Аԥснытәи аҟазауаа рҽазыҟарҵалоит Урыстәыла "Главгосэкспертиза" арҵаратә центр аҿы

19
(ирҿыцуп 10:16 05.08.2020)
Урыстәыла "Главгосэкспертиза" анапхгара ирацәажәоуп Аԥснытәи аҟазауаа арҵаратә центр аҿы аргылара аусхк аганахьала аҽазыҟаҵарақәа мҩаԥыргарц.

АҞӘА, нанҳәа 4 – Sputnik. Быжьҩык Аԥснытәи аҟазауаа Урыстәыла "Главгосэкспертиза" арҵаратә центр аҿы разыҟаҵара мҩаԥгахоит ҳәа аҳәоит Аекономика аминистрра асаит.

Аекономика аминистр Кристина Озганԥҳа аҵарахь ирышьҭуа акандидатцәа дрыҿцәажәеит.

"Аҭакԥхықәреи апрофессионализми, хаҭабзиарала аусуреи шҳалшо аарԥштәуп. Шәара иус хаданы ишәыду - ишәоуз алшара ахархәароуп", - ҳәа лҳәеит Кристина Озганԥҳа акандидатцәа данрацәажәоз.

Аԥснытәи аҟазауаа арҵаратә центр аҿы разыҟаҵара азҵаара иалацәажәан Аԥсны аекономика аминистри Урыстәыла "Главгосэкспертиза" аиҳабы Игор Манылови Москва реиԥылараан рашәарамза алагамҭазы.

Урыстәыла "Главгосэкспертиза" арҵаратә центр – зыҩаӡара ҳараку акадрқәа ахьазыҟарҵо ҭыԥуп аргылара аусхк аганахьала. Арҵаратә центр апрограмма азырхоуп Урыстәыла "Главгосэкспертиза"  аекспертцәеи аусуцәеи реиԥш апроекттә еиҿкаарақәа, аргылара аҿаҵаҩцәа, ахатәхаҿқәа рыпрофессионалтә ҩаӡара ашьҭыхра.

19

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

11
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

11

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

7
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

7