Урыстәылатәи аекспертцәа Аԥсны аенергетикатә система ҭырҵаауеит

11
(ирҿыцуп 18:58 12.08.2020)
Урыстәылатәи аделегациа Аԥсныҟа иааит нанҳәа 11 рзы Аԥсны ахада Аслан Бжьаниеи Урыстәыла аенергетика аминистр Александр Новаки реицәажәара ашьҭахь, ареспублика аенергетикатә система атехникатә ҭагылазаашьа аҭҵааразы.

АҞӘА, нанҳәа 12 - Sputnik. Урыстәылатәи аделегациа иалахәуп АЕ "Техническая инспекция ЕЭС", ПАО "Россети" атехникатә хылаԥшра Ацентр аекспертцәа. Дара ареспублика аенергетикатә система атехникатә ҭагылазаашьа аҭҵаара мҩаԥыргараны иҟоуп ҳәа аанацҳауеит Аекономика аминистрра апресс-маҵзура.

Ахашаҽны аекономика аминистр Кристина Озганԥҳаи АУН "Амшынеиқәафымцамч" адиректор хада Михаил Логәуеи урыстәылатәи аделегациа ирыҿцәажәеит.

"Аиԥылараан ихадароу зҵаараны ишьҭыхын ҭагалани аӡынрази ианаамҭоу Аԥсныҟа Урыстәылантәи афымцамч аашьҭра, абри аамҭазы адефицит ҟамларц", - лҳәеит Кристина Озганԥҳа.

Лара лажәақәа рыла, иара убасгьы ихадароу азҵаарақәа иреиуан ЕгрыГЕС аремонт азуразы аанкылара аҭаххар, Аԥсны фымцала аиқәыршәара азҵаара.

© Foto / Министерство Экономики Абхазии
В Абхазии начинает работу рабочая группа по изучению технического состояния энергосистемы

"Ҳара арҭ азҵаарақәа зегьы ныҭкааны аус рыдааулароуп", - ҳәа лҳәеит Озганԥҳа.

АУН "Амшынеиқәафымцамч" адиректор хада  Михаил Логәуа иазгәеиҭеит 2020 шықәса абҵарамзазы ЕгрыГЕС иоунажьуа афымцамч аҟынтә Аԥсны ахәҭа ахы иархәаны ишалго (40%).

Урыстәылатәи  аделегациа ахада, АЕ "Техническая инспекция ЕЭС", адиректор ихаҭыԥуаҩ Дмитри Померанец иазгәеиҭеит аусутә гәыԥ аҿаԥхьа иқәгылоу азҵаарақәа бзианы ишеиликаауа.

Иара иҳәеит аделегациа аҳасабырбаҿы ишарбахо раԥхьа иргыланы изызхьаԥштәу аусқәа.

Иара убас шәаԥхьар ҟалоит:

11

Аҟәатәи ашкол адыркит акоронавирус злаз арҵаҩы лыԥсҭазаара даналҵ ашьҭахь

13
(ирҿыцуп 23:25 20.09.2020)
Апандемиа ааҟалеижьҭеи Аԥсны акоронавирус зцәа иалоу 939-ҩык аарԥшын. Цәыббра 20 рызтәи аоперштаб адыррақәа рыла, Гәдоуҭатәи ахәышәтәырҭаҿы ишьҭоуп 97-ҩык апациентцәа.

АҞӘА, цәыббра 20 — Sputnik, Асмаҭ Ҵәыџьԥҳа. Баграт Шьынқәба ихьӡ зху Аҟәатәи абжьаратә школ №1 аҵаҩцәа акарантин ахь аҩныҟа иоушьҭуп ҩымчыбжь ҳәа, ашкол аҿы аепидемиологиатә ҭагылазаашьа ахьеицәахаз инамаданы, абри атәы Sputnik иазеиҭалҳәеит ашкол адиректор Нонна Делԥҳа.

Лара лажәақәа рыла, иахьа ашкол адирекциахь адырра ҟарҵеит акоронавирус зцәа иалаз рырҵаҩцәа руаӡәк, даҽа хроникатә чымазаракгьы зцәа иалаз, лыԥсҭазаара дшалҵыз. Иара убасгьы рышкол аҿы аклассқәа хәба рҟны ари аҿкы чымазара зцәа иалаз ачымазцәа азгәарҭахьан. Уи адагьы аҭаацәа аӡәырҩы  рхәыҷқәа COVID-19 асимптомқәа шрыдырбало адиректор иларҳәарц азы аҭел ишылзасыц илзасуеит.

"Сара аҵара аминистр аҭел сизасит, иҟоу аҭагылазаашьа иеилсыркаарц азы. Иара аҵаҩцәа ҩымчыбжьа ҳәа иоушәышьҭ акарантин ахь иҳәеит, избанзар ҳашкол аҿы актәи, аҩбатәи, ахԥатәи аклассқәа рҿы ада, егьырҭ аклассқәа зегьы рҿы аҿкы злалаз ахәыҷқәа ыҟоуп, урҭ зегьы аишьцәа, аиҳәшьцәа рымоуп егьырҭ аклассқәа рҟны. Иара убас ҳарҵаҩцәа быжьҩык акарантин аҿы иҟоуп, саргьы сыбжьы иахьа исгәаԥхом", - лҳәеит Делԥҳа.

Иара убас лара иазгәалҭеит иахьа Асанитартә епидемиологиатә станциа анапхгара лыҽрымалдарц дшаҿыз, аха аӡәгьы аҭел шьҭимхит ҳәа. Делԥҳа ишылҳәаз ала, уажәы ашкол адирекциа аилкаара иаҿуп шаҟаҩык рҵаҩцәеи рырҵаҩцәеи акоронавирус рыхьыз, макьана урҭ рхыԥхьаӡара рыздыруам.

Аԥсны агәабзиарахьчара аминистрра апресс-маҵзура COVID-19 зыхьны иҟаз арҵаҩы лыԥсҭазаара дшалҵыз азы аинформациа Sputnik иазышьақәнарӷәӷәеит, иагьазгәарҭеит лара Қырҭтәыла дшырхәышәтәуаз, уаҟа шакәу лыԥсҭазаара дахьалҵыз.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

13
Атемақәа:
Ачымазара ҿкы – акоронавирус Аԥсни адунеи аҿи: иалкаау
Старший научный сотрудник Отдела этнологии Абхазского государственного музея, этнолог Инга Шамба. Архивное фото.

Аҭоурых иагәылаҵәаху: Шамԥҳа ԥшь-ҿык змоу ампахьшьы иазкны

9
(ирҿыцуп 19:36 20.09.2020)
Аԥсуа ҳәынҭқарратә музеи аетнологиа аҟәша аҭҵаарадырратә усзуҩ еиҳабы Инга Шамԥҳа арадио Sputnik аефир аҟны еиҭалҳәеит 2015 шықәсазы Елена Гордиенко-Леиба амузеи ҳамҭас иалҭаз ампахьшьқәа рҭоурых атәы.

 

"Аҭоурых иагәылаҵәаху": Шамԥҳа ԥшьҿык змоу ампахьшьы иазкны

Шәазыӡырҩла арубрика "Аҭоурых иагәылаҵәаху" есмҽыша арадио Sputnik Аԥсны аефир аҿы.

 

Иара убас шәаԥхьар ҟалоит:

9