160 нызқьҩык инареиҳаны ауааԥсыра аҳәаа иахысит мчыбжьык аҩнуҵҟала

26
(ирҿыцуп 19:51 08.08.2020)
Уахыки-ҽнаки рыла аурыс-аԥсуа ҳәаа иахысуеит бжьаратәла 30 нызқьҩык рҟынӡа ауааԥсыреи ф-нызқь рҟынӡа атранспорттә хархәагақәеи.

АҞӘА, нанҳәа 8 - Sputnik, Сария Кәарцхьиа. 160 нызқьҩык инареиҳаны ауааԥсыра аурыс-аԥсуа ҳәаа иахысит нанҳәа 1-7 рыбжьара ҳәа Sputnik акорреспондент адырра лылҭеит Шәачатәи аҳазалхратә маҵзура апресс-маӡаныҟәгаҩ Марина Жупанова.

© Foto / Официальный портал города Сочи

"Аҳазатә гәаҭара мҩаԥгоуп 160 нызқьҩык ахаҿқәеи 32 нызқь инарзынаԥшуа атранспорттә хархәагақәеи рганахьала, Аԥсны Урыстәылеи рҳәаа аҩ-хырхарҭак рыла иахысуаз", - ҳәа агәалҭеит Жупанова.

Атранспорттә хархәагақәа рахьтә 30 нызқь – амашьына ласқәа роуп, 1200 автобусқәоуп, 1300 аидара машьынақәоуп. 

"Аҵыхәтәантәи уахыки-ҽнаки рыла аурыс-аԥсуа ҳәаа иахысит 33 нызқьҩык ауааԥсыреи фбеи бжаки нызқь амашьынақәеи", - ҳәа ацылҵеит Шәачатәи аҳазалхратә маҵзура апресс-маӡаныҟәгаҩ. 

Аурыс-аԥсуа ҳәаа аартын нанҳәа 1 азы.

Уаанӡа Аԥсны Аҳәынҭқарратә шәарҭадара амаҵзура ахаҭарнак Рудольф Цыба Sputnik аҿы имҩаԥысыз апресс-конференциаҿы иҳәеит, иара идыррақәа рыла, нанҳәа 1 инаркны Урыстәылантә Аԥсныҟа иҭалахьоу ауааԥсыра рхыԥхьаӡара 200 нызқьҩык рҟынӡа инаӡоит ҳәа.

Иара убас шәаԥхьар ҟалоит:

26

Аԥсны иҟоу аерманцәа руаԥшь Ашьха Ҟарабах ацхыраара арҭоит

1
(ирҿыцуп 17:14 30.09.2020)
Ермантәылеи Азербаиџьани Ашьха Ҟарабах еимакны реиҿагылара аҽеибанарххеит цәыббра 27 рзы.

АҞӘА, цәыббра 30 - Sputnik, Асмаҭ Ҵәыџьԥҳа. Аԥсны иҟоу аерманцәа руаԥшь Ашьха Ҟарабах афинанстә цхыраара арҭоит ҳәа Sputnik акорреспондент илеиҳәеит ауаԥшь анапхгаҩы Галуст Трапизониан.

Иара иажәақәа рыла, Аԥсны имҩаԥысраны иҟоуп ареспублика араионқәа руаԥшьқәа рхаҭарнакцәа реиқәшәара.

"Арцах (Ашьха-Ҟарабахтәи Ареспублика - аред.) хатәгәаԥхарала аибашьцәа рҭахны иҟаӡам, дара еизхоит. Аматериалтә цхыраара, ҳәарада, ирҭахуп. Ҳашьцәа аматериалтә цхыраара рыҭара ҳара зегьы иаҳуалԥшьоу акоуп", - иҳәеит иара.

Ашьха Ҟарабах еиҭахгьы бџьаршьҭыхрала еиҿагылеит ииасыз амчыбжь азы. Бақәеи Еревани дара-дара ахара рыдибаҵоит. Аибашьратә ҭагылазаашьеи амобилизациеи рыларҳәеит Ермантәыла. Бақәа акәзар, амобилизациа ахәҭакахьала ирылаҳәоуп, акоменданттә сааҭ аус ауеит.

Аганқәа рыҩбагьы рдыррақәа рыла, аԥсыҭбарақәа ыҟоуп аруаа рганахь аиԥш аҭынчуааԥсыра рганахь алагьы, аха макьаназы заҟаҩ ыҟаҵәҟьоу шьақәыргылам. Ермантәылеи Азербаиџьани дасу ринформациақәа хаз-хазуп.

Иара убас шәаԥхьар ҟалоит:

1

Табаӷәуа амнистиаз ақәҵаразы: шьоукы рхы иҭашәаны, адепутатцәа рхы иархәаны иҟаҵоу усуп

38
(ирҿыцуп 17:04 30.09.2020)
Аԥсны Жәлар Реизара адепутат Баҭал Табаӷәуа Апарламент аҿы ирыдыркылаз амнистиазы ақәҵара ахҳәаа аиҭеит.

Аԥсны Апарламент адепутатцәа цәыббра 24 рзы Аиааиреи Ахьыԥшымреи рымш 27 шықәса ахыҵра ахьӡала амнистиазы ақәҵара рыдыркылеит.

Табаӷәуа амнистиа иазку ақәҵаразы: шьоукы рхы иҭашәаны, адепутатцәа рхы иархәаны иҟаҵоу усуп

"Ҩышықәса раԥхьа имҩаԥган Аԥсны амнистиа. Ҳәараҭахума, азакәан аҿы ианӡам ианымҩаԥгалатәу ҳәа, аха ҳара ҳхы иԥнамҟаӡои абас ҟауҵар шамуа. Ҳара шьоукы рхы иҭашәаны, дрыуоу дазусҭоу са исыздырам иҭаку, ргәы иҭаркит дахьҭаку ишықәс армаҷра, мамзаргьы иҭыгара. Абри рхы иҭашәаны, адепутатцәа рхы иархәаны абас иҟаҵоу усуп ҳәа агәаанагара сымоуп. Уи ԥхашьароуп. Апарламент ажәлар ианалырхуа, иҳақәгәыӷны ауп рыбжьы шҳарҭо. Ҳара аҳәынҭқарра иамыхәо, ҳхы иҭашәо, ҳхатә ус мацара ҳәа аус зуа, уи аҳәынҭқарратә хәыцра змам уаҩуп ҳәа исыԥхьаӡоит", - ҳәа азгәеиҭеит Табаӷәуа.

Кәыдрытәи аҩхаа аҭарцәраан ҳәа иҟаҵоу азгәаҭаҿы иубоит, "алымҳақәа" ҳәа иҳәеит Жәлар Реизара адепутат.

"Уи иахьа иҭаку ауаҩы, мамзаргьы иҭаркраны иҟоу зусқәа цәгьаны иҟоу, аибашьраан деибашьуамызт, аха абри Кәыдрытәи аҩхаа аҭарцәара џьара дацраҳәан. Убри азоуп ус еиԥш ажәа уа изнеиз. Ҳара иҳадаҳкылоит аус, ацәгьаус ҟазҵо уаҵәы дҭыхны, ҳара ҳалызхыз ауаа ацәгьа рзиурц. Азакәан дыҿнамхӡеит - ҳара дҿаҳхырц ҳаҿуп", - ҳәа иҳәеит Табаӷәуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

38