Кадр из фильма Меня Зовут Махаз. Режиссер Инар Нармания

Акиносахьа "Сара исыхьӡуп Махаз" Урыстәылатәи акинофестиваль аҿы аиааира агеит

22
(ирҿыцуп 13:48 09.07.2020)
Акиносахьа "Сара исыхьӡуп Махаз" акинотеатртә ҳа "Мираж Синема" арбара ҭбаа иазнархиаз акиноальманах иалалоит.

АҞӘА, ԥхынгәы 9 - Sputnik. Аԥсуа режиссиор Инал Нарманиа зметраж кьаҿу икиносахьа "Сара исыхьӡуп Махаз" аиааира агеит урыстәылатәи акино онлаин-фестиваль "Большой экран" аҟны.

Арежиссиор қәыԥш еиҭеиҳәеит афильм азы рыбжьы шырҭииз ахәаԥшцәа реиԥш ажиури алахәылацәагьы. Уажәшьҭа иара акинотеатртә ҳа "Мираж Синема" аекран ҭбаахь инеиуеит.

Ажиури иалахәын: Кино-Театр.Ру аредактор хада Жан Просианов, Potential акреативтә продиусер Ирина Обидова, арежиссиор, асценарист Иван Соснин, апродиусер Владислав Пастернак, апродиусер Иулиа Мишкинене, актиор, арежиссиор Никита Тарасов.

Зметраж кьаҿу акиносахьа "Сара исыхьӡуп Махаз" 15 минуҭ ицоит. Ахҭысқәа мҩаԥысуеит Аҟәа, 1970-тәи ашықәсқәа рзы. Актиор Инал Инаԥҳа зроль наигӡо афырхаҵа хада Аҟәаҟа даауеит асахьаҭыхратә ҵараиурҭа дҭаларц, аха абзиабара изцәырҵуеит. Афырхаҵа игәҭыхақәа, ихҭысқәа аанарԥшуеит акиносахьа.  Бзиа иибо аҭыԥҳа лроль дыхәмаруеит Нина Начҟьебиаԥҳа.

Уажәы  Инал Нарманиа асценари ҿыц аҩра даҿуп зметраж кьаҿу афильм азы. Уи зызку автор макьана ирзом.

Зметраж кьаҿу акиносахьа "Сара исыхьӡуп Махаз" уаанӡагьы  акинофестивальқәа рҿы иалыркаахьан: афестиваль "Konik film festival"  (Москва) аҟны аԥхьахә хада аиуит, афестиваль "Короче" (Калининград) аԥхьахә ҷыда анашьан, Аҟәатәи акинофестиваль аҿы аԥхьахәқәа ҩба аиухьан.

II Жәларбжьаратәи акинофестиваль "Artic open" аҿы Инал Нарманиа иоуит аԥхьахә "Зметраж кьаҿу акиносахьа иреиӷьу арежиссураз".

Иара убас шәаԥхьар ҟалоит:

 

22

Даҽа 46-ҩык Аԥсны атәылауаа акоронавирус рыдбалоуп

0
(ирҿыцуп 19:25 27.09.2020)
Иахьазы Аԥсны иахьаҵанакуа иаарԥшу акоронавирустә хҭысқәа рхыԥхьаӡара 1332 ыҟоуп. Ргәы бзиахахьеит 400-ҩык, жәҩык рыԥсҭазаара иалҵит.

АҞӘА, цәыббра 27 – Sputnik. Аԥсны иҳаҩсыз уахыки-ҽнаки рыла акоронавирус зыхьуа рхыԥхьаӡара даҽа 46-ҩык рыла еиҳахеит ҳәа аанацҳауеит Ауааԥсыра акоронавирус рацәыхьчаразы аоперативтә штаб.

"Иҳаҩсыз уахыки-ҽнаки рыла акоронавирустә инфекциа амазааразы игәаҭан 160-ҩык атәылауаа, урҭ рахьтә адиагноз COVID-19 рзышьақәыргылан 46-ҩык", - ҳәа аанацҳауеит аоперштаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-а апациентцәа, урҭ рахьтә COVID-19 адиагноз рзышьақәырӷәӷәоуп 117-ҩык, рҭагылазаашьа хьанҭоуп 14-ҩык, ибжьаратәуп 27-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

0
Атемақәа:
Ачымазара ҿкы – акоронавирус Аԥсни адунеи аҿи: иалкаау
Сезгин Чукуа

Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт иҵыхәтәантәихар шалшоз

6
(ирҿыцуп 18:51 27.09.2020)
Аԥсны жәлар рџьынџьтәылатә еибашьра аветеран, Агәымшәаразы амедал занашьоу Сезгин Чыӷә-иԥа арадио Sputnik аефир аҿы игәалаиршәеит 27 шықәса раԥхьа арҭ амшқәа рзы Аҟәа ахақәиҭтәраз ицоз ажәылара.
Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт, иҵыхәтәантәихар шалшоз

Сезгин раԥхьаӡа акәны Гагра анырга ашьҭахь Аԥсныҟа дааит, усҟан иара ихыҵуан 24 шықәса. Аибашьҩы иажәақәа рыла, Ҭырқәтәыла аррамаҵзура ашьҭахь ԥышәа хәыҷык иман, абџьар атәы идыруан.

"Аҟәа ахақәиҭтәразы ҳгәыԥ Каман ала раԥхьа ажәылара ҳалагеит, усҟан Гагратәи абаталион салан. Усҟан ауп данҭаха Баҳадыр Абыӷба, Ерқан Қәҭарба дырхәит, еиҭа быжьҩык раҟара аҷкәынцәа рхәит. Иҭахаз ҳаҷкәынцәа рыԥсра усҟан иаҳзеилкааӡомызт, урҭ рҵәыуара аха ҳамамызт, аибашьра цон. Нас аибашьра ашьҭахь ауп зегьы анеилаҳкаауаз, ҳгәы аныԥжәоз. Баҳадыри сареи ҳхәыҷаахыс ҳаибадыруан. Аибашьра нҵәоит сентиабртәи ажәылара ашьҭахь ҳәа ихасҵомызт, ус шаҟантә ҳцахьаз ажәылара, аха ҳаиааиуамызт. Нас аиааира ҳгеит, аибашьра нҵәеит ҳәа анырҳәа ихасҵомызт, агәра сызгомызт", - еиҭеиҳәеит аветеран.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6