Асанепидемстанциа аиҳабы Аԥсны акоронавирус алаҵәара иахьалагаз дахцәажәеит

14
Ԥхынгәы 22 раахыс Аԥсны коронавирус хҭысқәа рыҽдырҭбаауа иалагеит. Ԥхынгәы 30 азтәи адыррақәа рыла Гәдоуҭатәи ахәышәтәырҭа иҭоуп 14-ҩык апациентцәа, 30-ҩык ахыԥхьакратә режим иақәныҟәоит.

АҞӘА, ԥхынгәы 30 – Sputnik. Аԥсны акоронавирустә инфекциа ахылаԥшра ауҭартә иҟоуп ҳәа лҳәеит арадио Sputnik аинтервиу азҭаз ареспублика асанитар ҳақьым хада Лиудмила Скорик.

Лара лажәақәа рыла алаборанттә бригадақәеи ашьагарҭақәеи планла аус руеит. Скорик илҳәеит акоронавирус азы анализ агара аҳақьым ианазиԥхьаӡо шакәу ианалшо.

Аҟәа ақалақь аҳақьым хада Алла Белиаева лажәақәа рыла COVID-19 адиагноз шьақәырӷәӷәахар ауаҩԥсы изы адыррақәа зегьы иара дахьынхо ақалақь ма араион асанитартә ҳақьымцәа ирзынашьҭхоит, анализ агараан хымԥада иҭел ҭарыҩуеит.

Белиаева иазгәалҭеит аҿкы змоу зегьы аамҭа мгакәа рҽышрымардаз, ҩынтә заҵәык рыда.

"Ачымазаҩ дзыҿцаауазгьы анализ анырзыҟаҵатәу ыҟоуп. Аҭаацәара зегь ҳәарада ранализ аагоит", - ҳәа лҳәеит лара.

Белиаева лажәақәа рыла Гәдоуҭатәи агоспиталь ахь инарго зчымазаратә ҭагылазаашьа хьанҭоу роуп, иара убасгьы ахалаҽыхьчара ззалмыршо роуп.

Асанитартә ҳақьым хада Лиудмила Скорик иазгәалҭеит аҳәаа знык ахысразы азин ала аҳәаа иахысыз ҩымчыбжьтәи акарантин рхыргом.

"Рашәарамза инаркны ҳара аҿкыра ҟалом ҳәа иаҳшьо ҳалагеит. Ахәышәтәырҭақәа рахь инарго иалагеит урыстәылантәи иаақәаз. Урҭ уа ишыҟаз рҳәомызт. Уажәы ҳара авирус мҽхакыҭбаала аҭыԥ ахьамоу атәылаҟынтә иаақәаз зныруаз ахаҿқәа рышьақәыргылара ҳаҿуп", - ҳәа лҳәеит лара.

Аԥсны апандемиа иаалагазар 81-ҩык аҿкра рыхьхьеит. Урҭ рҟынтәи 37-ҩык ргәы зиахеит, ҩыџьа рыԥсҭазаара иалҵит. Иахьазы Гәдоуҭатәи ахәышәтәырҭа иҭоуп 14-ҩык апациентцәа, акоронавирус рымоуп ҳәа шьақәырӷәӷәаны, 30-ҩык аҩны иҟоуп.

Акоронавирус иадҳәалоу ажәабжьқәа шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау (720)

Раионк аԥсҭазаараҟынтә: Гамгьиа авирус змоу Гал рыхәышәтәразы

30
(ирҿыцуп 20:03 28.09.2020)
Гал араион ахәышәтәырҭа хада аҳақьым хада Асҭамыр Гамгьиа арадио Sputnik аефир аҿы еиҭеиҳәеит акоронавирус змоу рзы Галтәи ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Гамгиа авирус змоу Гал рыхәшәтәразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Амза 15 рҟынӡа еиқәыршәатәуп аҟәша. Иҳаԥшааит аҭыԥ. Усҟан ацхыраара лас астанциа ахьыҟаз аҭыԥ аҿы 10 каруаҭк алаҳхырц азы. Асмета ҟаҳҵеит, иаҭаху азы ашәҟәқәа ҳҩит, иааиуа амшқәа рзы иҳашьҭуеит. Иаарласны ашоура змоу зегьы убри аҟәшахьы инаганы, акоронавирус азы анализқәа ҟарҵаанӡа уа иҟалоит. Аҳақьымцәа уаҟа аус зуло алҳаԥшаахьеит, амедиаҳәшьцәа ракәзар, урҭгьы ҟалоит. Иааиуа амзазы Гәдоуҭатәи ахәышәтәарҭахь иҳашьҭраны иҟоуп бригадак, урҭ еиқәҳаршәахьеит. Сгәы ианаагоит аҳақьымцәа уаарыдтәалан ишрыхәҭоу аинформациа дара рҟынӡа инаугар, аҿкы ахәышәтәра ҳҭахым ҳәа зҳәо даара имаҷхоит. Аибашьраан доусы иара иус идыруан, уажәы аҭынч ԥсҭазаараҿгьы џьара гәаҟрак ҟалар, аҳақьымцәа ирдыруазароуп дара рыда ажәлар ԥсыхәа шрымам", - ҳәа еиҭеиҳәеит Гамгьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

30

Аҭара ақыҭан иаадыртит Аԥсны Аџьынџьтәылатә еибашьраҿы иҭахаз рбаҟа

13
(ирҿыцуп 19:21 28.09.2020)
Цәыббра 30 рзы Аԥсны иазгәарҭоит 1992-1993 шықәсқәа рызтәи Аԥсныжәлар Рџьынџьтәылатә еибашьраҿы Аиааира 27 шықәса ахыҵра.

АҞӘА, цәыббра 28 – Sputnik. Очамчыра араион Аҭара ақыҭан имҩаԥган Аԥсныжәлар Рџьынџьтәылатә еибашьраҿы иҭахаз рбаҟа аартра ацеремониа.

Аԥсны ахада Аслан Бжьаниа ипресс-маҵзура ишаанацҳаз ала, ахада ихатә ԥараны 220 нызқь мааҭ алеигалеит иҭахаз рбаҟа аиҭашьақәыргыларазы.

Аҭара ақыҭан иаадыртит Аџьынџьтәылатә еибашьраҿы иҭахаз рбаҟа

Ацеремониа атәыла ахада идагьы иалахәын ахада Иусбарҭа анапхгаҩы Алхас Кәыҵниа, ихаҭыԥуаҩ Зураб Қаџьаиа, Очамчыра араион ахадара, Атәылахьчара аминистрра ахаҭарнакцәа, Апарламент адепутатцәа, Нхыҵ Кавкази Алада Урыстәылеи рҟынтәи хатәгәаԥхарала еибашьуаз, ауаажәларра рхаҭарнакцәа, ақыҭа ауааԥсыра.

Уаанӡатәи адыррақәа рыла, 1992-1993 шықәсқәа рызтәи Аԥсныжәлар Рџьынџьтәылатә еибашьраҿы аиааира 27 шықәса ахыҵра иазкыз ауснагӡатәқәа рыхәҭак аԥыхуп аепидемиологиатә ҭагылазаашьа иахырҟьаны.

Иара убас шәаԥхьар ҟалоит:

 

13