Аԥсны асанитартә-епидемиологиатә маҵзура даҽа COVID-лабораториак аанартыр ауеит

12
(ирҿыцуп 17:59 20.08.2020)
Ставропольтәи аҿкыҿагыларатә институт аҟынтә гәыԥҩык амедикцәа Аԥсныҟа иааит ареспубликатә санитартә-бактериологиатә лабораториа аҟны аус зуа рколлегацәа ирыцхраарц.

АҞӘА, нанҳәа 20 - Sputnik. Аԥсны ргәы иҭоуп аҩбатәи асанитартә-бактериологиатә лабораториа аԥҵара Гагра, ма Пицунда – аԥсшьаҩцәа реиҳа иахьырацәоу араион аҟны ҳәа адырра ҟанаҵоит Аԥсны Агәабзиарахьчара аминистрра апресс-маҵзура.

Абыржәтәи аамҭазы абри аҩыза алабораториа аԥҵаразы лшарақәас иҟоу ҭырҵаауеит Ставропольтәи аҿкыҿагыларатә институт аҟынтә иааз аспециалистцәа: акоронавирустә чымазара ҿкы адиагностика аҟаҵаразы ауада ҿыцқәа ылырхуеит, насгьы урҭ русураҿы ирҭаху амаҭәахәқәа рсиа шьақәдыргылоит.

"Ҳәарада, иаҭахны иҟалеит алабораториа аусураҿы ма аҩбатәи ацәаҳәа аԥҵара, мамзаргьы иакзаҵәыкны иҳамоу алабораториа аус убас еиԥш аиҿкаара, уахыки-ҽнаки рыла 100-140 ҭҵаара рымҩаԥгара алшартә. Иахәҭоу аҵара змоу аперсонал ҳамоуп, иаҳҳәап иара Ареспубликатә хәышәтәырҭа аҟынтәгьы. Убри азоуп аусурҭа ҭыԥ ҿыцқәа заԥаҳҵогьы, абри алабораториаҿы еиҳаны агәаҭарақәа мҩаԥыргартә иҟаларц ", - ҳәа ҳаиллыркааит асанитартә ҳақьым хада Лиудмила Скорик. 

Урыстәылатәи амедикцәа иаҭахны иҟоу амаҭәахәқәа рсиа шьақәдыргылоит, ПЦР-диагностика аҩбатәи ацәаҳәа аартреи апероснал рҵара аиҿкаареи рзы.

"Уажәы аурыс ԥсшьаҩцәа ахьааз инадҳәаланы, ҳлабораториа иадҵаало иалагеит аррамаҵзурауаагьы, урҭгьы ас еиԥш иҟоу аҭҵаарақәа рҭахуп. Убри азоуп арҭ аспециалистцәа ҳтәылахь изаашьҭызгьы", - лҳәеит Лиудмила Скорик.

Акоронавирус здырбало рхыԥхьаӡара есааира иахьацло амшала, алабораториа аусура еиҳа-еиҳа иуадаҩхоит, аспециалистцәа разымхара анырра ҟанаҵоит. Урыстәылатәи аепидемиологцәа рыцхыраара абзоурала – урҭ шааз еиԥшҵәҟьа аԥсуа лаборантцәа ирывагыланы аусура нап адыркит – имҩаԥысуа аҭҵаарақәагьы рхыԥхьаӡара иацлеит.

"Игәашәымҭеи шәаргьы, аҵыхәтәантәи амшқәа рзы 70-100 ҭҵаара рцымхәарас 140-170 рҟынӡа мҩаԥаҳгоит. Убри зыбзоуроу Ставропольтәи ҳколлегацәа рааԥсара ахьҳадырҵо ауп", - ҳәа азгәалҭеит Скорик. 

Аԥсны аус зуа иакзаҵәыку абактериологиатә лабораториа аусушьа ахә ҳаракны иршьеит урыстәылатәи аспециалистцәа, уи аибыҭашьеи алшарақәеи ҳаракӡоуп ҳәагьы ахырҳәааит.  

"Алабораториа иара иазку аԥҟарақәа зегьы ирықәшәоит, аха ишысҳәахьоу еиԥш, уи аусура ырҭбаатәуп, аԥсшьаҩцәа рхыԥхьаӡара иахьацлаз азы. Убри аҟнытә ҳара иҭаҳҵаауан алаборатортә диагностика арҭбааразы лшарақәас иҟоу, уи азы иаҭаху амаҭәахәқәа рзы абжьгарақәа ҟаҳҵеит, иара убас акоронавирустә ҿкы адиагностика ахьыҟаҵалахо ауадақәа алхын", - ҳәа еиҭалҳәеит Ставропольтәи аҿкыҿагыларатә институт алабораториа аиҳабы Диана Русанова.

Ставропольтәи аҿкыҿагыларатә институт аҟынтә иааз урыстәылатәи авирусологцәеи аепидемиологцәеи ргәыԥ Аԥсны иаанхоит ҳазҭоу амза нҵәаанӡа.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау (724)

Аԥсны уахыки-ҽнаки рыла иаарԥшу акоронавирустә хҭысқәа 70 инареиҳауп

1
(ирҿыцуп 19:36 30.09.2020)
Иахьазы Аԥсны иахьаҵанакуа иаарԥшу акоронавирустә хҭысқәа рхыԥхьаӡара 1458 ыҟоуп. Ргәы бзиахахьеит 530-ҩык, жәеизаҩык рыԥсҭазаара иалҵит.

АҞӘА, цәыббра 30 – Sputnik. Аԥсны иҳаҩсыз уахыки-ҽнаки рыла акоронавирус зыхьуа рхыԥхьаӡара даҽа 71-ы рыла еиҳахеит ҳәа аанацҳауеит Ауааԥсыра акоронавирус рацәыхьчаразы аоперативтә штаб.

"Иҳаҩсыз уахыки-ҽнаки рыла акоронавирустә инфекциа амазааразы игәаҭан 289-ҩык атәылауаа, урҭ рахьтә адиагноз COVID-19 рзышьақәыргылан 71-ы", - ҳәа аанацҳауеит аоперштаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 138-а апациентцәа, урҭ рахьтә COVID-19 адиагноз рзышьақәырӷәӷәоуп 132-ҩык, рҭагылазаашьа хьанҭоуп 12-ҩык, ибжьаратәуп 29-ҩык. Илҩаауп 12-ҩык апациентцәа. Аҩны зҽыԥхьакны итәаз рахьтә ргәы бзиахеит 25-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

1
Атемақәа:
Ачымазара ҿкы – акоронавирус Аԥсни адунеи аҿи: иалкаау (724)

Ажьиԥҳа: аҵыхәтәантәи ажәыларақәа шьала икәабан, ҳгәырӷьарызу, ҳҵәыуарызу ҳаздыруамызт

24
(ирҿыцуп 18:55 30.09.2020)
Тҟәарчал араион акультура аҟәша аиҳабы Рита Ажьиԥҳа арадио Sputnik аефир аҿы еиҭалҳәеит Аиааира амш араион аҿы ишазгәарҭаз, илгәалалыршәеит 27 шықәса раԥхьа ажәабжь шлаҳаз атәы.
Раионк аԥсҭазаараҟынтә: Ажьиԥҳа Аиааира амш азы

"Ҳара зегьы Тҟәарчал ҳаҟан, сентиабр 30 шааигәахоз агәра ҳгахьан, аҵыхәтәантәи астратегиатә жәалырақәа ҳгәыӷрақәа зегьы рыдҳәалан. Сентиабр 16 инаркны есыҽны ахәышәтәырҭаҿы ҳгылан, избанзар ҳаҷкәынцәа зегьы аӡәаӡәала иԥсны иааргон. Уажәы-уажә иҟаларызеишь ҳәа ҳгәы хыҭхыҭуан, аиааира агәра шаҳгозгьы, ҳҵәыуо ҳгылан. Аҵыхәтәантәи ажәыларақәа убысҟак шьала икәабан, ҳгәырӷьарызу, ҳҵәыуарызу ҳзымдыруа. Ҳалаӷырӡи ҳаччаԥшьи еилаҭәо иҟаз мшқәан, еиҳарак аҵыхәтәантәи ахымш, цәыббра 27 инаркны 30-нӡа", - ҳәа еиҭалҳәеит Ажьиԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Чхебелиаԥҳа: амза 27 нахысгьы Егры ҳнеиаанӡа иҭахаз аҷкәынцәа рацәоуп

24