Аԥсны Аҳәынҭқарра аганахьалагьы аԥсуа-аурыс ҳәаа аартуп

26
(ирҿыцуп 16:26 01.08.2020)
Аԥсни Урыстәылеи рҳәаа аҳәаанырцә тәылауаа зегьы рзы иаартуп нанҳәа 1 инаркны. Урыстәыла аганахьалагьы аҳәаа аартразы адҵа ҟаиҵеит аԥыза-министр Мишустин.

АҞӘА, нанҳәа 1 - Sputnik. Аԥсны Урыстәылеи иареи рыбжьара иҟоу аҳәынҭқарратә ҳәаа аанартит аҳәаанырцә тәылауаа зегьы рзы, абри аҩыза аҳәамҭа ҟаиҵеит Аԥсны аԥыза-министр Александр Анқәаб Акоронавирус аҽацәыхьчаразы акоординациатә штаб аилатәара ашьҭахь ҳәа ааицҳауеит Sputnik акорреспондент.

"Аԥсуа гангьы, Урыстәыла аӡбамҭа инақәыршәаны, аҳәаа аанартуеит ԥықәсылара ҳәа акгьы ҟамҵакәа. Ари азҵаара даара акыраамҭа ҳалацәажәон, аҵыхәтәан абас ҳагьазааит", - иҳәеит Анқәаб.

Иара иҳәеит убасгьы, атәыла иҭало рҟынтә акоронавирус рцәа ишалам шьақәзырӷәӷәо ашәҟәқәа аҭаххаӡом ҳәа.

"Уажәазы аҳәааҿы аилыхара ыҟаӡам, аха ҳтәылахь аара зҭахқәоу рацәаҩуп. Сареи аштаб алахәцәеи ҳгәаанагара убас иҟоуп: ачымазара шумам азы ашәҟәқәа ҳшәырбароуп ҳәа ҳазҳәаӡом, избанзар Аԥснынтә Урыстәылаҟа ицогьы уи аҩыза ашәҟәқәа шәымазароуп ҳәа рарҳәаӡом", - иҳәеит Анқәаб.

Аҳәааҿы иҟоу аҳазалхратә, агәаҭаратә маҵзурақәа абжьааԥнытәи русуратә режим ахь ииасхьеит иәеит аԥыза-министр.

Сааҭқәак раԥхьа Урыстәылеи Аԥсни рҳәаа аартразы адҵа инапы аҵаиҩит Урыстәыла аԥыза-министр Михаил Мишустингьы.

26
Атемақәа:
Ачымазара ҿкы – акоронавирус Аԥсни адунеи аҿи: иалкаау (708)

Аҟәа ақалақь ахадараҿ акарантин алагалоуп

2
(ирҿыцуп 10:11 23.09.2020)
Беслан Ешба цәыббра 22 рзы инапы аҵаиҩит аусдҵа: "Аҟәа ақалақь ахадараҿы акоронавирустә инфекциа (COVID-19) алаҵәара азыԥхьагәаҭареи аԥырҟәҟәаареи рзы ауснагӡатәқәа рзы".

АҞӘА, цәыббра 23– Sputnik. Аҳҭнықалақь ахада Беслан Ешба адҵа ҟаиҵеит ақалақь ахадара аусзуҩцәа русурҭа ҭыԥқәа рҟны рыҟазаара аҟынтәи рхы иақәиҭтәызарц цәыббра 22 инаркны жьҭаара 5 рҟынӡа руалафахәы ааныжьны. Ари аҩыза аусдҵа рыдкылоуп аусбарҭаҿ COVID-19 змаз ахьазгәаҭаз азы ҳәа аанацҳауеит ақалақь ахадара асаит.

"Ақалақь ахадара аусура арежим иадҳәалоу аԥкырақәа ирыҵаркуам ахадара амаҵзурауааи иара убасгьы аструктуратә ҟәшақәа рнапхгаҩцәа ишьақәдыргыло аграфик иаҵанакуа аструктуратә ҟәшақәа рҟазауааи", - аҳәоит адырраҭараҿы.

Ахадараҿы ауаа рыдкылара жьҭаара 5 рҟынӡа иаанкылоуп.

Уаанӡатәи адырраҭарақәа рыла, Аԥсны АҶА аусурақәа рымҩаԥгараан ақалақь ахадара аусзуҩцәа аднаԥхьалоит ада ԥсыхәа ыҟамкәа ианазыԥхьаӡоу. АҶА апресс-маҵзураҿы Sputnik иазеиҭарҳәеит аусбарҭа амаҵзурақәак адистанциатә усурахь ииасуеит ҳәа.

Акоронавирус иазку ажәабжьқәа шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау (708)

Sputnik аҿы иалацәажәоит самбо азы Афон ҿыц имҩаԥысуа XVII Жәларбжьаратәи атурнир

3
(ирҿыцуп 09:29 23.09.2020)
Цәыббра 23 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Афон ҿыц имҩаԥысуа XVII-тәи Жәларбжьаратәи атурнир иазку апресс-конференциа.

Апресс-конференциа иалахәхоит:

  • Михаил Чалмаз - дзиудои самбои рзы Аԥсны Афедерациа ахада
  • Михаил Пиканин - дзиудои самбои рзы Аԥсны Афедерациа ахантәаҩы
  • Андреи Погосов - дзиудои самбои рзы Аԥсны Афедерациа ахада ихаҭыԥуаҩ
  • Роберт Новоиан - дзиудои самбои рзы Аԥсны Афедерациа ахада ихаҭыԥуаҩ

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

3