Басков Аԥсны ахшара рацәа змоу аҭаацәарақәа рыцхырааразы аконцерт мҩаԥигоит

19
(ирҿыцуп 15:06 17.07.2020)
Ԥхынгәы 17 рзы Sputnik Аԥсны амультимедиатә пресс-центр аҿы имҩаԥгахеит аиҿкаара "Аԥсны Агәыҳалалра ацҳаражәҳәаҩцәа" апресс-конференциа, зыҟны аиҿкаара аилазаара ҿыц рылаҳәаз. Ацҳаражәҳәаҩцәа ҿыцқәа дыруаӡәкхеит урыстәылатәи артист, ашәаҳәаҩ Николаи Басков.

АҞӘА, ԥхынгәы 17 – Sputnik. Урыстәыла жәлар рартист, аиҿкаара "Аԥсны Агәыҳалалра ацҳаражәҳәаҩцәа" алахәыла Николаи Басков Аԥсны ахшара рацәа змоу рыцхырааразы агәыҳалалратә концерт мҩаԥигоит. Абри атәы иҳәеит ашәаҳәаҩ ихаҭа иҟаиҵаз авидеоҳәамҭаҿы.

"Аиҿкаара аԥҵан 2017 шықәса рзы. Иара имҩаԥнагоит Аԥсны аԥхьагыла қәыԥшцәа рыдгылара, аԥсу абызшәа, акультура жәларбжьаратә аренаҿы ҳаамҭазтәи атехнологиақәа рхархәарала аҿиара ацхыраара аҭара. Сынтәа, Аԥсны аҩызак иҳасаб ала Аԥсны ахшара рацәа змоу рыцхырааразы агәыҳалалратә концерт мҩаԥызгоит", - иҳәеит иара.

Аилазаара ҿыц 20-ҩык алахәхеит: аԥсуа ган аҟынтәи жәаҩык, аурыс ган аҟынтәгьы убри аҟара. Едгар Ӷәазаа "Аԥсны Агәыҳалалра ацҳаражәҳәаҩцәа" Афонд директорс дыҟоуп.

Аиҿкаара "Аԥсны Агәыҳалалра ацҳаражәҳәаҩцәа" актәи аилазаара аԥҵан 2017 шықәса рзы. Иара иалахәын Урыстәылеи Аԥсни рҟынтә актиорцәа, арежиссиорцәа, аспортсменцәа ауаажәларратә, аполитикатә усзуҩцәа.

Аиҿкаара "Аԥсны Агәыҳалалра ацҳаражәҳәаҩцәа" шьаҭаркын Москва, 2017 шықәса рзы. Иара агәабзиарахьчареи, аҵарадырреи, аспорти русхкқәа рҟны агуманитартә проектқәа мҩаԥнагоит.

Иара убас шәаԥхьар ҟалоит:

19

Аҟәатәи ашкол адыркит акоронавирус злаз арҵаҩы лыԥсҭазаара даналҵ ашьҭахь

12
(ирҿыцуп 23:25 20.09.2020)
Апандемиа ааҟалеижьҭеи Аԥсны акоронавирус зцәа иалоу 939-ҩык аарԥшын. Цәыббра 20 рызтәи аоперштаб адыррақәа рыла, Гәдоуҭатәи ахәышәтәырҭаҿы ишьҭоуп 97-ҩык апациентцәа.

АҞӘА, цәыббра 20 — Sputnik, Асмаҭ Ҵәыџьԥҳа. Баграт Шьынқәба ихьӡ зху Аҟәатәи абжьаратә школ №1 аҵаҩцәа акарантин ахь аҩныҟа иоушьҭуп ҩымчыбжь ҳәа, ашкол аҿы аепидемиологиатә ҭагылазаашьа ахьеицәахаз инамаданы, абри атәы Sputnik иазеиҭалҳәеит ашкол адиректор Нонна Делԥҳа.

Лара лажәақәа рыла, иахьа ашкол адирекциахь адырра ҟарҵеит акоронавирус зцәа иалаз рырҵаҩцәа руаӡәк, даҽа хроникатә чымазаракгьы зцәа иалаз, лыԥсҭазаара дшалҵыз. Иара убасгьы рышкол аҿы аклассқәа хәба рҟны ари аҿкы чымазара зцәа иалаз ачымазцәа азгәарҭахьан. Уи адагьы аҭаацәа аӡәырҩы  рхәыҷқәа COVID-19 асимптомқәа шрыдырбало адиректор иларҳәарц азы аҭел ишылзасыц илзасуеит.

"Сара аҵара аминистр аҭел сизасит, иҟоу аҭагылазаашьа иеилсыркаарц азы. Иара аҵаҩцәа ҩымчыбжьа ҳәа иоушәышьҭ акарантин ахь иҳәеит, избанзар ҳашкол аҿы актәи, аҩбатәи, ахԥатәи аклассқәа рҿы ада, егьырҭ аклассқәа зегьы рҿы аҿкы злалаз ахәыҷқәа ыҟоуп, урҭ зегьы аишьцәа, аиҳәшьцәа рымоуп егьырҭ аклассқәа рҟны. Иара убас ҳарҵаҩцәа быжьҩык акарантин аҿы иҟоуп, саргьы сыбжьы иахьа исгәаԥхом", - лҳәеит Делԥҳа.

Иара убас лара иазгәалҭеит иахьа Асанитартә епидемиологиатә станциа анапхгара лыҽрымалдарц дшаҿыз, аха аӡәгьы аҭел шьҭимхит ҳәа. Делԥҳа ишылҳәаз ала, уажәы ашкол адирекциа аилкаара иаҿуп шаҟаҩык рҵаҩцәеи рырҵаҩцәеи акоронавирус рыхьыз, макьана урҭ рхыԥхьаӡара рыздыруам.

Аԥсны агәабзиарахьчара аминистрра апресс-маҵзура COVID-19 зыхьны иҟаз арҵаҩы лыԥсҭазаара дшалҵыз азы аинформациа Sputnik иазышьақәнарӷәӷәеит, иагьазгәарҭеит лара Қырҭтәыла дшырхәышәтәуаз, уаҟа шакәу лыԥсҭазаара дахьалҵыз.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау
Старший научный сотрудник Отдела этнологии Абхазского государственного музея, этнолог Инга Шамба. Архивное фото.

Аҭоурых иагәылаҵәаху: Шамԥҳа ԥшь-ҿык змоу ампахьшьы иазкны

9
(ирҿыцуп 19:36 20.09.2020)
Аԥсуа ҳәынҭқарратә музеи аетнологиа аҟәша аҭҵаарадырратә усзуҩ еиҳабы Инга Шамԥҳа арадио Sputnik аефир аҟны еиҭалҳәеит 2015 шықәсазы Елена Гордиенко-Леиба амузеи ҳамҭас иалҭаз ампахьшьқәа рҭоурых атәы.

 

"Аҭоурых иагәылаҵәаху": Шамԥҳа ԥшьҿык змоу ампахьшьы иазкны

Шәазыӡырҩла арубрика "Аҭоурых иагәылаҵәаху" есмҽыша арадио Sputnik Аԥсны аефир аҿы.

 

Иара убас шәаԥхьар ҟалоит:

9