Волейбол. Архивное фото.

Аԥсны имҩаԥысраны иҟоуп анапылампыл азы ачемпионат

26
(ирҿыцуп 10:15 13.07.2020)
Ачемпионат иалахәхоит Аԥсны ақалақьқәеи араионқәеи рҟынтәи акомандақәа ааба. Ари акарантинаамҭа ашьҭахьтәи раԥхьатәи массалатәи спорттә уснагӡатәуп.

АҞӘА, ԥхынгәы 13 - Sputnik. Ахацәа ркомандақәа рыбжьара анапылампыл азы ачемпионат аатуеит ԥхынгәы 13 рзы аспорттә комплекс "Агәӡера" ҳәа лҳәоит Аԥсны абаҩрҵәыреи аспорти рзы аҳәынҭеилакы аспорттә ҟәша аиҳабы Жанна Занҭариаԥҳа.

Лара иазгәалҭеит есышықәса ачемпионат ишалахәхалоз урыстәылатәи акомандақәа, аха аҳәаа аркра инамаданы сынтәатәи атурнир урҭ рыда имҩаԥгахоит.

"Акарантин аԥыхра ашьҭахь ари раԥхьатәи инарҭбаау уснагӡатәуп. Агәахәара унаҭоит акомандақәа маҷымкәа ралахәра. Иҳалшо зегь ҟаҳҵоит ахәмаррақәа аинтерес рыманы имҩаԥысырц. Зегь азыԥшуп ачемпионат аартра", - лҳәоит Жанна Занҭариаԥҳа.

Атурнир иалахәуп акомандақәа ааба: Очамчыра, Тҟәарчал, Гагра, Гәдауҭа, Аҟәа араионқәеи рҟынтәии Аԥсны иҟоу Урыстәыла АШәМ Аҳәаахьчаратә усбарҭа акомандеи.

Ачемпионат мҩаԥысуеит хымш. Ԥхынгәы 16 рзы имҩаԥгахоит афиналтә хәмаррақәа, аԥхьахәҭара, атурнир аркра.

Ачемпионат мҩаԥыргоит 1994 шықәса раахыс, Аԥсны Анапылампыл афедерациа раԥхьатәи ахада Едуард Ԥлиа игәалашәараз. Ауснагӡатә аиҿкааҩцәа – Аԥсны абаҩрҵәыреи аспорти рзы аҳәынҭеилакы, Анапылампыл азы афедерациа.

Иара убас шәаԥхьар ҟалоит:

26

COVID-19 Аԥсны: 172-ҩык аҿкы рыдырбалеит, ҩыџьа рыԥсҭазаара иалҵит

8
(ирҿыцуп 23:22 25.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3739-ҩык ыҟоуп. Урҭ рахьтә ргәы бзиахеит 1462ҩык, рыԥсҭазаара иалҵит 35-ҩык.

АҞӘА, жьҭаара 25 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 480 ҟаҵан, урҭ рахьтә акоронавирус аарԥшын 172 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Аоперштаб иара убас иаанацҳаит жьҭаара 25 рзы Гәдоуҭатәи агоспиталь аҿы рыԥсҭазаара ишалҵыз ҩыџьа апациентцәа.

1944 шықәсазы ииз апациент, иара ареанимациа аҟәша дҭашәеит цәыббрамза 28 рзы иԥсыԥ лагаҩагара акыр ицәыцәгьаны, ҩганктәи агәыҵәкра иманы.  Иақәнагаз атерапиа шизымҩаԥыргозгьы, жьҭаара 25 рзы иԥсҭазаара далҵит.

1939 шықәсазы ииз ахаҵа, иара ареанимациа аҟәша дҭашәеит жьҭаара 20 рзы рзы иԥсыԥ лагаҩагара акыр ицәыцәгьаны, ҩганктәи агәыҵәкра иманы.  Иақәнагаз атерапиа шизымҩаԥыргозгьы, жьҭаара 24 рзы иԥсҭазаара далҵит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык ауааԥсыра, урҭ рахьтә 141-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 51-ҩык, илҩаауп 8-ҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 42-ҩык апациентцәа. 39-ҩык рҭагылазаашьа бжьаратәуп ҳәа иԥхьаӡоуп, хҩык рҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

8
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аҭоурых иагәылаҵәаху: Џьонуа Шьынқәба иҩны-амузеи аҿы иҟоу абыкь иазкны

4
(ирҿыцуп 20:37 25.10.2020)
Ҷлоу ақыҭан иҟоу Баграт Шьынқәба иҩны-амузеи аиҳабы Роберт Џьонуа арадио Sputnik арубрика "Аҭоурых иагәылаҵәаху" аҟны еиҭеиҳәеит амузеи аҿы иӡыргоу абыкь аҭоурых.
Аҭоурых иагәылаҵәаху: Џьонуа Шьынқәба иҩны-амузеи аҿы иҟоу абыкь иазкны

Шәазыӡырҩла арубрика "Аҭоурых иагәылаҵәаху" арадио Sputnik Аԥсны аефир аҿы есмҽышала.

4