Аԥсны иахьаҵанакуа "аӷа" ижәылара аԥдырҟәҟәааит урыстәылатәи аруаа

10
(ирҿыцуп 10:56 22.07.2020)
Ԥхынгәы 17, 2020 шықәса рзы Урыстәыла ахада Владимир Путин иӡбрала иаалырҟьаны ргәаҭара мҩаԥган Аладатәии Мраҭашәаратәии арратә округқәа.

АҞӘА, ԥхынгәы 21 - Sputnik. Аԥсны иҟоу Урыстәылатәи аладатәи арратә округ аррамаҵзурауаа азениттә-ракетатә системақәа С-300 рыцхыраарала "аӷа" ижәылара аԥдырҟәҟәааит ҳәа аанацҳауеит Урыстәылатәи аладатәи арратә округ апресс-маҵзура.

"Атактикатә ҽазыҟаҵарақәа рҿы планла имҩаԥгаз агәаҭарақәа раан Аԥсны иҟоу Урыстәылатәи аладатәи арратә округ аррамаҵзурауаа азенит-ракетатә системақәа С-300 рыцхыраарала "аӷа" иавиациа ажәылара аԥдырҟәҟәааит", - ҳәа аҳәоит адырраҭараҿы.

Аҽазыҟаҵарақәа ирылахәын 500-ҩык аррамаҵзурауаа, 50 ак арратә техника: азенит-ракетатә системақәа С-300 "Фаворит", акомплексқәа "Оса-АКМ", "Стрела-10", еиҭарго азенит-ракетатә комплексқәа "Игла" реиԥш иҟоу налаҵаны.

Ԥхынгәы 17, 2020 шықәса рзы Урыстәыла ахада Владимир Путин иӡбрала иаалырҟьаны ргәаҭара мҩаԥган Аладатәии Мраҭашәаратәии арратә округқәа, Аҳаир-десанттә мчрақәа, Арра-мшынтә флот амшынтә пехота ахәҭақәа.

Зынӡа иаалырҟьаны агәаҭарақәа рымҩаԥгара иалархәын 150 000-ҩык аруаа, 400 ԥрыга аппарат, 26 000 иҷыдоу арратә атехника, 100 рҟынӡа ӷба.

Ауснагӡатә иахықәкы хаданы иҟоуп арҟәшақәа разыҟаҵара, рдырра, ртехникатә еиқәыршәара ргәаҭара.

Агәаҭаратә уснагӡатәқәа хыркәшахеит ԥхынгәы 21 рзы.

10

Аԥсны 68-ҩык аҿкы рыдырбалеит, ҩыџьа рыԥсҭазаара иалҵит

11
(ирҿыцуп 20:10 29.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4126-ҩык ыҟоуп. Урҭ рахьтә ргәы бзиахеит 2170-ҩык, рыԥсҭазаара иалҵит 38-ҩык.

АҞӘА, жьҭаара 29 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 427 ҟаҵан, урҭ рахьтә акоронавирус аарԥшын 68 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Аоперштаб иара убас иаанацҳаит жьҭаара 29 рзы Гәдоуҭатәи агоспиталь аҿы лыԥсҭазаара дшалҵыз 1976 шықәсазы ииз апациент. Лара ахәышәтәырҭа дҭашәеит жьҭаарамза 13, лыԥсыԥ лагаҩагара акыр илцәыцәгьаны, ҩганктәи агәыҵәкра лыманы. Иақәнагаз атерапиа шлзымҩаԥыргозгьы, жьҭаара 29 рзы лдунеи лыԥсахит.

Жьҭаара 29 рзы рзы иԥсыԥ лагаҩагара акыр ицәыцәгьаны, ҩганктәи агәыҵәкра иманы аҟәатәи амобильә госпиталь аҟны ишьҭаз апациент иԥсҭазаара далҵит, иақәнагаз атерапиа шизымҩаԥыргозгьы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 135-ҩык ауааԥсыра, урҭ рахьтә 113-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 29-ҩык, ибжьаратәуп - 36-ҩык, илҩаауп 13-ҩык апациентцәа. Гәдоуҭатәи агоспиталь иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 55-ҩык апациентцәа. 51-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

11
Атемақәа:
Ачымазара ҿкы – акоронавирус Аԥсни адунеи аҿи: иалкаау

Барцыц Гагра араион COVID-19 азы: аҭагылазаашьазы даара ицәгьоуп

2
(ирҿыцуп 19:55 29.10.2020)
Гагра араион ахада ихаҭыԥуаҩ Алхас Барцыц арадио Sputnik аефир аҿы еиҭеиҳәеит акоронавирус зыхьуа ачымазаҩцәа рзы араион аҿы иҟоу алшарақәа ртәы.
Раионк аԥсҭазаараҟынтә: Барцыц Гагра араион апандемиа аҭагылазаашьа иазкны

"Аҭагылазаашьа араион аҿы ицәгьоуп, 200-ҩык иреиҳауп ачымазара змоу. Ахәышәтәырҭаҿы ишьҭоуп 17-ҩык. Ачымазара аҩны изхызго зегьы ргәабзиара шыҟоу ҳазҵаауеит, иҳамоу алшарала ацхыраара раҳҭоит. Иааиуа амчыбжь азы иаартхоит астационар ҳасабла ачымазара змоу рзы 30-ҩык рҭыԥ. Уи анаҩсгьы иҳамоуп акомпиутертә томограф. Иара икоммерциатәуп, аха уажәы аиҿцәажәарақәа имҩаԥаҳгоит, уи иаалкау атәылауаа рзы хәыда ԥсадахарцаз. Мызкы 100-ҩык рҟынӡа ачымазаҩцәа ргәаҭаразы алшара шыҟало агәра ҳгоит. Уахь иаҵанакуеит зылшарақәа ԥку, насгьы зҭагылазаашьа уадаҩу аҭаацәарақәа рҟынтә ауаа. Иара уи адагьы, Гагратәи амедицинатә коллеџь аҟны аҵара зҵо 30-ҩык астудентцәа ахәышәтәырҭаҿы аҳақьымцәа ацхыраара рырҭалоит. Ахәышәтәырҭа хәшәыла еиқәыршәаразы иҟан ауадаҩрақәа, аха урҭ рҽеиуп. Ҳхатә мчқәа рыла иԥшаахаз маҷым, аха аҳәынҭқаррагьы ацхыраара ҟанаҵеит",- еиҭеиҳәеит Барцыц.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

2
Атемақәа:
Ачымазара ҿкы – акоронавирус Аԥсни адунеи аҿи: иалкаау