Жәлар рашәақәеи аклассикеи: ахортә капелла Абираҟ амшазы аконцерт мҩаԥнагоит

13
(ирҿыцуп 14:08 18.07.2020)
Аԥсны аҳәынҭқарратә хортә капелла аконцерт аҟны инарыгӡоит аԥсуа жәлар рашәақәеи аҳәаанырцәтәи аклассикеи.

АҞӘА, ԥхынгәы 18 – Sputnik. Ԥхынгәы 23, Аԥсны аҳәынҭқарратә бираҟ амш азы Аҳәынҭқарратә хортә капелла аныҳәатә концерт мҩаԥнагоит Аԥсуа драматә театр аконцерттә зал аҟны ҳәа Sputnik иазеиҭеиҳәеит акапелла адирижиор Нодар Ҷанба.

"Аконцерт аҟны инагӡахоит аԥсуа жәлар рашәақәеи аҳәаанырцәтәи аклассикатә рҿиамҭақәеи. Ари аконцерт аинтерес злаҵоу даҽакгьы ыҟоуп: уи далахәхоит адирижиор қәыԥш, Чаиковски ихьӡ зху Москватәи аҳәынҭқарратә консерваториа аҩбатәи акурс астудент Барас Кәыџба. Аконцерт аӷьырак дирижиорс дамазаауеит акапелла асахьаркыратә напхгаҩы, уи адирижиор хада Нора Аџьынџьал", – ҳәа азгәеиҭеит иара.

Нодар Ҷанба агәра ганы дыҟоуп аконцерт ахәаԥшцәа рҟынтә азҿлымҳара бзиа шаиуа, еиҳаракгьы иара ахьымҩаԥысуа азал иуникалтәу акустика амоуп азы.

"Ари азал аҟны игылоуп америкатәи афирма "Steinway & Sons" иатәу амузыкатә арҳәага шьахә", – иҳәеит ахортә капелла адирижиор. Иара иажәақәа рыла, ари ароиаль аиԥш зеиԥшу даҽак ыҟам Аԥсны, аконцерт аҟны аԥҵамҭақәак иара ацырӷызрала инагӡахоит.

 

 

13

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

7
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

7

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

4
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

4