Гагра акоронавирустә ԥкрақәа ирҿагылаз амитинг мҩаԥган

30
Гагра ақалақь Енвер Қапба ихьӡ зху ашҭаҿы еизеит ҩаижәижәаҩык рҟынӡа ауааԥсыра. Урҭ рыбжьара иҟан аҳәаа аарттәуп ҳәа зҳәоз, иара убас асоциалтә цхыраара зҭахыз ауаа.

ГАГРА, ԥхынгәы 29 - Sputnik, Саида Жьиԥҳа. Гагра араион ауааԥсыра ақалақь агәҭа заанаҵ еиҿкаамыз амитинг мҩаԥыргеит аԥсуа-аурыс ҳәаа ахысразы аԥкрақәа рыҿҳәара ацҵара инамаданы.

Иҟан аҳәаа аарттәуп ҳәа зҳәоз, иҟан асоциалтә цхыраара зҭахыз.

© Foto / предоставлено Саидой Жиба
Гагра акоронавирустә ԥкырақәа инарыдҳәаланы амитинг мҩаԥган

"Сара есымза ахәыҷы Адлер дганы ианализқәа асҭалароуп. Знык аҳәаа ахысразы азин схы иасырхәахьеит. Аҳәаа аадмыртыр, схәыҷы игәабзиара ашәарҭа иҭагылоит", - лҳәеит Екатерина Жданова-Барцыц.

Зықәра иҭысхьоу ауаа ирҳәоит рҭаҵәахқәа шынҵәаз, уажәшьҭарнахыс иҟарҵара шырзымдыруа.

"Сара ибзианы еилыскаауеит ганкахьы мацарала аҳәаа аартра акгьы шаанамго, аганқәа рыҩбагьы еиқәшаҳаҭзар шакәу. Уажәы ачымазара зыхьуа рхыԥхьаӡара иацло иалагеит. Уи шәарҭоуп, аха ԥарада-шьарада узланхарызеи. Атәыла анапхгара исарҳәарц сҭахуп уаҵәы ҳаззыԥшыша, социалтә дгыларак ҳауоу иаҳмоуоу", - лҳәоит Елена Иволгина.

Гагра араион анапхгареи араионтә еизара адепутатцәеи амитинг алахәылацәа ирҳәаз иазыӡырҩит, ирҳәеит ганкы мацара асеиԥш иҟоу азҵаарақәа шазымыӡбо. Араион ахада Иури Хагәыши еизаз иреиҳәеит рҭахрақәа атәыла ахада иҟынӡа ишнагахо.

"Амитинг иалахәыз аҳәаа аартра, аибашьра аинвалидцәа, ахәыҷы рацәа змоу, зылшара ԥку аҭаацәарақәа асоциалтә цхыраара рыҭара аҭахуп ҳәа рҳәоит. Иазгәасҭоит хымз рыҩнуҵҟа Гагра араион ахадара изныкымкәа асоциалтә цхыраара шыҟанаҵахьоу. Еснагь ҳазыхиоуп ажәлар ражәа азыӡырыҩрра, аха иахьатәи аҭагылазаашьа мышкала иузыӡбо акакәым. Ауаа ирҳәаз ахада илымҳа аҟынӡа инагахоит. Агәра згоит иахьатәи аҭагылазаашьа шыӡбахо, амала аамҭеи аилкаареи аҭахуп", - иҳәеит араион ахада.

Аԥсны ахада Аслан Бжьаниа атәылаҿы аепидемиологиатә ҭагылазаашьа аицәахара инамаданы ԥхынгәы 29 рзы ажәлар рахь ааԥхьара ҟаиҵеит. Бжьаниа иазгәеиҭеит атәыла анапхгара иҟоу аҭагылазаашьа бзианы ишеилыркаауа, аҳәаа ахьаркугьы ажәлар рыбзазара ианаҭо анырра шырбо, аха аԥыжәара зырҭо атәылауаа ргәабзиара шакәу.

Иара убас шәаԥхьар ҟалоит:

  • Аԥсуа-аурыс ҳәаа ахысра иацу аԥкырақәа нанҳәа 4-нӡа рыҿҳәара иацҵоуп
30

Џьапуа COVID-19 иахҟьаз аԥкрақәа рзы: аҽынкыларазы иҟаҳҵаз алаҳәара анхацәа адгылеит

4
(ирҿыцуп 12:41 26.09.2020)
Отаԥ ақыҭа ахада Шьалодиа Џьапуа арадио Sputnik аефир аҿы еиҭеиҳәеит жьҭаара 5 инаркны атәылаҿы иалагалахо аԥкрақәа рзы ажәабжь анхацәа ишрыдыркылаз атәы.
Џьопуа COVID-19 иахҟьаны аԥкрақәа ралагаларазы: аҽынкылараз ҳаҳәара анхаҩцәа адгылеит

Аԥсны ахада Ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уи инақәыршәаны 2020 шықәса жьҭаара 5 инаркны Аԥсны аҵакыраҿы: массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара алмыршахароуп, иара убасгьы ачарақәеи егьырҭ аныҳәатә уснагӡатәқәеи аанкылатәхоит. Аԥсыжрақәа рҿы акәзар, ауаа рхыԥхьаӡара армаҷра азԥхьагәаҭатәуп.

"Инарҭбааны ачароуразы, инарҭбааны ацәашьхәыҟаҵаразы аҽынкылара шаҭаху зегьы адырра рымоуп, ауаа уаанӡеиԥш еинианы аԥшьгарақәа ҟарымҵарцаз ирацәаны аицәажәарақәа мҩаԥаагахьеит, абыргцәа адгаланы. Уи ззеилымкаауа ҳәа нхаҩы дыҟаӡам, аҽынкыларазы иҟаҳҵаз алаҳәара зегьы ақәшаҳаҭуп. Ачымазара ҳқыҭаҟынтә макьана аӡәгьы имыхьыцт, иара ари аамҭа иалагӡаны агәаҟра ӷәӷәагьы ҟамлацт", - ҳәа азгәеиҭеит Џьапуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

4

Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит.РЕЗЕРВ

0
(ирҿыцуп 12:38 26.09.2020)
Анаплакҩы Давид Ԥлиа арадио Sputnik аефир аҟны еиҭеиҳәеит апандемиа аамҭазы аԥкрақәа шынарыгӡо, аусутә агхара инапаҵаҟа аус зуа ишырныԥшуа атәы.
Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны ауаажәларратә крыфарачаратә обиектқәа хымԥада аишәақәа рыбжьара метраки бжаки еиҵамкәа адистанциа аздырхиароуп, амаҵзуратә персонал ахыхьчагатә хархәагақәа ныҟәыргозароуп.

"Ас еиԥш иҟоу аԥҟара анрыдыркыла, иҟаҳҵари, ҳхы ақәҳаршәароуп…Уи усҟангьы иҟаҳҵеит (мшаԥымзазы иалагалаз аԥкрақәа ртәы –аред.), уажәгьы ауаа рсоциалтә дистанциа ҟаҳҵартә еиԥш аамҭа ҳамоуп, акрахьырфо азал дууп", - иҳәеит Ԥлиа.

Убри аан иара иазгәеиҭеит ауадаҩрақәа цәырҵыр шауа аус ахьыруа ашколқәа рыкрыфарҭақәа рҟны.

Анаплакҩы иазгәеиҭеит апандемиа русура акыр ишаныԥшыз, аха иагьа ус акәзаргьы иусуцәа уалафахәыда ишааныимыжьуа.

"Сҭаацәа ирыгыжьны аԥара сшәозаргьы, сусуцәа нхартә еиԥш, аус руртә еиԥш схы ныҟәазгароуп. Ҳара аԥхын иҳадаҳкыло, нас ӡын аусура иамҳхо асистема ыҟаӡам ҳа ҳҿы. Сара даара зегьы срықәгәыӷуеит (инапаҵаҟа аус зуа рзы), убри аҟынтә сыҩнапык рыларԥаны ишыску жәдыруазааит",- иҳәеит Ԥлиа.

Шәазыӡырҩы аудио. иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

0