Бжьаниа: COVID-19 иахҟьаны аекономикатә цәыӡқәа рацәоуп

9
(ирҿыцуп 12:15 11.08.2020)
Аԥсни Урыстәылеи рҳәаа ԥшьымз раԥхьа иадыркит. Ари атәыла аекономикатә ҭагылазаашьа, ҷыдала атуристтә сезон аиԥҟьара анырра анаҭеит.

АҞӘА, нанҳәа 11 - Sputnik. Аԥсны акоронавирустә пандемиа иахҟьаны аекономикатә цәыӡ дуқәа амоуп, иҳәеит агазеҭ "Известия" аинтервиу азҭаз Аслан Бжьаниа.

Атәыла ахада иажәақәа рыла, аҭагылазаашьа аруадаҩит атуристтә сезон аиԥҟьарагьы. Атуризм Аԥсны азы 35% ААА (ВВП) аанагоит, 10 000 усуратә ҭыԥ азнархиоит.

"Аха ҳара аҭагылазаашьа уадаҩ иахьмырԥшыкәа иҟоу аҭагылазаашьала ҳхымҩаԥгашьа еиҭаҳкуеит. Иаҳҩызоу аҳәынҭқарра Урыстәыла аҟынтәи ацхыраара ҳшақәгәыӷуагьы, ҳара ибзианы еилаҳкаауеит, акризис алҵразы амҩақәа ҳхаҭақәа иҳаԥшаар шакәу", - иҳәоит Аслан Бжьаниа.

Бжьаниа ишьақәирӷәӷәеит нанҳәа 1 азы аҳәаа аартра шьаҭаны ишазыҟаз Москваҟа иусутә ныҟәара.

Нанҳәа 1 азы аурыс-аԥсуа ҳәаа анаадырт инаркны нанҳәа 10 рҟынӡа 230 000-ҩык ахысхьеит.

Рашәарамзазы Апарламент адепутатцәеи Аслан Бжьаниеи реиԥылараан Москватәи иусутә ныҟәара аихшьаалақәа ҟаҵо иҳәеит, Урыстәылатәи афедерациа Аԥсны акризис аамҭазы иаиуа ацәыӡқәа шыхнаҩо.

Рашәарамза анҵәамҭазы Аминистрцәа реилазаара афинанстә ҭагылазаашьа аиҭакразы абиуџьет ԥарақәа рныхраз еиҳа аԥыжәара змоу ахырхарҭақәа шьақәнаргылеит. Раԥхьа иргыланы иарбахеит аулафахәқәа, асоциалтә шәарақәа.

Иара убас шәаԥхьар ҟалоит:

9
Атемақәа:
Ачымазара ҿкы – акоронавирус Аԥсни адунеи аҿи: иалкаау (707)
Гурам Шоуа

Раионк аԥсҭазаараҟынтә: Шьоууа авирус змоу рзы ахәышәтәырҭақәа рҿы аҭыԥқәа раартразы

6
(ирҿыцуп 19:22 22.09.2020)
Гәылрыԥшьтәи арратә госпиталь аҳақьым хада Гәырам Шьоууа арадио Sputnik аефир аҿы еиҭеиҳәеит акороновирус змоу рзы Агәыӡера ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Шьоуа авирус змоу рзы ахәышәтәырҭақа рҿы аҭыԥқәа раартразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра уҳәа убас. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Ари ачымазара зыхьуа ҳзаанагоит, урҭ ҳрыхәаԥшуеит нас ишахәҭоу аҭыԥ иқәаҳҵоит, шьоукы аҩныҟа, шьоукы – Гәдоуҭаҟа, аха уи анализқәа рҭак анҳаулак ашьҭахь. Ахәышәтәырҭа атерапиа аҟәшаҿы архиара ҳаҿуп 40-ҩык рҭыԥ ари ачымазара зыхьуа рышьҭаҵаразы, аха макьана хаз аҟәша аашәырты ҳәа адҵа ҳмоуӡац. Иахьазы дҵас иҳамоу: ачымазаҩцәа ашоура змоу, Агәыӡера рыдкылара, нас ишахәҭоу аус рыдулароуп. Ахәышәтәырҭаҿы акоронавирус аҟынтә иахьазы анализ аҭак иазыԥшу ҳәа аӡәгьы дыҟам, зегьы аҩны итәоуп. Дара есымша аҭел ҳарзасуеит, рҭагылазаашьа еилаҳкаауеит. Анализ аҭак анааилак нас рыхәшәтәразы даҽа мҩак ылаҳхуеит. Аҩны рҽырхәышәтәуеит 16-ҩык рҟынӡа", - ҳәа еиҭеиҳәеит Шьоууа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6

Акоронавирустә хҭыс ҿыцқәа даҽа 59 азгәаҭоуп Аԥсны

12
(ирҿыцуп 20:08 22.09.2020)
Иахьатәи аамҭазы Аԥсны иахьаҵанакуа акоронавирус 1054-ҩык ишрыхьхьоу аарԥшуп. Урҭ рахьтә 311-ҩык апациентцәа ргәы бзиахеит, быжьҩык акоронавирус зыхьуаз рыԥсҭазаара иалҵит.

АҞӘА, цәыббра 22 – Sputnik. Аԥсны даҽа 59-ҩык акоронавирус рцәа ишалаз аадырԥшит ҳәа аанацҳауеит Ауааԥсыра акоронавирус рацәыхьчаразы аоперативтә штаб. 

"Цәыббра 22 рзтәи адыррақәа рыла, иҳаҩсыз уахыки-ҽнаки рзы игәаҭан 198-ҩык ауааԥсыра, урҭ рахьтә адиагноз COVID-19 рзышьақәдырӷәӷәеит 59-ҩык", - ҳәа аарыцҳауеит аоперштаб аҟынтәи.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 98-ҩык апациентцәа, дара зегьы ари адиагноз рзышьақәырӷәӷәоуп, рҭагылазаашьа хьанҭоуп быжьҩык, ибжьаратәуп 31-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау (707)