Пицунда акурорт адиректор ихаҭыԥуаҩразы ҩ-кандидатурак ықәдыргылеит

14
"Акурорт Пицунда" ахада ҿыц Фрикан Гәынба имаҵура даҭан нанҳәа 7 рзы. Уаанӡа ари аҭыԥ никылон Нодар Шьаҟрыл.

АҞӘА, нанҳәа 11 – Sputnik, Бадраҟ Аҩӡба. Пицунда ауааԥсыра азеиԥшқалақь еизараҿы акурорт адиректор ихаҭыԥуаҩразы ҩ-кандидатурак ықәдыргылеит ҳәа Sputnik иазеиҭеиҳәеит Пицунда ахада ихаҭыԥуаҩ Асҭамур Ашәхәаҵаа.

"Ҭимур Ҭарбеи Алхас Гыруаԥшьи ркандидатурақәа ықәдыргылеит. Рҩыџьагьы ара иит, иааӡеит. Макьаназы урҭ рахьынтәи иалкаахо ддырым"? - иҳәеит иара.

Аӡбамҭа идикылараны дыҟоуп акурорт ахада ҿыц Фрикан Гәынба, аамҭала абри аганахь ала ԥкырак имам ҳәа иҳәеит Ашәхәаҵаа.

Нанҳәа 10 рзы ақалақьуаа "Акурорт Пицунда" аиҳаб ҿыц иаҭара иаҿагыланы аизара мҩаԥыргеит. Аизара иҽалаирхәит атуризм аминистр Теимураз Хышба. Еизан иҟаз иара изеиҭарҳәеит иҟоу аҭагылазаашьазы ргәаанагарақәа.

"Акурорт Пицунда" адиректор ихаҭыԥуаҩ Алексеи Кетиа ишиҳәаз ала, ақалақьуаа ргәы иалсыз акадыртә еиҭакра акәымкәа уи амҩаԥгашьа ауп.

"Акурорт Пицунда" ахада ҿыц Фрикан Гәынба имаҵура даҭан нанҳәа 7 рзы. Аколлектив ахәҭак уи ишаҿагылазгьы Фрикан Гәынба аколлектив ддырдырын.

Атуризм азы аминистрра апресс-маҵзура иазгәанаҭеит Фрикан Гәынба икандидатура еиҭахәаԥшраны ишыҟам, уи азы аминистр изинмчқәа рҳәаа иҭагӡаны аӡбра шидикылаз.

Алексеи Кетиа иара убасгьы иазгәеиҭеит ақалқьуаа рзы акыр шаҵанакуа акурорт анапхгара знапы иану аҭыԥантәи ауаа ракәзаара.

Пицунда асовет уаа бзиа еицырбаз ԥсшьарҭа ҭыԥны иҟалеит ишаадыртызҵәҟьа. Акурорт аргылараз аӡбамҭа идикылеит абри аҭыԥ иацәыхарамыз адачаҿы зыԥсы зшьоз Никита Хрушьиов.

КПСС АК ахантәаҩи Михаил Бӷажәбеи еиҩызцәан. 1959 шықәсазтәи реицәажәарақәа руак аан Хрушьиов Пицунда акурорт ргылазар бзиоуп ҳәа иҳәеит. Ари аҭыԥ залихызгьы пицундатәи аԥсара аҟазшьа ҷыдазоуп.

Акурорт аргылара иалахәын хнызқьҩык рҟынӡа ауааԥсыра. Аусурақәа напхгара рылҭон Ҭамара Гыцԥҳа. Хрушьиов Аԥсныҟа дааиԥхьеит Москва архитектор хада, Аизара дуқәа рхан архитектор Михаил Посохин.

Архитекторцәа апроект хымш рыҩныҵҟа аус адырулеит. Аԥхьанатә иазыӡбан акорпусқәа ааба рыргылара, аха еиуеиԥшым амзызқәа ирхырҟьаны быжь-корпуск ргылан.

Акурорт аргылара аламҭалаз иргылан ҷыдала иаразы Бзыԥтәи аихабетонттә зауад. Зынӡа акурорт аргылара аа-шықәса иадхалеит.

1967 шықәса рзы Акомпартиа аԥснытәи аобком амаӡаныҟәгаҩ Мџьыҭ Хәарцкьиа атрибунаҟынтәи ирылеиҳәеит асовет курорт ҿыц шаарту.

14

Арӡынба: Аԥсны азакәан амч ӷәӷәахар, Ҭырқәтәылантәи нхара иаауа ҳауаажәлар рацәахоит

2
(ирҿыцуп 19:37 27.09.2020)
Ҭырқәтәылантәи забдуцәа рџьынџь ахь нхара ихынҳәыз Аҟәа араион Ачадара акыҭаҟны инхо Раҳми Арӡынба арадио Sputnik аефир ала ицо арубрика "Раионк аԥсҭазаараҟнытә" аҿы еиҭеиҳәеит Аԥсны инхашьа-ибзазашьа атәы.
Раионк аԥсҭазаараҟынтә: Арӡынба Ачадара ақыҭаҟны ибзазашьа атәы

"… Зны сҩызак Ҭырқәтәылантә даан ус сеиҳәеит: "Ақыҭаҟны унхоит, арахь акәтаӷь умаӡам, аӡәы дузааиргьы ирҿоумҵои, узлақыҭауаҩи акәты умамзар?" - ҳәа. Абас сеиҳәан, сирԥхашьеит. Акәтааӡара сыздыруам анысҳәа, уи азы аҵара аҭалара аҭахым иҳәеит… Нас саалаган аинкубатор аазгеит Ҭырқәтәылантәи, акәытқәа анысҵеит… Аԥсназы ухы иаурхәозар иҟауҵо аус ыҟоуп. Уаҳа акгьы узыҟамҵозар, ахш узҭо ажә ааухәаргьы – уабоит. Иугәамԥхо аус ауп иуадаҩу, иуҭахымкәа иҟауҵо", - иҳәеит Арӡынба.

Ҭырқәтәылеи Аԥсныи ақыҭаԥсҭазаашьа еиҿырԥшуа иазгәеиҭеит аашьаҩцәа зегьынџьара ишеиԥшу. Раҳми еиҭеиҳәеит амедицинатә цхыраара аниҭаху иахьиоуа атәы, иара убас Ҭырқәтәыла инхо аԥсуаа арахь нхара раара иаԥырхагоу ҳәа ииԥхьаӡо атәы.

Шәазыӡырҩы аудио.

Иара убас шәаԥхьар ҟалоит:

2

Даҽа 46-ҩык Аԥсны атәылауаа акоронавирус рыдбалоуп

2
(ирҿыцуп 19:25 27.09.2020)
Иахьазы Аԥсны иахьаҵанакуа иаарԥшу акоронавирустә хҭысқәа рхыԥхьаӡара 1332 ыҟоуп. Ргәы бзиахахьеит 400-ҩык, жәҩык рыԥсҭазаара иалҵит.

АҞӘА, цәыббра 27 – Sputnik. Аԥсны иҳаҩсыз уахыки-ҽнаки рыла акоронавирус зыхьуа рхыԥхьаӡара даҽа 46-ҩык рыла еиҳахеит ҳәа аанацҳауеит Ауааԥсыра акоронавирус рацәыхьчаразы аоперативтә штаб.

"Иҳаҩсыз уахыки-ҽнаки рыла акоронавирустә инфекциа амазааразы игәаҭан 160-ҩык атәылауаа, урҭ рахьтә адиагноз COVID-19 рзышьақәыргылан 46-ҩык", - ҳәа аанацҳауеит аоперштаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-а апациентцәа, урҭ рахьтә COVID-19 адиагноз рзышьақәырӷәӷәоуп 117-ҩык, рҭагылазаашьа хьанҭоуп 14-ҩык, ибжьаратәуп 27-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау