Отличительный знак сотрудников МВД Абхазии

Автотуристцәа ирышьҭашәарыцо: Бжьаниа аоперативтә експериментқәа мҩаԥгатәуп иҳәеит

17
Аԥсны аҩнуҵҟатәи аусқәа рминистр Дмитри Дбар имоу адыррала, иахәҭамкәа аԥсшьаҩцәа ртранспорттә хархәагақәа раанкылара русура иамхуп хҩык Аҳәынҭавтоинспекциа аусзуҩцәа, 15-ҩык алеишәатә ԥарахьырхәра рықәҵоуп.

АҞӘА, нанҳәа 19 – Sputnik, Сариа Кәарцхьиаԥҳа. Аԥсны ахада Аслан Бжьаниа аиҳабыра реилатәараҟны адҵа ҟаиҵеит "автотуристцәа ирышьҭашәарыцо" раарԥшразы аоперативтә експериментқәа мҩаԥыргарц азы.

"Автотуристцәа ирышьҭашәарыцо еиҳарак ацәгьоуцәа ракәу Аҳәынҭавтоинспекциа аусзуҩцәа ракәу", - ҳәа азҵаара ықәиргылеит Бжьаниа.

Аԥсны аҩнуҵҟатәи аусқәа рминистр Дмитри Дбар аусбарҭа аусуразы аҳасабырба ҟаиҵеит. Иара иажәақәа рыла, нанҳәа 1 инаркны, аурыс-аԥсуа ҳәаа аартуижьҭеи, аԥсшьаҩцәа рганахьала ацәгьоурақәа 12 ҭаҩуп, уи иартәоит 27,9% ацәгьоурақәа рзеиԥш хыԥхьаӡараҟынтәи. Зынӡа ацәгьоурақәа хәба аарԥшуп, урҭ рахьтә ҩба - ибааԥсу цәгьоурақәоуп.

"Урыстәылатәи Афедерациаҟынтәи иааны зыԥсы зшьо ауаа ртранспорттә хархәагақәа иахәҭаӡамкәа раанкылара ахҭыс иазку Аҩнуҵҟатәи аусқәа рминистр идҵа анагӡаразы хҩык аусзуҩцәа русура иамхуп, 15-ҩык алеишәатә ԥарахьырхәра рықәҵоуп, есымша агәаҭарақәа мҩаԥысуеит, есыҽны ареспубликатә трассахь ҳусзуҩцәа цоит, уа зусура ишақәнагам иназыгӡо Аҳәынҭавтоинспекциа аусзуҩцәа раарԥшразы аусмҩаԥгатәқәа нарыгӡоит", – иҳәеит Дбар.

Аслан Бжьаниа атуризм азы аминистр Ҭеимураз Хышба адҵа ииҭеит аҩнуҵҟатәи аусқәа рминистр аоперативтә експериментқәа рымҩаԥгараҟны ацхыраара ииҭарц.

"Аҩнуҵҟатәи аусқәа рминистр аоперативтә експериментқәа рымҩаԥгараҟны ацхыраара иҭатәуп, аԥҟарақәа еилазго раҳасабала ауаа адгалатәуп, иаҭаххаргьы, иаанкылатәуп, документалла зегь шьақәырӷәӷәатәуп. Ауаажәларра ирдыруазароуп уи шбаша цәажәарам, ҳзықәныҟәо аԥҟарақәа шракәу", – ҳәа иаҵшьны иҳәеит ахада.

 

 

17
Гурам Шоуа

Раионк аԥсҭазаараҟынтә: Шьоууа авирус змоу рзы ахәышәтәырҭақәа рҿы аҭыԥқәа раартразы

6
(ирҿыцуп 19:22 22.09.2020)
Гәылрыԥшьтәи арратә госпиталь аҳақьым хада Гәырам Шьоууа арадио Sputnik аефир аҿы еиҭеиҳәеит акороновирус змоу рзы Агәыӡера ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Шьоуа авирус змоу рзы ахәышәтәырҭақа рҿы аҭыԥқәа раартразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра уҳәа убас. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Ари ачымазара зыхьуа ҳзаанагоит, урҭ ҳрыхәаԥшуеит нас ишахәҭоу аҭыԥ иқәаҳҵоит, шьоукы аҩныҟа, шьоукы – Гәдоуҭаҟа, аха уи анализқәа рҭак анҳаулак ашьҭахь. Ахәышәтәырҭа атерапиа аҟәшаҿы архиара ҳаҿуп 40-ҩык рҭыԥ ари ачымазара зыхьуа рышьҭаҵаразы, аха макьана хаз аҟәша аашәырты ҳәа адҵа ҳмоуӡац. Иахьазы дҵас иҳамоу: ачымазаҩцәа ашоура змоу, Агәыӡера рыдкылара, нас ишахәҭоу аус рыдулароуп. Ахәышәтәырҭаҿы акоронавирус аҟынтә иахьазы анализ аҭак иазыԥшу ҳәа аӡәгьы дыҟам, зегьы аҩны итәоуп. Дара есымша аҭел ҳарзасуеит, рҭагылазаашьа еилаҳкаауеит. Анализ аҭак анааилак нас рыхәшәтәразы даҽа мҩак ылаҳхуеит. Аҩны рҽырхәышәтәуеит 16-ҩык рҟынӡа", - ҳәа еиҭеиҳәеит Шьоууа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6

Акоронавирустә хҭыс ҿыцқәа даҽа 59 азгәаҭоуп Аԥсны

12
(ирҿыцуп 20:08 22.09.2020)
Иахьатәи аамҭазы Аԥсны иахьаҵанакуа акоронавирус 1054-ҩык ишрыхьхьоу аарԥшуп. Урҭ рахьтә 311-ҩык апациентцәа ргәы бзиахеит, быжьҩык акоронавирус зыхьуаз рыԥсҭазаара иалҵит.

АҞӘА, цәыббра 22 – Sputnik. Аԥсны даҽа 59-ҩык акоронавирус рцәа ишалаз аадырԥшит ҳәа аанацҳауеит Ауааԥсыра акоронавирус рацәыхьчаразы аоперативтә штаб. 

"Цәыббра 22 рзтәи адыррақәа рыла, иҳаҩсыз уахыки-ҽнаки рзы игәаҭан 198-ҩык ауааԥсыра, урҭ рахьтә адиагноз COVID-19 рзышьақәдырӷәӷәеит 59-ҩык", - ҳәа аарыцҳауеит аоперштаб аҟынтәи.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 98-ҩык апациентцәа, дара зегьы ари адиагноз рзышьақәырӷәӷәоуп, рҭагылазаашьа хьанҭоуп быжьҩык, ибжьаратәуп 31-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау