Афинансқәа рминистрра аҭыԥантәи абиуџьетқәа рахь аԥаразшәарацҵа азыԥхьагәанаҭоит

20
(ирҿыцуп 15:21 23.07.2020)
2020 шықәса рзы араионқәа рбиуџьетқәа рзеиԥш ԥарашәарацҵа азыԥхьагәаҭан 749 миллиони 937 нызқьи мааҭ ирҭагӡаны. Аиҭакрақәа инарымаданы уи ԥсаххеит 961 миллиони 937 нызқьи мааҭ ҳәа.

АҞӘА, ԥхынгәы 23 – Sputnik, Сариа Кәарцхьиаԥҳа. Афинансқәа рминистрра иазыԥхьагәанаҭоит аҭыԥантәи абиуџьетқәа рахь 212 миллион мааҭ аԥаразшәарацҵа аҟаҵара ҳәа Sputnik акорреспондент илзеиҭеиҳәеит аминистр ихаҭыԥуаҩ Саид Гәбаз.

Аԥаразшәарацҵа мҩаԥгатәуп аҳәынҭусбарҭақәа русзуҩцәа ркатегориақәак рулафахәы иахьацҵоу азы.

"Иуадаҩу афинанс-економикатә ҭагылазаашьа шыҟоугьы уаанӡатәи Урыстәылеи Аԥсни реиқәшаҳаҭра анагӡара аҳәаақәа ирҭагӡаны Аминистрцәа реилазаара иаднакылеит аӡбра агәабзиарахьчара, аҵарадырра, акультура, аҭҵаарадырра, асоциалтә маҵзура русхкқәа рҟны аулафахәы шьҭыхзарц. Ақәҵара инақәыршәаны, имҩаԥгахоит 2020 шықәса ажьырныҳәа нахыстәи аиндексациа", - иҳәоит Гәбаз.

2020 шықәса рзы араионқәа рбиуџьетқәа рзеиԥш ԥарашәарацҵа азыԥхьагәаҭан 749 миллиони 937 нызқьи мааҭ. Аиҭакрақәа инарымаданы уи ԥсаххеит 961 миллиони 937 нызқьи мааҭ ҳәа.

Саид Гәбаз ишиҳәаз ала:

  • Гагра араион абиуџьет ахь инашьҭхоит 35,5 миллион мааҭ рцынхәрас 79,5 миллион;
  • Гәдоуҭа араион абиуџьет ахь инашьҭхоит 135,5 миллион мааҭ рцынхәрас 181,5 миллион;
  • Аҟәа араион абиуџьет ахь инашьҭхоит 22 миллион мааҭ рцынхәрас 29 миллион;
  • Гәылрыԥшь араион абиуџьет ахь инашьҭхоит 97 миллион 937 нызқь мааҭ рцынхәрас 120 миллиони 937 нызқьи мааҭ;
  • Очамчыра араион абиуџьет ахь инашьҭхоит 133 миллион мааҭ рцынхәрас 150 миллион;
  • Тҟәарчал араион абиуџьет ахь инашьҭхоит 149 миллион мааҭ рцынхәрас 168 миллион;
  • Гал араион абиуџьет ахь инашьҭхоит 145 миллион мааҭ рцынхәрас 172 миллион;
  • Аҟәа ақалақь абиуџьет ахь инашьҭхоит 32 миллион мааҭ рцынхәрас 61 миллион.
20

Аԥсны 68-ҩык аҿкы рыдырбалеит, ҩыџьа рыԥсҭазаара иалҵит

11
(ирҿыцуп 20:10 29.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4126-ҩык ыҟоуп. Урҭ рахьтә ргәы бзиахеит 2170-ҩык, рыԥсҭазаара иалҵит 38-ҩык.

АҞӘА, жьҭаара 29 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 427 ҟаҵан, урҭ рахьтә акоронавирус аарԥшын 68 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Аоперштаб иара убас иаанацҳаит жьҭаара 29 рзы Гәдоуҭатәи агоспиталь аҿы лыԥсҭазаара дшалҵыз 1976 шықәсазы ииз апациент. Лара ахәышәтәырҭа дҭашәеит жьҭаарамза 13, лыԥсыԥ лагаҩагара акыр илцәыцәгьаны, ҩганктәи агәыҵәкра лыманы. Иақәнагаз атерапиа шлзымҩаԥыргозгьы, жьҭаара 29 рзы лдунеи лыԥсахит.

Жьҭаара 29 рзы рзы иԥсыԥ лагаҩагара акыр ицәыцәгьаны, ҩганктәи агәыҵәкра иманы аҟәатәи амобильә госпиталь аҟны ишьҭаз апациент иԥсҭазаара далҵит, иақәнагаз атерапиа шизымҩаԥыргозгьы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 135-ҩык ауааԥсыра, урҭ рахьтә 113-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 29-ҩык, ибжьаратәуп - 36-ҩык, илҩаауп 13-ҩык апациентцәа. Гәдоуҭатәи агоспиталь иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 55-ҩык апациентцәа. 51-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

11
Атемақәа:
Ачымазара ҿкы – акоронавирус Аԥсни адунеи аҿи: иалкаау

Барцыц Гагра араион COVID-19 азы: аҭагылазаашьазы даара ицәгьоуп

2
(ирҿыцуп 19:55 29.10.2020)
Гагра араион ахада ихаҭыԥуаҩ Алхас Барцыц арадио Sputnik аефир аҿы еиҭеиҳәеит акоронавирус зыхьуа ачымазаҩцәа рзы араион аҿы иҟоу алшарақәа ртәы.
Раионк аԥсҭазаараҟынтә: Барцыц Гагра араион апандемиа аҭагылазаашьа иазкны

"Аҭагылазаашьа араион аҿы ицәгьоуп, 200-ҩык иреиҳауп ачымазара змоу. Ахәышәтәырҭаҿы ишьҭоуп 17-ҩык. Ачымазара аҩны изхызго зегьы ргәабзиара шыҟоу ҳазҵаауеит, иҳамоу алшарала ацхыраара раҳҭоит. Иааиуа амчыбжь азы иаартхоит астационар ҳасабла ачымазара змоу рзы 30-ҩык рҭыԥ. Уи анаҩсгьы иҳамоуп акомпиутертә томограф. Иара икоммерциатәуп, аха уажәы аиҿцәажәарақәа имҩаԥаҳгоит, уи иаалкау атәылауаа рзы хәыда ԥсадахарцаз. Мызкы 100-ҩык рҟынӡа ачымазаҩцәа ргәаҭаразы алшара шыҟало агәра ҳгоит. Уахь иаҵанакуеит зылшарақәа ԥку, насгьы зҭагылазаашьа уадаҩу аҭаацәарақәа рҟынтә ауаа. Иара уи адагьы, Гагратәи амедицинатә коллеџь аҟны аҵара зҵо 30-ҩык астудентцәа ахәышәтәырҭаҿы аҳақьымцәа ацхыраара рырҭалоит. Ахәышәтәырҭа хәшәыла еиқәыршәаразы иҟан ауадаҩрақәа, аха урҭ рҽеиуп. Ҳхатә мчқәа рыла иԥшаахаз маҷым, аха аҳәынҭқаррагьы ацхыраара ҟанаҵеит",- еиҭеиҳәеит Барцыц.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

2
Атемақәа:
Ачымазара ҿкы – акоронавирус Аԥсни адунеи аҿи: иалкаау