Аԥсни Урыстәылеи рҳәаа ҩышә-нызқьҩык рҟынӡа иахысхьеит

12
(ирҿыцуп 15:04 07.08.2020)
Аԥсуа-аурыс ҳәаа аартын асабша, нанҳәа 1 азы. Уи ахысразы аԥкрақәа алагалан ԥшьымз раԥхьа, акоронавирустә ҿкы алаҵәоит ҳәа ашәарҭара ахьыҟаз аҟынтә.

АҞӘА, нанҳәа 7 - Sputnik. Нанҳәа 1 инаркны, аԥсуа-аурыс ҳәаа аартра ашьҭахь Аԥсныҟа иааит ҩышә-нызқьҩык инареиҳаны ауааԥсыра, абри атәы Sputnik имҩаԥгаз апресс-конференциаҿы иҳәеит Аԥсны АШәМ Аҳәаахьчаратә отриад аиҳабы ихаҭыԥуаҩ Рудольф Цыба.

Цыба иажәақәа рыла, бжьаратәла уахыки-ҽнаки рыла аҳәаа 30 нызқьҩык рҟынӡа ахысуеит.

Акоронавирус иахҟьаны иалагалаз акарантин иахҟьаны ԥшьымз раахыс иаркыз Аԥсни Урыстәылеи рҳәаа шаартхо еилкаахеит нанҳәа 31 ауха, уи атәы аанацҳаит Акоронавирус аҿагыларазы Урыстәыла аоперативтә штаб.

Нанҳәа 1 азы Урыстәыла аԥыза-министр Михаил Мишустин аусԥҟа инапы аҵаиҩит аурыс-аԥсуа ҳәаа нанҳәа 1 инаркны аартразы.

Аурыс-аԥсуа ҳәааҿы аԥкрақәа зегьы раԥыхразы аусԥҟа инапы аҵаиҩит Аԥсны ахада Аслан Бжьаниагьы.

12

Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

12
(ирҿыцуп 20:13 19.09.2020)
Ачарақәа рура аамҭа ахыгахоит иааиуа амзазы. Ас еиԥш аҭагылазаашьа ачараурҭатә хыбрақәа рыԥшәмацәеи ачара аҿҳәара ԥызҵәахьоу ауааи зҭанаргыло ауадаҩрақәа ртәы арадио Sputnik аефир аҟны еиҭеиҳәеит абанкеттә зал аиҳабы Авҭандил Ҷедиа.
Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

Аҳәынҭқарра ахада Аслан Бжьаниа аусԥҟа ҭижьит "Аԥсны Аҳәынҭқарра ауааԥсыра ргәабзиара акоронавирустә инфекциа COVID-19 ацәыхьчаразы хаз игоу уснагӡатәқәак рышьақәыргыларазы" ҳәа. Аԥкрақәа азинмчы роуеит жьҭаара 5 инаркны. Урҭ инарықәыршәаны, ачарақәа рымҩаԥгара аанкылатәхоит.

"Ашықәс нҵәаанӡа 20-25 чара ҳәа ашәҟәы ианҵаны иҳамоуп. Аԥарагьы ԥароуп, аха ачымазара ыҟазар, аҳәынҭқарра ахада иҭижьыз аусԥҟа ажәлар ацныҟәоит ҳәа ауп ишыздыруа, ус ауп ишеилыскаауа. Ажәлар чмазаҩхар, ирыцҳашьатәуп. Ауаа кредитла аԥара ргеит, ачара иазыԥшын, аха иҟауҵои. Ачара ахьыруа ахыбрақәа рҟны 40-45 рҟынӡа ҽнак иҭыҵуа ауаа аус руеит… Ачарақәа рыҿҳәара ԥҵәоуп. Октиабр азы ашәҟы ианыз сентиабр ахь рҽанырҵар рҭаххеит, агәыҭҟьара иҟоу збоит, аҩашагьы ачарақәа ҟарҵо иалагеит", - иҳәеит Ҷедиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

12

Даҽа 53-ҩык Аԥсны ауааԥсыра акоронавирус рыдбалоуп

5
(ирҿыцуп 18:24 19.09.2020)
Иахьатәи аамҭазы Аԥсны иахьаҵанакуа 878-ҩык акоронавирус шрылоу шьақәдыргылахьеит. Урҭ рахьтә 240-ҩык апациентцәа ргәы бзиахахьеит, быжьҩык рыԥсҭазаара иалҵит.

АҞӘА, цәыббра 19 - Sputnik. Даҽа 53-ҩык Аԥсны ауааԥсыра акоронавирустә чымазара шрылоу шьақәырӷәӷәахеит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

"Иҳаҩсыз уахыки-ҽнаки рыла акоронавирустә инфекциа рылоу ирыламу аилкааразы игәаҭан 195-ҩык ауааԥсыра, урҭ рахьтә ачымазара рыдбалоуп 53-ҩык", - ҳәа аҳәоит аацҳамҭа.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 81-ы апациентцәа, урҭ рахьтә 78-ҩык ари адиагноз рзышьақәырӷәӷәоуп, рҭагылазаашьа хьанҭоуп фҩык, ибжьаратәуп 13-ҩык. Ргәы бзиаханы ахәышәтәырҭаҟнытә иоушьҭуп хәҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

5
Атемақәа:
Ачымазара ҿкы – акоронавирус Аԥсни адунеи аҿи: иалкаау