Аԥсныҟа иааргар ирҭахыз iPhone апартиа контрафактуп ҳәа ишьақәдырӷәӷәеит

7
Ԥхынгәымза анҵәамҭазы аҳазалхырҭатә ҭыԥ "Адлер" аҟны иаанкылан Аԥсны атәылауаҩ имашьына, аконтрабандатә iPhone ииазгоз.

АҞӘА, нанҳәа 17 - Sputnik. Ԥхынгәымза анҵәамҭаз Аԥсныҟа иахыргоз iPhone рпартиа контрафактын ҳәа ишьақәнаргылеит атауартә дырга ахатәтәҩы ихаҭарнак илкаа. Абри атәы аанацҳауеит Шәача аҳазалхра апресс-маҵзура.

Иазгәаҭоуп ахатәтәҩы 703 824 мааҭ рыхә иԥхасҭа аԥырҟәҟәаауп ҳәа.

Ԥхынгәымзазы иара убасгьы МАПП "Адлер" аҿы иаанкылан Аԥсны атәылауаҩ зыԥсҟы икыз аидарамҩангагаҿы 22 ҭоԥ ашәҟәы иҭагаламыз iPhone.

Аҳазалхратә инспектор гәҩарас икит урҭ реиҿкаашьа. Шәачатәи аҳазалхыҩцәа азыҳәа аныҟарҵа ашьҭахь ишьақәыргылан урҭгьы шконтрафактыз.

Абри аҩыза азинеилагара Урыстәыла АЗ ахәҭаҷ 180 ахәҭа 1 инақәыршәаны аҭакԥхықәра уднаҵоит.

Агәаҭаратә материалқәа нашьҭуп Шәача ААР ахь апроцессуалтә ӡбара адкыларазы.

7

Аслан Бжьаниа Аԥсны ауааԥсыра Аҟәа ахақәиҭтәра амш рыдиныҳәалеит

5
(ирҿыцуп 20:27 27.09.2020)
Аԥсны Аҳәынҭқарра аҳҭнықалақь Аҟәа ақырҭуа мпыҵахалаҩцәа рҟынтә ахы иақәиҭтәын 1993 шықәса, цәыббра 27 рзы.

АҞӘА, цәыббра 27 - Sputnik. Аԥсны ахада Аслан Бжьаниа иуаажәлар ирыдиныҳәалеит Аҟәа ахақәиҭтәра амш ҳәа адырра ҟанаҵеит атәыла ахада ипресс-маҵзура.

День освобождения Сухума 27 сентября 1993 года
© Фото : предоставлено Госмузеем Абхазии

"Ишәдысныҳәалоит ҳаҳҭнықалақь ахақәиҭтәра 27 шықәса ахыҵра! 1993 шықәса, цәыббра 27 – Аԥсны Аџьынџтәылатә еибашьра аҭоурых аҟны хьӡи-ԥшеи змоу, ифырхаҵаратәу амшқәа иреиуоуп. Абри аҽны ақырҭуа мпыҵахалаҩцәа ықәцаны Аҟәа ахақәиҭтәрала ихыркәшахеит 11 мшы ицоз аԥсуаа ржәылара. Ҳаҳҭнықалақь иахашәыршәырит аԥсуа бираҟ, ҳархәҭақәа рымҩа ԥхьаҟа иацырҵеит Аԥсны аҵакыра зегьы ахы иақәиҭыртәырц", - ҳәа аҳәоит атәыла ахада иадныҳәалараҿы

Аслан Бжьаниа Аҟәа аизҳареи ашәҭыкакаҷреи азеиӷьишьеит.

1993 шықәса, цәыббра 27 рзы аԥсуа ар Аҟәа агәы иалалеит, асааҭ 15:30 рзы Аԥсны Аҳәынҭқарра абираҟ Совмин ахыбра иахашәыршәыруан, аҳҭнықалақь ахы иақәиҭтәын.

Иара убас шәаԥхьар ҟалоит:


 

5

Арӡынба: Аԥсны азакәан амч ӷәӷәахар, Ҭырқәтәылантәи нхара иаауа ҳауаажәлар рацәахоит

3
(ирҿыцуп 19:37 27.09.2020)
Ҭырқәтәылантәи забдуцәа рџьынџь ахь нхара ихынҳәыз Аҟәа араион Ачадара акыҭаҟны инхо Раҳми Арӡынба арадио Sputnik аефир ала ицо арубрика "Раионк аԥсҭазаараҟнытә" аҿы еиҭеиҳәеит Аԥсны инхашьа-ибзазашьа атәы.
Раионк аԥсҭазаараҟынтә: Арӡынба Ачадара ақыҭаҟны ибзазашьа атәы

"… Зны сҩызак Ҭырқәтәылантә даан ус сеиҳәеит: "Ақыҭаҟны унхоит, арахь акәтаӷь умаӡам, аӡәы дузааиргьы ирҿоумҵои, узлақыҭауаҩи акәты умамзар?" - ҳәа. Абас сеиҳәан, сирԥхашьеит. Акәтааӡара сыздыруам анысҳәа, уи азы аҵара аҭалара аҭахым иҳәеит… Нас саалаган аинкубатор аазгеит Ҭырқәтәылантәи, акәытқәа анысҵеит… Аԥсназы ухы иаурхәозар иҟауҵо аус ыҟоуп. Уаҳа акгьы узыҟамҵозар, ахш узҭо ажә ааухәаргьы – уабоит. Иугәамԥхо аус ауп иуадаҩу, иуҭахымкәа иҟауҵо", - иҳәеит Арӡынба.

Ҭырқәтәылеи Аԥсныи ақыҭаԥсҭазаашьа еиҿырԥшуа иазгәеиҭеит аашьаҩцәа зегьынџьара ишеиԥшу. Раҳми еиҭеиҳәеит амедицинатә цхыраара аниҭаху иахьиоуа атәы, иара убас Ҭырқәтәыла инхо аԥсуаа арахь нхара раара иаԥырхагоу ҳәа ииԥхьаӡо атәы.

Шәазыӡырҩы аудио.

Иара убас шәаԥхьар ҟалоит:

3