Афестиваль "Хьыбла Гьерзмааԥҳа шәаалыԥхьоит" сынтәа апандемиа иахҟьаны иҟалом

17
(ирҿыцуп 18:14 20.07.2020)
Аслан Бжьаниеи Хьыбла Гьерзмааԥҳаи реиԥылараан илҳәеит есышықәсатәи афестиваль "Хьыбла Гьерзмааԥҳа шәаалыԥхьоит" сынтәа апандемиа иахҟьаны ишзымҩаԥымсуа.

АҞӘА, ԥхынгәы 20 – Sputnik. Есышықәсатәи афестиваль "Хьыбла Гьерзмааԥҳа шәаалыԥхьоит" сынтәа апандемиа иахҟьаны имҩаԥгахом, абри атәы лҳәеит Аԥсны жәлар рартист Хьыбла Гьерзмааԥҳаи Аԥсны ахада Аслан Бжьаниеи реиԥылараҟны.

© Sputnik / Томас Тхайцук
Ашәахьа, ԥхынгәы 20 рзы Аԥсны ахада Аслан Бжьаниа Аԥсны жәлар рартистка Хьыбла Гьерзмааԥҳа дидикылеит.

Гьерзмааԥҳа иазгәалҭеит гәахәара дула Аԥсныҟа дшааз. Илҳәеит афестиваль "Хьыбла Гьерзмааԥҳа шәаалыԥхьоит" сынтәа апандемиа иахҟьаны ишзымҩаԥымсуагьы ԥхьаҟазы ишынхо, ишыҿио.

"Сынтәа иҟоу аҭагылазаашьа иахҟьаны афестиваль мҩаԥгатәым ҳәа иазысыӡбеит. Еиуеиԥшым егьырҭ афестивальқәа абасеиԥш рыҿҳәара ахыгоуп", - лҳәеит лара.

Аслан Бжьаниа иҭабуп ҳәа леиҳәеит Хьыбла зегь еицырзеиԥшхаз апроблема еилкааны дахьазнеиз азы.

"Ҳара зегьы акыр агәҭынчымра ҳаман шәҭагылазаашьазы (Хьыбла акоронавирус чымазара лхылгеит-аред). Анцәа иџьшьаны зегьы шьҭахьҟа инхеит. Арыцҳара ҳаҩсит", - иҳәеит атәыла ахада.

© Sputnik / Томас Тхайцук
Ашәахьа, ԥхынгәы 20 рзы Аԥсны ахада Аслан Бжьаниа Аԥсны жәлар рартистка Хьыбла Гьерзмааԥҳа дидикылеит.

Хьыбла Гьерзмааԥҳа Аслан Бжьаниа ҭабуп ҳәа иаҳәо иазгәалҭеит Кремль аҭыԥ змаз реиқәшәара шылгәалашәо.

"Саргьы шәбара сеигәырӷьоит. Ишәзеиӷьасшьоит агәабзиара, ачҳара, амч, алшара. Сгәыӷуеит шәгәы иҭашәкуа зегьы шәылшәыршап, Аԥсны ашәҭыкакаҷрахь амҩа ианылап ҳәа. Анцәа иҳәааит шәкоманда, дарбанызаалак шәымҩаҿ ишәԥыло зегьы шәывагыло, ацхыраара шәырҭо. Аҽазныкгьы ишәзеиӷьасшьоит агәабзиара, ақәҿиарақәа", - лҳәеит лара.

"Ҳара акраамҭа насыԥ ду ҳаманы ҳанхарц ҳгәы иҭоуп, убри азы Аԥсны иҟалашт имаҷымкәа акультуратә ныҳәақәа", - иҳәеит Бжьаниа.

Атәыла ахада иҳәеит афестиваль "Хьыбла Гьерзмааԥҳа шәаалыԥхьоит" аҳәынҭқарраҟынтә еснагь адгылара шаиуа.

17
Сезгин Чукуа

Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт иҵыхәтәантәихар шалшоз

5
(ирҿыцуп 18:51 27.09.2020)
Аԥсны жәлар рџьынџьтәылатә еибашьра аветеран, Агәымшәаразы амедал занашьоу Сезгин Чыӷә-иԥа арадио Sputnik аефир аҿы игәалаиршәеит 27 шықәса раԥхьа арҭ амшқәа рзы Аҟәа ахақәиҭтәраз ицоз ажәылара.
Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт, иҵыхәтәантәихар шалшоз

Сезгин раԥхьаӡа акәны Гагра анырга ашьҭахь Аԥсныҟа дааит, усҟан иара ихыҵуан 24 шықәса. Аибашьҩы иажәақәа рыла, Ҭырқәтәыла аррамаҵзура ашьҭахь ԥышәа хәыҷык иман, абџьар атәы идыруан.

"Аҟәа ахақәиҭтәразы ҳгәыԥ Каман ала раԥхьа ажәылара ҳалагеит, усҟан Гагратәи абаталион салан. Усҟан ауп данҭаха Баҳадыр Абыӷба, Ерқан Қәҭарба дырхәит, еиҭа быжьҩык раҟара аҷкәынцәа рхәит. Иҭахаз ҳаҷкәынцәа рыԥсра усҟан иаҳзеилкааӡомызт, урҭ рҵәыуара аха ҳамамызт, аибашьра цон. Нас аибашьра ашьҭахь ауп зегьы анеилаҳкаауаз, ҳгәы аныԥжәоз. Баҳадыри сареи ҳхәыҷаахыс ҳаибадыруан. Аибашьра нҵәоит сентиабртәи ажәылара ашьҭахь ҳәа ихасҵомызт, ус шаҟантә ҳцахьаз ажәылара, аха ҳаиааиуамызт. Нас аиааира ҳгеит, аибашьра нҵәеит ҳәа анырҳәа ихасҵомызт, агәра сызгомызт", - еиҭеиҳәеит аветеран.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

5
Ирма Скверия

Аҭоурых иагәылаҵәаху: Шәқьериаԥҳа Аԥсны Афырхаҵа Завер Тәанба изкны

8
(ирҿыцуп 15:23 27.09.2020)
Ешыратәи аибашьцәа рмузеи аиҳабы лхаҭыԥуаҩ Ирма Шәқьериаԥҳа арадио Sputnik аефир аҟны еиҭалҳәеит Аԥсны Аџьынџьтәылатә еибашьраҟны иҭахаз, Аԥсны Афырхаҵа ҳәа ахьӡ ҳаракы иаԥсахаз Завер Тәанба иҭоурых.
Аҭоурых иагәылаҵәаху: Шәқьериаԥҳа Аԥсны Афырхаҵа Завер Тәанба изкны

Шәазыӡырҩла арубрика "Аҭоурых иагәылаҵәаху" арадио Sputnik Аԥсны аефир аҿы ес-мҽыша.

8

Аԥсны Адәныҟатәи аусқәа рминистрра Ашьха Ҟарабах иҟоу аҭагылазаашьазы ааԥхьара ҟанаҵеит

0
(ирҿыцуп 18:43 27.09.2020)
Аерман-азербаиџьантә конфликт ҩаԥхьа аҽарҿыцит амҽыша ашьыжь. Ермантәылеи Ашьха Ҟарабахи аибашьратә ҭагылазаашьеи азеиԥш мобилизациеи рылаҳәоуп.

АҞӘА, цәыббра 27 - Sputnik. Аԥсны Адәныҟатәи аусқәа рминистрра аерман-азербаиџьантә конфликт ҩаԥхьа аҽахьарҿыцыз агәҭынчымра шазцәырнаго азы аҳәамҭа ҟанаҵеит.

"Аԥсны Адәныҟатәи аусқәа рминистрра адунеижәларбжьарахь ааԥхьара ҟанаҵоит Ареспублика Арцах (ашьха Ҟарабах – аред.) иаҿагыланы имҩаԥысуа агрессиа аанкылазарц, арегион аҟны бџьаршьҭыхлатәи аиҿагылара иахьынӡауа иаԥдырҟәҟәаарц", - ҳәа азгәаҭоуп аминистрра асаит аҟны икьыԥхьу аҳәамҭаҿы.

 

Адәныҟатәи аусқәа рминистрраҿы агәрагара аадырԥшит уажәазы иҟоу, жәларбжьаратәи азхаҵара змоу амеханизм – ОБСЕ иатәу Минсктәи агәыԥ ала аконфликт аҭышәныртәалара альтернатива шамам.

Цәыббра 27 ашьыжь Азербаиџьан Атәылахьчара аминистрра аҳәамҭа ҟанаҵеит Ермантәыла Арбџьармчқәа Ҟарабх аинырратә цәаҳәала иҟоу анхарҭақәа ирылахысит ҳәа. Дара урҭ адыррақәа рыла, атәылауаа рыбжьара иҭахаз ыҟоуп. Ермантәыла Арбџьармчқәа ишырҳәаз ала, Ҟарабах "аҳауантәи аракетақәа рылеи иажәлеит". Ереван ирҳәеит Бақәа "ҳажәло иалагеит" ҳәа, ҟарабахтәи ахырхарҭала. Иазхаҵам Ашьха-Ҟарабахтәи Ареспубликаҿы адырра ҟарҵеит, артиллериала ишреихсыз аҭынч уааԥсыра рынхарҭақәа, аҳҭнықалақь Степанакертгьы уахь иналаҵаны. Аиҳабыра ауааԥсыра рахь ааԥхьара ҟанаҵеит рҽыԥхьаркырц, уи ашьҭахь Ҟарабах аибашьратә ҭагылазаашьеи амобилизациеи рыларҳәеит. Аибашьратә ҭагылазаашьеи амобилизациеи рыларҳәеит иара убас Ермантәылагьы. Бақәа акәзар, амобилизациа аҭахны иҟам рҳәеит, ҳар зегь рыла еиқәшәоуп ҳәа. Аҳәынҭқаррақәа жәпакы, Урыстәылеи Франциеи назлоу, аганқәа рыҽныркыларц абжьгара ҟарҵоит.

0