"Аҳаракырахь амҩа": Екатерина Бебиаԥҳа лышәҟәы Sputnik апресс-центр аҿы иӡырган

27
(ирҿыцуп 19:59 20.07.2020)
Екатерина Бебиаԥҳа - еицырдыруа аԥсуа журналист, апублицист, Аԥснытәии Ҟәбантәии аҳәынҭқарратә университетқәа рпрофессор, Аԥсны Ажурналистцәа реидгыла "1992-1993 шш. рзы Аагәымшәареи апрофессионаллеи раарԥшразы" апремиа алауреат 40 инареиҳаны шәҟәы дравторуп.

АҞӘА, ԥхынгәы 20 – Sputnik, Ренат Ԥачалиа. Ажурналист, апублицист, ашәҟәыҩҩы, аҵарауаҩ Екатерина Бебиаԥҳа лышәҟәы "Аҳаракырахь амҩа" аӡыргара мҩаԥган Sputnik апресс-центр аҿы ашәахьа, ԥхынгәы 20 рзы.

© Sputnik / Томас Тхайцук
"Аҳаракырахь амҩа": Екатерина Бебиаԥҳа лышәҟәы Sputnik апресс-центр аҿы иӡырган

Ашәҟәы еиқәыршәоуп ҩ-бызшәак рыла - аԥсышәалеи урысшәалеи. Уи рызкуп Аԥсны аҭоурых ашьақәгылараҿы аџьабаа ду збаз Аԥсни Ҟарачы-Черқьесиеи рҟны еицырдыруа ауаа. Раԥхьатәи адаҟьақәа аатуеит Аԥсны ахадацәа ирызку анҵамҭақәа рыла.

Аӡыргарахь ааԥхьара лыман ашәҟәы аԥсуа версиа аредактор Гәында Аӡынба. Гәында ишазгәалҭаз ала, Екатерина Бебиаԥҳа лышәҟәқәа рҿы еснагь иӡырылгоит Аԥсны акультуреи аҭоурыхи ҳҳәынҭқарра ашьақәгылараҿы акыр зылшаз ауааи.

© Sputnik / Томас Тхайцук
"Аҳаракырахь амҩа": Екатерина Бебиаԥҳа лышәҟәы Sputnik апресс-центр аҿы иӡырган

"Иудыруа ауаа рҭоурых уанаԥхьо угәы иаанагоит, иҿыцу акгьы саҳарым ҳәа. Аха ашәҟәаҟны аҭынхацәа, аҩызцәа ражәақәа уанрыԥхьалагь, дыздыруан ҳәа иуԥхьаӡоз ауаҩы зынӡа дҿыцны дузцәырҵуеит, даҽа блақәак рыла уихәаԥшуеит", - лҳәеит Гәында.

Ашәҟәы аӡыргара иалахәын иара убас уи адаҟьақәа рҿы зыӡбахә аагоу афырхацәа. "Аҳаракырахь амҩа" аҟны иануп Аԥсны имҩаԥысуа ахҭысқәа еснагь ирызҿлымҳау, уи аҿиараҿы злагала дуу Адунеизегьтәи аԥсуа-абаза конгресс аиҳабы Муса Екзеков. Иара аӡыргара иақәыршәаны адныҳәалара ааишьҭит.

© Sputnik / Томас Тхайцук
"Аҳаракырахь амҩа": Екатерина Бебиаԥҳа лышәҟәы Sputnik апресс-центр аҿы иӡырган

"Агәраганы сыҟоуп, шәара еснагь шәынҵамҭақәа рыла ҳашшәыргәырӷьало. Сгәы иаанагоит, иаԥхьо зегьы ари ашәҟәы ацәанырра ҟәандақәа шрызцәырнаго", - иҳәеит Муса.

Аԥсны еицырдыруа архитектор, зочерк ашәҟәы иагәылалаз Игор Смыр ииубилеи иақәшәеит ашәҟәы аӡыргара, иара Екатерина Бебиаԥҳа иҭабуп ҳәа лаҳәо, итәаз зегьы рҿаԥхьа даԥхьеит автор илзикыз ажәеинраала.

© Sputnik / Томас Тхайцук
"Аҳаракырахь амҩа": Екатерина Бебиаԥҳа лышәҟәы Sputnik апресс-центр аҿы иӡырган

Екатерина Бебиаԥҳа иҭабуп ҳәа ралҳәеит иааиз зегьы. Автор иазгәалҭеит инакәызаалакгьы аӡыргара дуны ишыҟарҵалоз, аха иахьа акоронавирус иахҟьаны ишьақәгылаз аҭагылазаашьа амшала ирмаҷны иҟарҵар акәхеит. Аха иагьа ус иҟазаргьы, ари даара акыр зҵазкуа мшуп, уи наҟ-наҟ аусура арҭбааразы агәаҳәара унаҭоит лҳәеит Бебиаԥҳа.

© Sputnik / Томас Тхайцук
"Аҳаракырахь амҩа": Екатерина Бебиаԥҳа лышәҟәы Sputnik апресс-центр аҿы иӡырган

Ашәҟәы "Аҳаракырахь амҩа" ҭыжьуп автор лхарџь ала. Ашәҟәы еиднакылоит ҳуаажәларраҿы иналукааша ауаа рҭоурыхқәа. Атираж 400 цыра ыҟоуп, ашәҟәы еиқәыршәоуп аԥсышәалеи урысшәалеи.

Афилологиатә ҭҵаарадыррақәа рдоктор, Аԥснытәии Ҟәбантәии аҳәынҭқарратә университетқәа ажурналистика акафедрақәа рпрофессор, Аԥсны ашәҟәыҩҩцәеи ажурналистцәеи реидгылақәа рхаҭарнак Екатерина Бебиаԥҳа иҭлыжьхьеит 40 инареиҳаны ашәҟәқәа.

Иара убас шәаԥхьар ҟалоит:

27

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

10
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

10

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

6
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6