Аслан Бжания встретился с первым замминистра экономразвития России

Аимпульс ҿыц: Аслан Бжьаниа дидикылеит Михаил Бабич

16
(ирҿыцуп 09:27 21.08.2020)
Урыстәыла аекономикатә ҿиара аминистр актәи ихаҭыԥуаҩ Михаил Бабич усуратә ныҟәарала Аԥсны даҭааит.

АҞӘА, нанҳәа 21 – Sputnik. Аԥсны ахада Аслан Бжьаниа дидикылеит Урыстәыла аекономикатә ҿиара аминистр актәи ихаҭыԥуаҩ Михаил Бабич аԥшьаша, нанҳәа 20 рзы. 

Аиԥылара аартуа, Бжьаниа агәыӷра ааирԥшит Михаил Бабич иаара уаанӡа изныкымкәа алацәажәара заухьаз азҵаарақәа аимпульс ҿыц рынаҭап ҳәа.

"Ҳара иаарту ацәажәара ҳазыхиоуп, сгәыӷуеит ҳаиԥылара иалҵшәаны зҵаарақәак аимпульс ҿыц роуеит ҳәа. Ҳҿаԥхьа иқәҳаргылаз ахықәкы шынаӡо агәра ганы сыҟоуп, иҵегь изныкымкәа уи азы аиқәшәареи аицәажәарақәеи аҭаххаргьы", - иҳәеит Аслан Бжьаниа.

Урыстәыла аекономикатә ҿиара аминистр актәи ихаҭыԥуаҩ атәыла ахада иҭабуп ҳәа иеиҳәеит ари аиԥылара ахьалыршахаз азы.

"Рацәак ҵуам Москва ҳаиқәшәеижьҭеи, ҳколлегацәеи ҳареи иааиԥмырҟьаӡакәа ҳаимадоуп, уа ҳазлацәажәоз азҵаарақәа зегьы аӡбара иазыхиоуп – Аинвестициатә программагьы, апроекттә-сметатә документациа афинанс азоужьрагьы. Иахьа ҳара ҳарҭааны иаҳбеит Аинвестпрограмма иалоу аобектқәа ԥыҭк, еиуеиԥшым агәалаҟара ҳауит. Ҳахәаԥшит афонҿыцтәи ашколгьы – даара иаҳгәаԥхеит", - иҳәеит Михаил Бабич.

Убри аан иара иазгәеиҭеит ишыҟоу макьана иҵегь еиқәыршәатәу аобиектқәагьы – ашколқәеи ахәыҷбаҳчақәеи.

"Ҳколлегацәеи ҳареи ҳаицәажәеит арҭ аобиектқәа ирзоужьу аԥара иацҵазарц, ирыгу амаҭәахәқәа раахәаразы, анаҩс цәыббра акы инаркны ашколқәеи ахәыҷбаҳчақәеи аусура иалагарц. Убас егьырҭ шәареи ҳареи ҳзы хра злоу азҵаарақәагьы еснагь ҳрызҿлымҳауп", - иҳәеит иара.

Михаил Бабич иазгәеиҭеит аԥеиԥш ду шамоу Аԥсны атуризм аҿиара иазку апотенциалтә программа, Аслан Бжьаниа усуратә ныҟәарала Москва даныҟаз излацәажәоз.

Аԥсны ахада иазгәеиҭеит Михаил Бабич иаара аламҭалазы Аинвестпрограмма анагӡара азҵаара иазкыз аилатәара шымҩаԥгаз. Ахада иҳәеит Аԥсназы ари азҵаара аҵак ду шамоу, избан акәзар ари аус ииашаҵәҟьаны ҳтәыла ацхыраара ду анаҭоит.

Иара убас шәаԥхьар ҟалоит:

16
Кобахьиа Лаврик Амқәаб изы: агәаӷь змаз, пату зқәыз еибашьҩын

Кобахьиа Лаврик Амқәаб изы: агәаӷь змаз, пату зқәыз еибашьҩын

2
(ирҿыцуп 19:44 24.09.2020)
Иԥсҭазаара далҵит Аԥсны Афырхаҵа Лаврик Амқәаб. Аибашьраан Тҟәарчалтәи аполк адҵаҟаҵаҩыс иҟаз аибашьҩы арадио Sputnik аефир аҿы дигәалаиршәоит Аԥсны Афырхаҵа Аслан Кобахьиа.

 

Кобахьиа Лаврик Амқәаб изы: агәаӷь змаз, пату зқәыз еибашьҩын

Атәыла раԥхьатәи ахада Владислав Арӡынба Аԥсны Афырхаҵа ҳәа ахьӡ ду иабалак ириҭомызт ҳәа азгәеиҭеит Кобахьиа аиҿцәажәара алагамҭаз.

"Иара деибашьуан Мрагыларатәи афронт аҿы, Тҟәарчалтәи аполк командирс даман. Тҟәарчалаа ирылшаз рацәоуп аибашьраан, уи баша-маша далырхуамызт аполк еиҳабыс. Аибашьраҿы агәаӷь змаз, пату зқәыз аибашьҩы иакәын. Иареи сареи ҳаибадырит Егры ацҳаҿы Аиааира амш аҽны, убри аахыс аиҩызара ҳабжьан. Аибашьра ашьҭахь акыраамҭа Гал араион аус еицаҳаухьан. Иара аӷьеиҩҳәа иҟаз аԥсуа ҷкәына бзиа иакәын", - ҳәа иҳәеит Кобахьиа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

2

Аԥснытәи аҵарауааи Нхыҵ-Кавказтәи ауниверситети аусеицуразы еилацәажәеит

28
(ирҿыцуп 19:09 24.09.2020)
Нхыҵ-Кавказтәи афедералтә университет аусзуҩцәа рделегациа Аԥсны усутә ныҟәарыла иаҭааит.

АҞӘА, цәыббра 24 – Sputnik, Асмаҭ Ҵәыџьԥҳа. Нхыҵ-Кавказтәи афедералтә университет аусзуҩцәеи Аԥсны Аҭҵаарадыррақәа ракадемиа аусзуҩцәеи реиԥылара мҩаԥысит Аҟәа, цәыббра 24 рзы.

Аԥсны Аҭҵаарадыррақәа ракадемиа ахада Зураб Џьапуа иажәақәа рыла, рколлегацәа раара хықәкыс иамоуп Аԥсны Аҭҵаарадыррақәа ракадемиа аусуреи аиҿкааратә структуреи реилкаареи Нхыҵ-Кавказтәи афедералтә университети Аԥсны Аҭҵаарадыррақәа ракадемиеи русеицура алацәажәареи.

Ԥхьаҟатәи аусеицура аԥеиԥшқәа дрылацәажәо, Џьапуа иазгәеиҭеит Аԥсны агеографиатә ҭагылазаашьеи аҳауатә ҷыдареи ареспублика аексперименттә ҭҵаарақәа рзы иҭыԥ бзианы ишыҟарҵо. Иара игәаанагарала, Аԥсны иалшоит ананотехнологиатә институти ареабилитациатә центри раԥҵара.

"Ҳара ҳхырхарҭақәа ирхадароу аинырра акурси аусеицуреи роуп. Асовет аамҭазы иҟаз аҭҵаарадырратә усҳәарҭақәа ирымаз аимадарақәа зегь реиқәырхара залмыршахеит. Дара еиԥҟьеит СССР анеилаҳа ашьҭахь, Аџьынџьтәылатә еибашьра иахҟьаз аполитикатәии аекономикатәии ҭагылазаашьақәа рышьҭахь, Урыстәыла Аҭҵаарадыррақәа ракадемиа ареформақәа рышьҭахь. Убри азы ирацәоуп изызхәыцтәу, иҟаҵатәу", - иҳәеит иара.

Нхыҵ-Кавказтәи ауниверситет аректор Дмитри Беспалов иҳәеит ауниверситет ишазԥхьагәанаҭо "аԥеиԥш змоу ахырхарҭақәа аус рыдулара".

"Ҳара иахьа Аҭҵаарадыррақәа ракадемиа ҳаҭааит ԥхьаҟатәи аусеицуразы апланқәа ҳрылацәажәарц. Ҳуниверситет азыхиоуп Аԥсны Аҭҵаарадыррақәа ракадемиеи иареи афизика, ахимиа, ананотехнологиақәа, агротехнологиақәа, афатәаалыҵ атехнологиақәа, аполитологиа русхк аҟны аусеицура. Аԥсны агеографиатә ҭагылазаашьа ҷыда инадҳәаланы иалшоит иаԥҵахар атуризм, амедицина, ареабилитологиа русхк иатәу ацентр аԥҵара", - иҳәеит иара.

Нхыҵ-Кавказтәи ауниверситет аԥҵан 2012 шықәса рзы - Нхыҵ-Кавказтәи аҳәынҭқарратә техникатә университет, Ставропольтәи аҳәынҭқарратә университет, Пиатигорсктәи аҳәынҭқарратә гуманитар-технологиатә университет рышьаҭала.

Нхыҵ-Кавказтәи афедералтә университет ахь иаҵанакуеит: агуманитартә, анџьныртә, азиндырратә, аматематикеи аинформациатәи технологиақәа, Адгьыл азы аҭҵаарадыррақәа, аҵареи асоциалтәи ҭҵаарадыррақәа, аекономикеи анапхгареи, асервис, атуризми адизаини, афизика-техникатәи, ахимиа-фармацевтикатәи факультетқәеи арра-ҵаратә центри.

Иара убас шәаԥхьар ҟалоит:

28