Аруаа реицлабрақәа рҟны Аԥсны иандаҭло еилкаахеит

24
(ирҿыцуп 14:51 19.08.2020)
Жәларбжьаратәи арратә хәмаррақәа - 2020 мҩаԥысуеит Урыстәыла нанҳәа 23 инаркны цәыббра 5 рҟынӡа. Урҭ рхы рыладырхәуеит ф-нызқьҩык аруаа злоу 250 команда.

АҞӘА, нанҳәа 19 – Sputnik. Аԥснытәи акоманда VI Арратә хәмаррақәа - 2020 аҟны иқәгылоит аҩбатәи адивизион иалахәны, раԥхьаӡа акәны арҭ аицлабрақәа ирылахәу акомандақәа рыбжьара иҳәеит Аԥсны Арбџьармчқәа ртехникатә еиқәыршәара аҟәша аиҳабы амаиор Алиас Уанаҿа, арадио Sputnik аинтервиу анаиҭоз.

Иара иажәақәа рыла, Москва нанҳәа 24 рзы имҩаԥысраны иҟоу алԥшаараҿы "Атанктә биатлон" захьӡу аицлабраҿы Аԥсны акоманда ирындаҭлараны иҟоуп Лаос, Ҭаџьикисҭан, Конго ркомандақәа.

"Атанктә биатлон" шьақәгылоуп еиуеиԥшым аетапқәа рыла. Актәи аетап - ҽазыҟаҵаратәуп, аҩбатәи - хаҭалатәи еиԥхныҩлароуп, усҟан тәылак аекипаж атанкодром аҟны аԥынгылақәа ирхысны, ацәҟьарақәа иреихсны, абзарбзанқәеи ахырԥсаҟьагақәеи рыла ихысуеит. Ацәҟьара уақәымшәар, ма аԥынгылақәа узырхымсыр - даҽазнык уахысыр ауп", - иҳәеит иара.

Уанаҿа иазгәеиҭеит аҽазыҟаҵарақәа ирылагаанӡа ахәмаррақәа рлахәылацәа акоронавирус азы атестқәа ирхысны, алҵшәақәа роуаанӡа хымш аҽыԥхьакра арежим иқәныҟәеит ҳәа.

"Сынтәа ҳара раԥхьаӡа акәны ҳхы злалаҳархәуа ала, аҽазыҟаҵаразы аамҭа маҷны иҳаман, убри азы гәыԥ заҵәык ауп иааҳгаз, ҳаԥхьаҟа х-гәыԥк ааҳгоит ҳәа ҳгәы иҭоуп. Иагьа убас иҟазаргьы, ҳара ҳхы ҳақәгәыӷуеит, ишақәнагоу ҳхы ааҳарԥшуеит ҳәа ҳгәы иаанагоит, ҳтәыла ахьӡ ҭаҳгарц ҳгәы иҭоуп, иаҳдыруа дҳарбап. Зегьы ак ҳалшап ҳәа иҳақәгәыӷуеит. Арҭ аицлабрақәа рымҽхак ҭбаауп, Аԥсназы ари аҩыза аҩаӡараҟны ақәгылара акраҵанакуеит. Ҳаԥхьаҟа ҳкоманда иҵегьы иҳарӷәӷәоит, ишақәнагоу ҳҽазыҟаҳҵалоит. Уажәы иҟоу-иану еилаҳкаароуп", - иҳәеит иара.

Аԥснытәи аруаа иара убас рхы аладырхәуеит быжьтәылак рҟынтәи артиллеристцәа ахьеиндаҭло "Абџьар азҟаза" захьӡуи "Ишәарҭоу араион" захьӡуи аицлабрақәа рҟны, уа Аԥсны иаҿагылоит Белоруссиа, Конго, Лаос, Виетнам, Азербаиџьан, иара убас Урыстәыла арратә флот акомандақәа. Аицлабра "Адәынтәи ахәыҵара" аҟны Аԥсны иацлабуеит Ермантәыла, Виетнам, Урыстәыла, Белоруссиа.

Жәларбжьаратәи арратә хәмаррақәа - 2020 мҩаԥысраны иҟоуп нанҳәа 23 инаркны цәыббра 5 рҟынӡа, аартра ацеремониа ҟалоит Москватәи аобласт, Аконгресстә-цәыргақәҵатә центр "Патриот" аҿы. Ахәмаррақәа ирылахәхоит 250 команда.

Хәышықәса рыҩнуҵҟала ахәмаррақәа рыҽрыладырхәит 40 тәыла рҟынтәи 20 нызқьҩык аррамаҵзурауаа. Сынтәа Урыстәылатәи Афедерациа Атәылахьчара аминистрра Жәларбжьаратәи арратә хәмаррақәа рахь иаанаԥхьеит 90 тәыла рҟынтәи аруаа, НАТО иалоу атәылақәа рҟынтәигьы налаҵан.

Иара убас шәаԥхьар ҟалоит:

24

Аԥсны ахада мчыбжьык аамҭа риҭеит афымцалашара ахархәара аларҟәразы

4
(ирҿыцуп 19:11 22.01.2021)
Аԥсны ахада Аслан Бжьаниа ажьырныҳәа 22 рзы аилацәажәара мҩаԥигеит ареспубликаҿы иҟоу аенергетикатә кризис иазкны.

АҞӘА, ажьырныҳәа 22 – Sputnik, Бадраҟ Аҩӡба. Мчыбжьык аҩнуҵҟала араионқәа рҿы афымцалашара ахархәара аларҟәра алымшар, араионқәа рхадацәа, амилициа, апрокурорцәа лахь рыҭахоит. Егьи иааиуа ашәахьазы аҭагылазаашьа аҽеиҭанамкыр – русура иамххоит ҳәа иҳәеит Аԥсны ахада Аслан Бжьаниа ажьырныҳәа 22 рзы аилацәажәараҿ.

"Зегь иаразнакы, аамҭа мгакәа иҟаҵатәуп. Ари апроблема аӡбара Аекономика аминистрреи Аҩнуҵҟатәи аусқәа рминистреи рымацара рықәҵара иашаӡам. Ақыҭақәа рхадацәа зегьы ирдыруеит досу инапы злаку. Мчыбжьык ахы-аҵыхәала аҭагылазаашьа шәнапахьы иаажәгароуп", - ҳәа иҳәеит аҳәынҭқарра ахада.

Иара иажәақәа рыла аенергетика аусхк аҟны аҭагылазаашьа ҷыда ыҟоуп.

"Акризис алҵразы аҭагылазаашьа ҷыдақәа ҳадаҳкылароуп. Сара иҟоу ауп исҳәо", - ҳәа иҳәеит ахада.

2019 шықәса абри аамҭа иаҿырԥшны 2020 шықәса рзы афымцалашара ахархәара иааизакны 21 процент ихалеит. Тҟәарчали Тҟәарчал араиони рҿы – 62 процент, Очамчыра араион - 56 процент, Аҟәа араион - 47 процент, Гәылрыԥшь араион - 31 процент ҳәа арбагақәа рыӡбахә иҳәеит ахада.

"Араионқәа рҿы аштабқәа аԥҵахоит. Урҭ напхгара рыҭареи азеиԥш хылаԥшреи мҩаԥыргоит араионқәа рхадацәа. Аштаб иалахәхоит: амилициа аиҳабы, апрокурор, аенергетик. Иахьа хәылбыҽханӡа шәара шәусурақәа рахь шәнеины, аиԥыларақәа мҩаԥыжәгоит. Ари азҵаара зус алоу аминистрцәа русзуҩцәа иахәҭоу адҵақәа рырҭоит. Аштаб актәи аилатәара анымҩаԥыжәгалак, уаха аԥыза-министр инапынҵақәа назыгӡои ахада Иусбарҭа аиҳаби адырра рышәҭоит аштаб аилатәара шымҩаԥысыз азы", - ҳәа иҳәеит ахада.

Бжьаниа Тҟәарчал араион ахаҭарнак диазҵааит араион аҿы афымцалашара ахархәара азҳара мзызс иамои ҳәа.

"Шәраион аҿы афымцалашара ахархәара азҳара мзызс иаиузеи? Анаплак ҿыцқәа аусура иалагама?" - ҳәа дҵааит Аслан Бжьаниа. Уи аҭак иҭан закәаншьаҭада афымцацәаҳәақәа рыҽрыԥшьра шакәу мзызс иҟоу.

Абри аҩыза азҵаара иҭан Гәылрыԥшь араион ахада Аслан Бараҭелиагьы. Уи иҭакгьы амаининг фермақәа ирыхҟьеит акәын.

Аилацәажәара иалахәын Ашәарҭадаратә хеилак амаӡаныҟәгаҩ Сергеи Шамба, Аҩнуҵҟатәи аусқәа рминистр Дмитри Дбар, "Амшынеиқәафымцамч" адиректор хада Михаил Логәуа, ареспублика ақалақьқәеи араионқәеи рхаҭарнакцәа.

Иара убас шәаԥхьар ҟалоит:

4
Атемақәа:
Аԥсны аенергетика апроблемақәа

Аԥсуа ҳазалхыҩцәа амаининг хархәагақәа аҳәаа рахыгара аԥдырҟәҟәааит

7
(ирҿыцуп 18:42 22.01.2021)
Акриптовалиута аиуразы амаининг азы аусурақәа Аԥсны иахьаҵанакуа иаанкылоуп 2021 шықәса рашәарамза акы азынӡа Аминистрцәа реилазаара аусԥҟа инақәыршәаны, иара абри аамҭазы азин ыҟам амаининг хархәагақәагьы ареспубликахь ралагалара.

АҞӘА, ажьырныҳәа 22 - Sputnik. Аԥсуа ҳазалхыҩцәа амаининг хархәагақәа быжьба аҳәаа рахыгара аԥдырҟәҟәааит ҳәа аанацҳауеит Аԥсны Аҳазалхратә еилакы.

"Ажьырныҳәа 19 2021 шықәсазы аҳазалхратә хылаԥшра азонаҿы аҳазалхырҭатә ҭыԥ "Ԥсоу" амаҵзурауаҩ иааникылеит автотранспорттә хархәага, Урыстәылатәи Афедерациа атәылауаҩ зыԥсҟы икыз. Автомашьына агәаҭараан аидараҭраҿы иԥшаан Аԥсны залагалара азин ыҟам амаининг хархәагақәа быжь-цырак", - ҳәа аҳәоит Аԥсны АЕ адырраҭараҿы.

Абри административтә зинеилагара аганахьала аус нашьҭуп Аԥсны Аҳәынҭқарра Аҳазалхратә еилакы аҳазалхратә ҭҵаарақәа рыҟәшахьы.

Иара убас шәаԥхьар ҟалоит:

7