Аԥсны иҟоу Урыстәыла АҲМ азыхиоуп адәныҟахәаахәҭра ахышәаҵышәа аизырҳара

13
(ирҿыцуп 09:57 04.08.2020)
Аԥсны Аҳәынҭқарра аԥыза-министр Александр Анқәаб дидикылеит Аԥсны иҟоу Урыстәыла аҳазалхратә маҵзура ахаҭарнак Константин Козлов.

АҞӘА, нанҳәа 4 - Sputnik. Урыстәыла Афедералтә ҳазалхратә маҵзура Аԥсны иҟоу аҭыԥ азыхиоуп адәныҟахәаахәҭра ахышәаҵышәа аизырҳара ҳәа иҳәеит Аԥсны иҟоу Урыстәыла аҳазалхратә маҵзура ахаҭарнак Константин Козлов. Абри атәы аанацҳауеит Аминистрцәа Реилазаара асаит.

Урыстәыла Афедералтә ҳазалхратә маҵзура Аԥсны иҟоу аҭыԥ иҷыдоу ҳазалхратә усбарҭоуп, Афедералтә ҳазалхратә маҵзура анапаҵаҟа иҟоуп ҳәа иҳәеит Козлов.

"Аҳазалхратә ҭыԥ аԥҵоуп хаз игоу, Аԥсны Аҳазалхратә еилакы зықәшаҳаҭу, Урыстәыла АҲМ  иҳәаақәнаҵаз тауарқәак рганахьала ҳазалхратә операциақәаки процедурақәаки рзы. Аҳазалхратә ҭыԥ адекларациақәа рҭыжьра иалагеит 2019 шықәса жәабранмзазы, аусурагьы иазыхиоуп", - иҳәеит иара.

Аԥыза-министр иазгәеиҭеит Урыстәыла Афедералтә ҳазалхратә маҵзура Аԥсны иҟоу аҭыԥ аусура актуалны ишыҟоу, ареспублика аекспорт иашьҭуа аидарақәа  реиҿкаара апроцесс шармарио.

Урыстәыла Афедералтә ҳазалхратә маҵзура Аԥсны иҟоу аҭыԥ Гәылрыԥшь араион аҿы аҭыӡҭыԥ ыҟоуп.

13

Аслан Бжьаниа Аԥсны ауааԥсыра Аҟәа ахақәиҭтәра амш рыдиныҳәалеит

5
(ирҿыцуп 20:27 27.09.2020)
Аԥсны Аҳәынҭқарра аҳҭнықалақь Аҟәа ақырҭуа мпыҵахалаҩцәа рҟынтә ахы иақәиҭтәын 1993 шықәса, цәыббра 27 рзы.

АҞӘА, цәыббра 27 - Sputnik. Аԥсны ахада Аслан Бжьаниа иуаажәлар ирыдиныҳәалеит Аҟәа ахақәиҭтәра амш ҳәа адырра ҟанаҵеит атәыла ахада ипресс-маҵзура.

День освобождения Сухума 27 сентября 1993 года
© Фото : предоставлено Госмузеем Абхазии

"Ишәдысныҳәалоит ҳаҳҭнықалақь ахақәиҭтәра 27 шықәса ахыҵра! 1993 шықәса, цәыббра 27 – Аԥсны Аџьынџтәылатә еибашьра аҭоурых аҟны хьӡи-ԥшеи змоу, ифырхаҵаратәу амшқәа иреиуоуп. Абри аҽны ақырҭуа мпыҵахалаҩцәа ықәцаны Аҟәа ахақәиҭтәрала ихыркәшахеит 11 мшы ицоз аԥсуаа ржәылара. Ҳаҳҭнықалақь иахашәыршәырит аԥсуа бираҟ, ҳархәҭақәа рымҩа ԥхьаҟа иацырҵеит Аԥсны аҵакыра зегьы ахы иақәиҭыртәырц", - ҳәа аҳәоит атәыла ахада иадныҳәалараҿы

Аслан Бжьаниа Аҟәа аизҳареи ашәҭыкакаҷреи азеиӷьишьеит.

1993 шықәса, цәыббра 27 рзы аԥсуа ар Аҟәа агәы иалалеит, асааҭ 15:30 рзы Аԥсны Аҳәынҭқарра абираҟ Совмин ахыбра иахашәыршәыруан, аҳҭнықалақь ахы иақәиҭтәын.

Иара убас шәаԥхьар ҟалоит:


 

5

Арӡынба: Аԥсны азакәан амч ӷәӷәахар, Ҭырқәтәылантәи нхара иаауа ҳауаажәлар рацәахоит

3
(ирҿыцуп 19:37 27.09.2020)
Ҭырқәтәылантәи забдуцәа рџьынџь ахь нхара ихынҳәыз Аҟәа араион Ачадара акыҭаҟны инхо Раҳми Арӡынба арадио Sputnik аефир ала ицо арубрика "Раионк аԥсҭазаараҟнытә" аҿы еиҭеиҳәеит Аԥсны инхашьа-ибзазашьа атәы.
Раионк аԥсҭазаараҟынтә: Арӡынба Ачадара ақыҭаҟны ибзазашьа атәы

"… Зны сҩызак Ҭырқәтәылантә даан ус сеиҳәеит: "Ақыҭаҟны унхоит, арахь акәтаӷь умаӡам, аӡәы дузааиргьы ирҿоумҵои, узлақыҭауаҩи акәты умамзар?" - ҳәа. Абас сеиҳәан, сирԥхашьеит. Акәтааӡара сыздыруам анысҳәа, уи азы аҵара аҭалара аҭахым иҳәеит… Нас саалаган аинкубатор аазгеит Ҭырқәтәылантәи, акәытқәа анысҵеит… Аԥсназы ухы иаурхәозар иҟауҵо аус ыҟоуп. Уаҳа акгьы узыҟамҵозар, ахш узҭо ажә ааухәаргьы – уабоит. Иугәамԥхо аус ауп иуадаҩу, иуҭахымкәа иҟауҵо", - иҳәеит Арӡынба.

Ҭырқәтәылеи Аԥсныи ақыҭаԥсҭазаашьа еиҿырԥшуа иазгәеиҭеит аашьаҩцәа зегьынџьара ишеиԥшу. Раҳми еиҭеиҳәеит амедицинатә цхыраара аниҭаху иахьиоуа атәы, иара убас Ҭырқәтәыла инхо аԥсуаа арахь нхара раара иаԥырхагоу ҳәа ииԥхьаӡо атәы.

Шәазыӡырҩы аудио.

Иара убас шәаԥхьар ҟалоит:

3