Урыстәыла Аекономикатә ҿиара аминистрра Аԥсны Аинвестпрограмма аобиектқәа ирҭаауеит

11
(ирҿыцуп 01:24 29.07.2020)
Акомплекстә мониторингтә уснагӡатә аҳәаақәа ирҭагӡаны Аԥсныҟа иааит Урыстәыла Аекономикатә ҿиара аминистрра, Аиустициа аминистрра, Аказначеира, Абанк, Урыстәылатәи ашәҟәынҵа рхаҭарнакцәа.

АҞӘА, ԥхынгәы 29 - Sputnik. Урыстәылатәи аделегациа Аԥсны асоциал-економикатә ҿиаразы Аинвестициатә программа иаҵанакуа аобиект дуқәа ирҭаауеит ҳәа иҳәеит Аекономикатә ҿиара аминистрра Асоциалтә программақәеи апроектқәеи рдепартамент адиректор Алексеи Сухов Аԥсны аԥыза-министр Александр Анқәаб иԥылараан.

Сухов иажәақәа рыла, аделегациа ареспубликахь иааит Асоциал-економикатә усеицуразы аиҳабырабжьаратә комиссиа ацхантәаҩ иӡбарала.

"Сколлегацәа зегьы аусура иазыхиоуп ҳнапхгара рахь иобиективу ажәахә анагаразы. Ҳара иаҳҭахуп еиҳа иналукааша аобиектқәа рҭаара. Иахьанатә ҳусура хацҳаркуеит Афинансқәа рминистрра, Аказначеира, Амилаҭтә банк, Аекономика аминистрра рҿы", - ҳәа иҳәеит Сухов.

Иазгәарҭеит аурыс-аԥсуа гәыԥ акомплекстә мониторинг шеицымҩаԥырго ареспублика афинанстә система аҭагылазаашьа ахәшьара аҭарази афинанстә цхыраара хықәкылатәи ахархәашьа ашьақәыргыларази.

Александр Анқәаб аиԥылараан далацәажәеит акоронавирустә инфекциа иадҳәалоу аҭагылазаашьа, аекономика арбагақәа рҭагылазаашьа.

"Аԥсны еиуеиԥшым ауснагӡатәқәа рыдкылан: иалагалан аҭагылазаашьа ҷыда, акоменданттә сааҭ. Аԥкрақәа аекономика анырра ӷәӷәа арҭеит. Ҳара иҳалшо зегь ҟаҳҵоит атәыла абиуџьет аныхрақәа роптимизациазы. Уи иалнаршоит ихьшәаны акәзаргьы, асоциалтә, агәабзиарахьчаратә усхкқәа рԥаразоужьра", - ҳәа иҳәеит аиҳабыра рхада.

Аԥсны ахада Аслан Бжьаниа ԥхынгәы 28 рзы аҳәаа ахысразы аԥкырақәа рыҿҳәара нанҳәа 4 рҟынӡа иациҵеит.

Иара убас шәаԥхьар ҟалоит:

11

Аҟәатәи ашкол адыркит акоронавирус злаз арҵаҩы лыԥсҭазаара даналҵ ашьҭахь

13
(ирҿыцуп 23:25 20.09.2020)
Апандемиа ааҟалеижьҭеи Аԥсны акоронавирус зцәа иалоу 939-ҩык аарԥшын. Цәыббра 20 рызтәи аоперштаб адыррақәа рыла, Гәдоуҭатәи ахәышәтәырҭаҿы ишьҭоуп 97-ҩык апациентцәа.

АҞӘА, цәыббра 20 — Sputnik, Асмаҭ Ҵәыџьԥҳа. Баграт Шьынқәба ихьӡ зху Аҟәатәи абжьаратә школ №1 аҵаҩцәа акарантин ахь аҩныҟа иоушьҭуп ҩымчыбжь ҳәа, ашкол аҿы аепидемиологиатә ҭагылазаашьа ахьеицәахаз инамаданы, абри атәы Sputnik иазеиҭалҳәеит ашкол адиректор Нонна Делԥҳа.

Лара лажәақәа рыла, иахьа ашкол адирекциахь адырра ҟарҵеит акоронавирус зцәа иалаз рырҵаҩцәа руаӡәк, даҽа хроникатә чымазаракгьы зцәа иалаз, лыԥсҭазаара дшалҵыз. Иара убасгьы рышкол аҿы аклассқәа хәба рҟны ари аҿкы чымазара зцәа иалаз ачымазцәа азгәарҭахьан. Уи адагьы аҭаацәа аӡәырҩы  рхәыҷқәа COVID-19 асимптомқәа шрыдырбало адиректор иларҳәарц азы аҭел ишылзасыц илзасуеит.

"Сара аҵара аминистр аҭел сизасит, иҟоу аҭагылазаашьа иеилсыркаарц азы. Иара аҵаҩцәа ҩымчыбжьа ҳәа иоушәышьҭ акарантин ахь иҳәеит, избанзар ҳашкол аҿы актәи, аҩбатәи, ахԥатәи аклассқәа рҿы ада, егьырҭ аклассқәа зегьы рҿы аҿкы злалаз ахәыҷқәа ыҟоуп, урҭ зегьы аишьцәа, аиҳәшьцәа рымоуп егьырҭ аклассқәа рҟны. Иара убас ҳарҵаҩцәа быжьҩык акарантин аҿы иҟоуп, саргьы сыбжьы иахьа исгәаԥхом", - лҳәеит Делԥҳа.

Иара убас лара иазгәалҭеит иахьа Асанитартә епидемиологиатә станциа анапхгара лыҽрымалдарц дшаҿыз, аха аӡәгьы аҭел шьҭимхит ҳәа. Делԥҳа ишылҳәаз ала, уажәы ашкол адирекциа аилкаара иаҿуп шаҟаҩык рҵаҩцәеи рырҵаҩцәеи акоронавирус рыхьыз, макьана урҭ рхыԥхьаӡара рыздыруам.

Аԥсны агәабзиарахьчара аминистрра апресс-маҵзура COVID-19 зыхьны иҟаз арҵаҩы лыԥсҭазаара дшалҵыз азы аинформациа Sputnik иазышьақәнарӷәӷәеит, иагьазгәарҭеит лара Қырҭтәыла дшырхәышәтәуаз, уаҟа шакәу лыԥсҭазаара дахьалҵыз.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

13
Атемақәа:
Ачымазара ҿкы – акоронавирус Аԥсни адунеи аҿи: иалкаау
Старший научный сотрудник Отдела этнологии Абхазского государственного музея, этнолог Инга Шамба. Архивное фото.

Аҭоурых иагәылаҵәаху: Шамԥҳа ԥшь-ҿык змоу ампахьшьы иазкны

9
(ирҿыцуп 19:36 20.09.2020)
Аԥсуа ҳәынҭқарратә музеи аетнологиа аҟәша аҭҵаарадырратә усзуҩ еиҳабы Инга Шамԥҳа арадио Sputnik аефир аҟны еиҭалҳәеит 2015 шықәсазы Елена Гордиенко-Леиба амузеи ҳамҭас иалҭаз ампахьшьқәа рҭоурых атәы.

 

"Аҭоурых иагәылаҵәаху": Шамԥҳа ԥшьҿык змоу ампахьшьы иазкны

Шәазыӡырҩла арубрика "Аҭоурых иагәылаҵәаху" есмҽыша арадио Sputnik Аԥсны аефир аҿы.

 

Иара убас шәаԥхьар ҟалоит:

9