Адронқәа ржәылара: аруаа аԥырҩы дызҭам ахархәагақәа ржәылара аԥдырҟәҟәааит

Адронқәа ржәылара: аруаа аԥырҩы дызҭам ахархәагақәа "ржәылара" аԥдырҟәҟәааит

25
(ирҿыцуп 12:09 20.07.2020)
Урыстәылатәи ар разыҟаҵаратә ҭагылазаашьа агәаҭара мҩаԥысуеит. Аԥсны ари ауснагӡатә иалахәуп х-нызқьҩык рҟынӡа Аладатәи арратә округ аруаа.

АҞӘА, ԥхынгәы 20 - Sputnik. Аԥсны иҟоу Урыстәыла Аладатәи арратә округ аруаа арадиоелектронтә шьаҽреи аԥшыхәреи рымҩаԥгаразы астанциақәа аус дыруны, инарыгӡо ршьаҿақәа еиқәыршәаны рҽазыҟарҵеит аполигон "Гәдоуҭа" аҟны, абри атәы аанацҳауеит Урыстәыла аладатәи арратә округ апресс-маҵзура.

Арадиоелектронтә ҿагылара аҟәшақәа рыхиара агәаҭара аҳәаақәа ирҭагӡаны Аԥсны иҟоу Урыстәыла аладатәи арратә округ аруаа иаԥдырҟәҟәааит аԥырҩы дызҭам ахархәагақәа "ржәылара".

Аҟазауаа ахарантә адронқәа шьақәырҟьеит.

"Арадиолокациатә ҟәшақәа иԥыруаз ацәҟьарақәа рыҟазааразы арадиоелектронтә ҿагылара аҟәшақәа рахь адырра ҟарҵеит. Арадиоелектронтә ҿагылара аҟәшақәа рыхиара агәаҭара аҳәаақәа ирҭагӡаны иқәгылан 300-ҩык рҟынӡа аҟазауаа, 20 ак арратә техника" ҳәа аҳәоит Урыстәыла аладатәи арратә округ апресс-маҵзура.

Ԥхынгәы 17 рзы Урыстәыла ахада Владимир Путин иаалырҟьаны адҵа ҟаиҵеит Аладатәии Мраҭашәаратәи арратә округқәа разыҟаҵашьа гәаҭазарц.

Агәаҭарақәа раан иазԥхьагәаҭоуп урыстәылатәи ар Урыстәыла алада-мраҭашәаратәи ахәҭа ашәарҭадара шеиқәдыршәо ахәшьара аҭареи цәыббрамзазы имҩаԥысраны иҟоу аҽазыҟаҵарақәа ишазыхиоу агәаҭареи. Аҽазыҟаҵарақәа зегьs мҩаԥысуеит асанитартә, аепидемиологиатә, аекологиатә шәарҭадара иқәныҟәаны.

Иара убас шәаԥхьар ҟалоит:

25

Даҽа 46-ҩык Аԥсны атәылауаа акоронавирус рыдбалоуп

2
(ирҿыцуп 19:25 27.09.2020)
Иахьазы Аԥсны иахьаҵанакуа иаарԥшу акоронавирустә хҭысқәа рхыԥхьаӡара 1332 ыҟоуп. Ргәы бзиахахьеит 400-ҩык, жәҩык рыԥсҭазаара иалҵит.

АҞӘА, цәыббра 27 – Sputnik. Аԥсны иҳаҩсыз уахыки-ҽнаки рыла акоронавирус зыхьуа рхыԥхьаӡара даҽа 46-ҩык рыла еиҳахеит ҳәа аанацҳауеит Ауааԥсыра акоронавирус рацәыхьчаразы аоперативтә штаб.

"Иҳаҩсыз уахыки-ҽнаки рыла акоронавирустә инфекциа амазааразы игәаҭан 160-ҩык атәылауаа, урҭ рахьтә адиагноз COVID-19 рзышьақәыргылан 46-ҩык", - ҳәа аанацҳауеит аоперштаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-а апациентцәа, урҭ рахьтә COVID-19 адиагноз рзышьақәырӷәӷәоуп 117-ҩык, рҭагылазаашьа хьанҭоуп 14-ҩык, ибжьаратәуп 27-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау
Сезгин Чукуа

Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт иҵыхәтәантәихар шалшоз

6
(ирҿыцуп 18:51 27.09.2020)
Аԥсны жәлар рџьынџьтәылатә еибашьра аветеран, Агәымшәаразы амедал занашьоу Сезгин Чыӷә-иԥа арадио Sputnik аефир аҿы игәалаиршәеит 27 шықәса раԥхьа арҭ амшқәа рзы Аҟәа ахақәиҭтәраз ицоз ажәылара.
Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт, иҵыхәтәантәихар шалшоз

Сезгин раԥхьаӡа акәны Гагра анырга ашьҭахь Аԥсныҟа дааит, усҟан иара ихыҵуан 24 шықәса. Аибашьҩы иажәақәа рыла, Ҭырқәтәыла аррамаҵзура ашьҭахь ԥышәа хәыҷык иман, абџьар атәы идыруан.

"Аҟәа ахақәиҭтәразы ҳгәыԥ Каман ала раԥхьа ажәылара ҳалагеит, усҟан Гагратәи абаталион салан. Усҟан ауп данҭаха Баҳадыр Абыӷба, Ерқан Қәҭарба дырхәит, еиҭа быжьҩык раҟара аҷкәынцәа рхәит. Иҭахаз ҳаҷкәынцәа рыԥсра усҟан иаҳзеилкааӡомызт, урҭ рҵәыуара аха ҳамамызт, аибашьра цон. Нас аибашьра ашьҭахь ауп зегьы анеилаҳкаауаз, ҳгәы аныԥжәоз. Баҳадыри сареи ҳхәыҷаахыс ҳаибадыруан. Аибашьра нҵәоит сентиабртәи ажәылара ашьҭахь ҳәа ихасҵомызт, ус шаҟантә ҳцахьаз ажәылара, аха ҳаиааиуамызт. Нас аиааира ҳгеит, аибашьра нҵәеит ҳәа анырҳәа ихасҵомызт, агәра сызгомызт", - еиҭеиҳәеит аветеран.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6