Судебные принадлежности, молоток и книги, на столе

Ҭарба иус азы аилатәара аҿҳәара инахеит ианакәу алымкаакәа

7
(ирҿыцуп 11:39 13.08.2020)
Аԥсны аҩныҵҟатәи аусқәа рминистрраҟны аҭыԥ змаз Анзор Ҭарба ишьра инадҳәаланы аӡбарҭа абжьбатәи аилатәара мҩаԥысит Аҟәатәи ақалақьтә ӡбарҭаҿы нанҳәа 12 рзы.

АҞӘА, нанҳәа 13 – Sputnik, Асмаҭ Ҵәыџьԥҳа. Аҟәатәи ақалақьтә ӡбарҭа аӡбаҩ Инар Кәарҷиа Аԥсны аҩныҵҟатәи аусқәа рминистрраҟны аҭыԥ змаз Анзор Ҭарба ишьра инадҳәаланы  аӡбарҭа аилатәара ахигеит, ааха зауз рганахь аҳаҭырдара ахьаарԥшыз азы.

Аилатәара далахәымызт ахара здырҵо Аслан Чедиа. Иара идукат Нино Қәарсаиа ирылалҳәеит иашьа гәакьа акоронавирус иманы Гәдоуҭатәи агоспиталь дҭоуп ҳәа. Лара ишылҳәаз ала, аҳақьым ажәала ирабжьигеит Чедиа аҽыԥхьакратә аамҭа дахысроуп ҳәа.

Адукат убри аан ршаҳаҭгак ма зыҳәак лымамызт. Лара илҳәеит илыхьчо ауаҩы инырра дшацәшәаз.

Аҳәынҭқарратә харадҵаҩцәеи ааха зауз рхаҭарнакцәеи адҵа ҟарҵеит ахьчаҩ аофициалтә зыҳәа азлырхиарц. Ишьыз иаҳәшьа, Аида Ҭарԥҳа илҳәеит Аслан Чедиа иҽыԥхьакраамҭа нҵәаанӡа аилатәара аҿҳәара инахатәуп, ахара зду аҩнтәы рбаандаҩра арежим еилаигоит ҳәа, иазгәалҭеит ус шакәу ашьақәырӷәӷәаразы афотоҳасабырба цәырылгар шлылшо.

Аҭагылазаашьа алацәажәараан Аида Ҭарԥҳа аҽазныкгьы илҳәеит Чедиа иашьа ихәышәтәра ахьымҩаԥысуа агоспиталь аҟынтәи аҳақьымцәа  рнапы аҵаҩны аофициалтә документ ыҟазароуп ҳәа.

Иагьацылҵеит асеиԥш иҟоу ауаа еснагь аҿкыра рымоуп ҳәа.

Ари ахҳәаа азы аӡбаҩ ҽыԥныҳәа ҟаиҵеит.

Аида Ҭарԥҳа аӡбаҩ "уара" ҳәа иаҳәо иазгәалҭеит илҳәо азин шлымоу. Инар Кәарҷиа арҭ ажәақәа аӡбаҩцәа рганахь ала ицәахыхроуп ҳәа иԥхьаӡеит, аилатәарагьы аҿҳәара ахигеит.

Заанаҵтәи аусҭҵаара аверсиала, Аԥсны Аҩнуҵҟатәи аусқәа рминистрра аусзуҩцәа 2019 шықәса ԥхынгәы 11 рзы, амаҵзуратә уада 303 аҿы, Омар Мерцхәылаа иӷьычра далаҟьышьуп ҳәа агәаанагара зызрымаз Анзор Ҭарба иҿахәҿыхраан иԥсҭазаара далҵит.

Ԥхынгәы 13 рзы Аҩныҵҟатәи аусқәа рминистрра аусзуҩцәа рганахьала ашьаус хацдыркит, рмаҵзуратә напынҵақәа рынагӡараан амчра инахырҳәҳәаны рхы иадырхәеит ҳәа.

Иара убас шәаԥхьар ҟалоит:

7

Даҽа 46-ҩык Аԥсны атәылауаа акоронавирус рыдбалоуп

2
(ирҿыцуп 19:25 27.09.2020)
Иахьазы Аԥсны иахьаҵанакуа иаарԥшу акоронавирустә хҭысқәа рхыԥхьаӡара 1332 ыҟоуп. Ргәы бзиахахьеит 400-ҩык, жәҩык рыԥсҭазаара иалҵит.

АҞӘА, цәыббра 27 – Sputnik. Аԥсны иҳаҩсыз уахыки-ҽнаки рыла акоронавирус зыхьуа рхыԥхьаӡара даҽа 46-ҩык рыла еиҳахеит ҳәа аанацҳауеит Ауааԥсыра акоронавирус рацәыхьчаразы аоперативтә штаб.

"Иҳаҩсыз уахыки-ҽнаки рыла акоронавирустә инфекциа амазааразы игәаҭан 160-ҩык атәылауаа, урҭ рахьтә адиагноз COVID-19 рзышьақәыргылан 46-ҩык", - ҳәа аанацҳауеит аоперштаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-а апациентцәа, урҭ рахьтә COVID-19 адиагноз рзышьақәырӷәӷәоуп 117-ҩык, рҭагылазаашьа хьанҭоуп 14-ҩык, ибжьаратәуп 27-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау
Сезгин Чукуа

Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт иҵыхәтәантәихар шалшоз

6
(ирҿыцуп 18:51 27.09.2020)
Аԥсны жәлар рџьынџьтәылатә еибашьра аветеран, Агәымшәаразы амедал занашьоу Сезгин Чыӷә-иԥа арадио Sputnik аефир аҿы игәалаиршәеит 27 шықәса раԥхьа арҭ амшқәа рзы Аҟәа ахақәиҭтәраз ицоз ажәылара.
Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт, иҵыхәтәантәихар шалшоз

Сезгин раԥхьаӡа акәны Гагра анырга ашьҭахь Аԥсныҟа дааит, усҟан иара ихыҵуан 24 шықәса. Аибашьҩы иажәақәа рыла, Ҭырқәтәыла аррамаҵзура ашьҭахь ԥышәа хәыҷык иман, абџьар атәы идыруан.

"Аҟәа ахақәиҭтәразы ҳгәыԥ Каман ала раԥхьа ажәылара ҳалагеит, усҟан Гагратәи абаталион салан. Усҟан ауп данҭаха Баҳадыр Абыӷба, Ерқан Қәҭарба дырхәит, еиҭа быжьҩык раҟара аҷкәынцәа рхәит. Иҭахаз ҳаҷкәынцәа рыԥсра усҟан иаҳзеилкааӡомызт, урҭ рҵәыуара аха ҳамамызт, аибашьра цон. Нас аибашьра ашьҭахь ауп зегьы анеилаҳкаауаз, ҳгәы аныԥжәоз. Баҳадыри сареи ҳхәыҷаахыс ҳаибадыруан. Аибашьра нҵәоит сентиабртәи ажәылара ашьҭахь ҳәа ихасҵомызт, ус шаҟантә ҳцахьаз ажәылара, аха ҳаиааиуамызт. Нас аиааира ҳгеит, аибашьра нҵәеит ҳәа анырҳәа ихасҵомызт, агәра сызгомызт", - еиҭеиҳәеит аветеран.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6