Ходатайство следствия об аресте водителя автобуса В. Тихонова в Басманном суде

Ҩажәа нызқь зыхҭынҵоу аԥсра: Гагра иҿаҵаз ауаҩшьразы азыӡба рыдыркылеит

8
(ирҿыцуп 13:09 13.08.2020)
Ашьаусҭҵаара аматериалқәа инарықәыршәаны, ауаҩшьра ҿазҵаз аԥҳәыс лаҳәшьаԥа диҳәеит лхаҵа ишьразы.

АҞӘА, нанҳәа 13 - Sputnik. Аԥсны иреиҳаӡоу аӡбарҭа, Аԥсны АЗ ахәҭаҷ "гәыԥҩык еилацәажәарыла зых иамыхәоз ахаҿы ишьра" инақәыршәаны, ахара зду Ахра Ԥкьын иус рыӡбеит ҳәа аанацҳауеит Аԥсны апрокуратура хада асаит.

Гәдоуҭа ақалақь аҿы ииз, Адыгеиатәи ареспубликаҿы инхоз Ахра Ԥкьын ахара идҵоуп "Лили Гәлиаԥҳаи иареи ҩажәа нызқь мааҭ шиоуа ҳәа еилацәажәаны, Анзор Шерозиеи иареи еилахәны Гагра ақалақь аҿы инхоз Валери Анқәаб дишьит" ҳәа аанацҳауеит Апрокуратура хада.

Иршьыз ауаҩы Лили Гәлиаԥҳа лхаҵа иакәын. Ауаҩшьрагьы еиҵызхыз лара лоуп. Ахра Ԥкьын иакәзар, лара длаҳәшьаԥоуп.

Аус аматериалқәа инарықәыршәаны, Гәлиаԥҳа Ԥкьыни Шерозиеи лхаҵеи лареи зыҩназ ауадақәа рцаԥха рылҭеит.

"Абри аҭыӡҭыԥ аҿы ианнеи, Ԥкьын уаанӡатәи аиқәышаҳаҭра инақәыршәаны, Анқәаб дахьышьҭаз ауадахь днеиит, ауаҩшьра еиҿызкааз Гәлиаԥҳа илҭахьаз ацаԥхала ашә аартны. Анқәаб ихы дамыхәо аиарҭа дылан. Ԥкьын уи дхәыҽны дишьит", - ҳәа аҳәоит Апрокуратура хада адырраҭараҿы.

Ашьаус ахәаԥшраан Ԥкьын ахара ихараҵаны 12 шықәса ҭакрыла иқәҵан.

Уаанӡа, 2018 шықәса нанҳәа 14 рзы Иреиҳаӡоу аӡбарҭа Гәлиаԥҳа ахара лханаҵеит цәгьахәыцрыла ауаҩшьра ахьеиҿылкааз азы, 11 шықәса ҭакрыла ахгарагьы лықәнаҵеит. Шерозиа иакәзаргьы 9-шықәса ҭакрыла ахгара иқәҵан.

Гәлиаԥҳаи Шерозиеи рганахь ала азыӡба азинмчра аиуит.

Ԥкьын ахара ихы иадиҵом. Аԥсны азакәанԥҵара инақәыршәаны, азыӡба азинмчра аиуаанӡа ахара ихароуп ҳәа дшьамызт.

8
Кобахьиа Лаврик Амқәаб изы: агәаӷь змаз, пату зқәыз еибашьҩын

Кобахьиа Лаврик Амқәаб изы: агәаӷь змаз, пату зқәыз еибашьҩын

2
(ирҿыцуп 19:44 24.09.2020)
Иԥсҭазаара далҵит Аԥсны Афырхаҵа Лаврик Амқәаб. Аибашьраан Тҟәарчалтәи аполк адҵаҟаҵаҩыс иҟаз аибашьҩы арадио Sputnik аефир аҿы дигәалаиршәоит Аԥсны Афырхаҵа Аслан Кобахьиа.

 

Кобахьиа Лаврик Амқәаб изы: агәаӷь змаз, пату зқәыз еибашьҩын

Атәыла раԥхьатәи ахада Владислав Арӡынба Аԥсны Афырхаҵа ҳәа ахьӡ ду иабалак ириҭомызт ҳәа азгәеиҭеит Кобахьиа аиҿцәажәара алагамҭаз.

"Иара деибашьуан Мрагыларатәи афронт аҿы, Тҟәарчалтәи аполк командирс даман. Тҟәарчалаа ирылшаз рацәоуп аибашьраан, уи баша-маша далырхуамызт аполк еиҳабыс. Аибашьраҿы агәаӷь змаз, пату зқәыз аибашьҩы иакәын. Иареи сареи ҳаибадырит Егры ацҳаҿы Аиааира амш аҽны, убри аахыс аиҩызара ҳабжьан. Аибашьра ашьҭахь акыраамҭа Гал араион аус еицаҳаухьан. Иара аӷьеиҩҳәа иҟаз аԥсуа ҷкәына бзиа иакәын", - ҳәа иҳәеит Кобахьиа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

2

Аԥснытәи аҵарауааи Нхыҵ-Кавказтәи ауниверситети аусеицуразы еилацәажәеит

28
(ирҿыцуп 19:09 24.09.2020)
Нхыҵ-Кавказтәи афедералтә университет аусзуҩцәа рделегациа Аԥсны усутә ныҟәарыла иаҭааит.

АҞӘА, цәыббра 24 – Sputnik, Асмаҭ Ҵәыџьԥҳа. Нхыҵ-Кавказтәи афедералтә университет аусзуҩцәеи Аԥсны Аҭҵаарадыррақәа ракадемиа аусзуҩцәеи реиԥылара мҩаԥысит Аҟәа, цәыббра 24 рзы.

Аԥсны Аҭҵаарадыррақәа ракадемиа ахада Зураб Џьапуа иажәақәа рыла, рколлегацәа раара хықәкыс иамоуп Аԥсны Аҭҵаарадыррақәа ракадемиа аусуреи аиҿкааратә структуреи реилкаареи Нхыҵ-Кавказтәи афедералтә университети Аԥсны Аҭҵаарадыррақәа ракадемиеи русеицура алацәажәареи.

Ԥхьаҟатәи аусеицура аԥеиԥшқәа дрылацәажәо, Џьапуа иазгәеиҭеит Аԥсны агеографиатә ҭагылазаашьеи аҳауатә ҷыдареи ареспублика аексперименттә ҭҵаарақәа рзы иҭыԥ бзианы ишыҟарҵо. Иара игәаанагарала, Аԥсны иалшоит ананотехнологиатә институти ареабилитациатә центри раԥҵара.

"Ҳара ҳхырхарҭақәа ирхадароу аинырра акурси аусеицуреи роуп. Асовет аамҭазы иҟаз аҭҵаарадырратә усҳәарҭақәа ирымаз аимадарақәа зегь реиқәырхара залмыршахеит. Дара еиԥҟьеит СССР анеилаҳа ашьҭахь, Аџьынџьтәылатә еибашьра иахҟьаз аполитикатәии аекономикатәии ҭагылазаашьақәа рышьҭахь, Урыстәыла Аҭҵаарадыррақәа ракадемиа ареформақәа рышьҭахь. Убри азы ирацәоуп изызхәыцтәу, иҟаҵатәу", - иҳәеит иара.

Нхыҵ-Кавказтәи ауниверситет аректор Дмитри Беспалов иҳәеит ауниверситет ишазԥхьагәанаҭо "аԥеиԥш змоу ахырхарҭақәа аус рыдулара".

"Ҳара иахьа Аҭҵаарадыррақәа ракадемиа ҳаҭааит ԥхьаҟатәи аусеицуразы апланқәа ҳрылацәажәарц. Ҳуниверситет азыхиоуп Аԥсны Аҭҵаарадыррақәа ракадемиеи иареи афизика, ахимиа, ананотехнологиақәа, агротехнологиақәа, афатәаалыҵ атехнологиақәа, аполитологиа русхк аҟны аусеицура. Аԥсны агеографиатә ҭагылазаашьа ҷыда инадҳәаланы иалшоит иаԥҵахар атуризм, амедицина, ареабилитологиа русхк иатәу ацентр аԥҵара", - иҳәеит иара.

Нхыҵ-Кавказтәи ауниверситет аԥҵан 2012 шықәса рзы - Нхыҵ-Кавказтәи аҳәынҭқарратә техникатә университет, Ставропольтәи аҳәынҭқарратә университет, Пиатигорсктәи аҳәынҭқарратә гуманитар-технологиатә университет рышьаҭала.

Нхыҵ-Кавказтәи афедералтә университет ахь иаҵанакуеит: агуманитартә, анџьныртә, азиндырратә, аматематикеи аинформациатәи технологиақәа, Адгьыл азы аҭҵаарадыррақәа, аҵареи асоциалтәи ҭҵаарадыррақәа, аекономикеи анапхгареи, асервис, атуризми адизаини, афизика-техникатәи, ахимиа-фармацевтикатәи факультетқәеи арра-ҵаратә центри.

Иара убас шәаԥхьар ҟалоит:

28