада аишәақәа рыбжьара метраки бжаки еиҵамкәа адистанциа аздырхиароуп, амаҵзуратә персонал ахыхьчагатә хархәагақәа ныҟәыргозароуп.

"Ас еиԥш иҟоу аԥҟара анрыдыркыла, иҟаҳҵари, ҳхы ақәҳаршәароуп…Уи усҟангьы иҟаҳҵеит (мшаԥымзазы иалагалаз аԥкрақәа ртәы –аред.), уажәгьы ауаа рсоциалтә дистанциа ҟаҳҵартә еиԥш аамҭа ҳамоуп, акрахьырфо азал дууп", - иҳәеит Ԥлиа.

Убри аан иара иазгәеиҭеит ауадаҩрақәа цәырҵыр шауа аус ахьыруа ашколқәа рыкрыфарҭақәа рҟны.

Анаплакҩы иазгәеиҭеит апандемиа русура акыр ишаныԥшыз, аха иагьа ус акәзаргьы иусуцәа уалафахәыда ишааныимыжьуа.

"Сҭаацәа ирыгыжьны аԥара сшәозаргьы, сусуцәа нхартә еиԥш, аус руртә еиԥш схы ныҟәазгароуп. Ҳара аԥхын иҳадаҳкыло, нас ӡын аусура иамҳхо асистема ыҟаӡам ҳа ҳҿы. Сара даара зегьы срықәгәыӷуеит (инапаҵаҟа аус зуа рзы), убри аҟынтә сыҩнапык рыларԥаны ишыску жәдыруазааит",- иҳәеит Ԥлиа.

Шәазыӡырҩы аудио. иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

0