АУН "Амшынеиқәафымцамч" анапхгаҩ ҿыц даҭоуп

24
(ирҿыцуп 21:41 17.07.2020)
2014 абҵарамза инаркны аҳәынҭқарратә унитартә наплакы "Амшынеиқәафымцамч" аиҳабыс дыҟан Аслан Басариа.

АҞӘА, ԥхынгәы 17 - Sputnik. Аԥсны аԥыза-министр ихаҭыԥуаҩ, аекономика аминистр Кристина Озган лыдҵала АУН "Амшынеиқәафымцамч" адиректор хадас дҟаҵоуп Михаил Логәуа.

Михаил Логәуа диит ԥхынгәы 27, 1970 шықәсазы Аҟәа. 1987 шықәсазы далгеит Аҟәатәи 10-тәи абжьаратә школ.

1995 шықәсазы далгеит Москватәи аҳәынҭқарратә автомобилтә-мҩатә институт "амҩангарақәа реиҿкаареи атранспорт аҟны анапхгареи" азанааҭ ала. 2012 шықәсазы далгеит РАНХиГС "аполитологиа" азанааҭ ала.

1995 шықәса инаркны 1997 шықәсанӡа аус иуан Москва акоммерциатә наплкақәа рҟны. 1997 шықәса инаркны 2003 шықәсанӡа аус иуан Аԥсны Аминистрцәа Реилазаара аппарат аҟны, административтәи азинхьчаратәи усбарҭақәа рыҟәша ареферентс, аекономика аҟәша ареферент еиҳабыс, аекономика аҟәша аиҳабыс.

2003 шықәса инаркны 2004 шықәсанӡа аус иуан Гәылрыԥшь араион ахадара афинанстә-економикатә ҟәша  аиҳабыс, 2004-2005 шықәсқәа рзы – Гәылрыԥшь араион ахада ихаҭыԥуаҩс. 2005 шықәса рзы – араион ахадас.

2011 шықәса инаркны 2013 шықәсанӡа атәыла ахада ихаҭыԥуаҩс дыҟан. 2014-2017 шықәсқәа рзы Москва акоммерциатә структурақәа рҿы аус иуан.

2017 шықәса инаркны иахьанӡа – С.У. Багаԥшь ихьӡ зху афонд аиҳабы.

Аԥсны жәлар рџьынџьтәылатә еибашьра (1992-1993шш.) далахәын, "Агәымшәаразы" амедал ианашьоуп.

1993 ԥхынҷкәынмзазы Афымцатә цәаҳәақәа русбарҭа иалхын Аԥсны аенергетика аминистрра.

1995 жәабранмзазы Аенергетика аминистрра ашьаҭала иаԥҵан аҳәынҭқарратә наплакы "Абхазэнерго", уи напхгара аиҭеит аенергетика аминистрс иҟаз Хәыта Џьынџьолиа. Иара уи ашықәсан, рашәарамзазы аҳәынҭнаплакы "Абхазэнерго" ахьӡ еиҭакын иарку Аҳәынҭқарратә акционертә еилазаара "Амшынеиқәафымцамч" ҳәа.

24

Раионк аԥсҭазаараҟынтә: Гамгьиа авирус змоу Гал рыхәышәтәразы

30
(ирҿыцуп 20:03 28.09.2020)
Гал араион ахәышәтәырҭа хада аҳақьым хада Асҭамыр Гамгьиа арадио Sputnik аефир аҿы еиҭеиҳәеит акоронавирус змоу рзы Галтәи ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Гамгиа авирус змоу Гал рыхәшәтәразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Амза 15 рҟынӡа еиқәыршәатәуп аҟәша. Иҳаԥшааит аҭыԥ. Усҟан ацхыраара лас астанциа ахьыҟаз аҭыԥ аҿы 10 каруаҭк алаҳхырц азы. Асмета ҟаҳҵеит, иаҭаху азы ашәҟәқәа ҳҩит, иааиуа амшқәа рзы иҳашьҭуеит. Иаарласны ашоура змоу зегьы убри аҟәшахьы инаганы, акоронавирус азы анализқәа ҟарҵаанӡа уа иҟалоит. Аҳақьымцәа уаҟа аус зуло алҳаԥшаахьеит, амедиаҳәшьцәа ракәзар, урҭгьы ҟалоит. Иааиуа амзазы Гәдоуҭатәи ахәышәтәарҭахь иҳашьҭраны иҟоуп бригадак, урҭ еиқәҳаршәахьеит. Сгәы ианаагоит аҳақьымцәа уаарыдтәалан ишрыхәҭоу аинформациа дара рҟынӡа инаугар, аҿкы ахәышәтәра ҳҭахым ҳәа зҳәо даара имаҷхоит. Аибашьраан доусы иара иус идыруан, уажәы аҭынч ԥсҭазаараҿгьы џьара гәаҟрак ҟалар, аҳақьымцәа ирдыруазароуп дара рыда ажәлар ԥсыхәа шрымам", - ҳәа еиҭеиҳәеит Гамгьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

30

Аҭара ақыҭан иаадыртит Аԥсны Аџьынџьтәылатә еибашьраҿы иҭахаз рбаҟа

13
(ирҿыцуп 19:21 28.09.2020)
Цәыббра 30 рзы Аԥсны иазгәарҭоит 1992-1993 шықәсқәа рызтәи Аԥсныжәлар Рџьынџьтәылатә еибашьраҿы Аиааира 27 шықәса ахыҵра.

АҞӘА, цәыббра 28 – Sputnik. Очамчыра араион Аҭара ақыҭан имҩаԥган Аԥсныжәлар Рџьынџьтәылатә еибашьраҿы иҭахаз рбаҟа аартра ацеремониа.

Аԥсны ахада Аслан Бжьаниа ипресс-маҵзура ишаанацҳаз ала, ахада ихатә ԥараны 220 нызқь мааҭ алеигалеит иҭахаз рбаҟа аиҭашьақәыргыларазы.

Аҭара ақыҭан иаадыртит Аџьынџьтәылатә еибашьраҿы иҭахаз рбаҟа

Ацеремониа атәыла ахада идагьы иалахәын ахада Иусбарҭа анапхгаҩы Алхас Кәыҵниа, ихаҭыԥуаҩ Зураб Қаџьаиа, Очамчыра араион ахадара, Атәылахьчара аминистрра ахаҭарнакцәа, Апарламент адепутатцәа, Нхыҵ Кавкази Алада Урыстәылеи рҟынтәи хатәгәаԥхарала еибашьуаз, ауаажәларра рхаҭарнакцәа, ақыҭа ауааԥсыра.

Уаанӡатәи адыррақәа рыла, 1992-1993 шықәсқәа рызтәи Аԥсныжәлар Рџьынџьтәылатә еибашьраҿы аиааира 27 шықәса ахыҵра иазкыз ауснагӡатәқәа рыхәҭак аԥыхуп аепидемиологиатә ҭагылазаашьа иахырҟьаны.

Иара убас шәаԥхьар ҟалоит:

 

13