Барцыц: Цандрыԥшь асаӡ жәлақәа ирызку ахаҳәқәа шьақәыргылахоит

288
(ирҿыцуп 13:39 08.08.2020)
Гагра Араионтә Еизара адепутатцәа ирыдыркылахьан аӡбамҭа, Цандрыԥшь аҳаблан Ацанбақәеи Гьечааи ахьынхоз аҭыԥқәа рҟны ахаҳәқәа шышьақәыргылахо, аха еиуеиԥшым амзызқәа ирхырҟьаны ари апроект иахьанӡа инагӡамхеит.

ГАГРА, нанҳәа 8 - Sputnik, Саида Жьиԥҳа. Гагра араион, Цандрыԥшь аҳаблан инхоз асаӡ жәлақәа ирызку ахаҳәқәа шьақәыргылахоит, абри атәы иҳәеит араион ахадара аиҳабы ихаҭыԥуаҩ Алхас Барцыц.

© Фото : Саида Жьиԥҳа
Гагра араион ахсаала

Аҭоурыхтә литература ҭҵааны 2015 шықәса анҵәамҭазы, Гагра Араионтә Еизара адепутатцәа ирыдыркылахьан аӡбамҭа, Цандрыԥшь аҳаблан Ацанбақәеи, Гьечааи ахьынхоз аҭыԥқәа рҟны ахаҳәқәа шышьақәыргылахо, аха еиуеиԥшым амзызқәа ирхырҟьаны ари апроект иахьанӡа инагӡамхеит. Гагра араион Ахадара аиҳабы ихаҭыԥуаҩ Алхас Барцыц иҳәеит акраамҭа игәыгәҭажьыз аӡбамҭа анагӡара ҷыдала хылаԥшра шаиҭо.

"Ҳҭоурых аиқәырхара иадҳәалоу апроектқәа рынагӡара иԥшьоу уалны иҳадуп зегьы. Мышкызны аамҭа аҽшаԥсахуа ҳаздыруам, убри аҟнытә иахьынӡалшо ҳмилаҭтә ҭоурых ашьаҭа ктәуп", - азгәеиҭоит Алхас Барцыц.

Ахыҵхырҭақәа изларҳәо ала, насгьы апоетесса Белла Барцыцԥҳа ланҵамҭақәа рҿы иуԥылоит Цандрыԥшь инхоз асаӡ жәлақәа ишреиуоу Ацанба, Гьечба, Баӷба, Чрыгба, Мқьалба уҳәа. Иахьа арҭ ажәлақәа рҭыԥхьыӡқәа ырхынҳәуп ҳәа иршьоит араион анапхгараҿы.

"2015 шықәсазтәи Гагра Араионтә Еизара идырыкылаз аӡбамҭаҟны зыӡбахә ҳәоу Ацанбақәеи Гьечааи роуп. Аха сара сгәы иаанагоит егьырҭ ажәлақәа шынхозгьы зырҵабыргуа адыргачаԥақәагьы рышьақәыргылара аҭахуп ҳәа", - иҳәеит иара.

Алхас Барцыц ари апроект анагӡаразы араион ахадареи, адепутатцәеи, аҵарауааи, арҭ ажәлақәа рхаҭарнакцәеи злахәу акомиссиа ҷыда шаԥҵахо иҳәеит. Иҭҵаахоит наҟ-наҟ ахаҳәқәа ахьышьақәыргылахо аҵакырақәа, излыххо амаҭәахәқәа, икыдчаԥалахо аҩырақәа уҳәа.

Цандрыԥшь инхоз аса ӡжәлақәа наӡаӡа аҭоурых иазынхарц азы иаԥшьгоу аус иалнаршоит, ҳмилаҭ шьаҿаӷәӷәала ԥхьаҟа рцара ҳәа иазиԥхьаӡоит Барцыц.

Гагра араионтә биуџьет иахьа иҭышәынтәалам, аха аҭагылазаашьа аҽшаԥсахлак, апроект хара инагахом, нап зыркхо раԥхьатәи аус хадақәа иреиуахоит.

Иара убас шәаԥхьар ҟалоит:

288

Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

11
(ирҿыцуп 20:13 19.09.2020)
Ачарақәа рура аамҭа ахыгахоит иааиуа амзазы. Ас еиԥш аҭагылазаашьа ачараурҭатә хыбрақәа рыԥшәмацәеи ачара аҿҳәара ԥызҵәахьоу ауааи зҭанаргыло ауадаҩрақәа ртәы арадио Sputnik аефир аҟны еиҭеиҳәеит абанкеттә зал аиҳабы Авҭандил Ҷедиа.
Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

Аҳәынҭқарра ахада Аслан Бжьаниа аусԥҟа ҭижьит "Аԥсны Аҳәынҭқарра ауааԥсыра ргәабзиара акоронавирустә инфекциа COVID-19 ацәыхьчаразы хаз игоу уснагӡатәқәак рышьақәыргыларазы" ҳәа. Аԥкрақәа азинмчы роуеит жьҭаара 5 инаркны. Урҭ инарықәыршәаны, ачарақәа рымҩаԥгара аанкылатәхоит.

"Ашықәс нҵәаанӡа 20-25 чара ҳәа ашәҟәы ианҵаны иҳамоуп. Аԥарагьы ԥароуп, аха ачымазара ыҟазар, аҳәынҭқарра ахада иҭижьыз аусԥҟа ажәлар ацныҟәоит ҳәа ауп ишыздыруа, ус ауп ишеилыскаауа. Ажәлар чмазаҩхар, ирыцҳашьатәуп. Ауаа кредитла аԥара ргеит, ачара иазыԥшын, аха иҟауҵои. Ачара ахьыруа ахыбрақәа рҟны 40-45 рҟынӡа ҽнак иҭыҵуа ауаа аус руеит… Ачарақәа рыҿҳәара ԥҵәоуп. Октиабр азы ашәҟы ианыз сентиабр ахь рҽанырҵар рҭаххеит, агәыҭҟьара иҟоу збоит, аҩашагьы ачарақәа ҟарҵо иалагеит", - иҳәеит Ҷедиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

11

Даҽа 53-ҩык Аԥсны ауааԥсыра акоронавирус рыдбалоуп

5
(ирҿыцуп 18:24 19.09.2020)
Иахьатәи аамҭазы Аԥсны иахьаҵанакуа 878-ҩык акоронавирус шрылоу шьақәдыргылахьеит. Урҭ рахьтә 240-ҩык апациентцәа ргәы бзиахахьеит, быжьҩык рыԥсҭазаара иалҵит.

АҞӘА, цәыббра 19 - Sputnik. Даҽа 53-ҩык Аԥсны ауааԥсыра акоронавирустә чымазара шрылоу шьақәырӷәӷәахеит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

"Иҳаҩсыз уахыки-ҽнаки рыла акоронавирустә инфекциа рылоу ирыламу аилкааразы игәаҭан 195-ҩык ауааԥсыра, урҭ рахьтә ачымазара рыдбалоуп 53-ҩык", - ҳәа аҳәоит аацҳамҭа.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 81-ы апациентцәа, урҭ рахьтә 78-ҩык ари адиагноз рзышьақәырӷәӷәоуп, рҭагылазаашьа хьанҭоуп фҩык, ибжьаратәуп 13-ҩык. Ргәы бзиаханы ахәышәтәырҭаҟнытә иоушьҭуп хәҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

5
Атемақәа:
Ачымазара ҿкы – акоронавирус Аԥсни адунеи аҿи: иалкаау