Аҟәа Ақалақьтә еизара ахантәаҩ ҿыц далхуп

© Sputnik Бадрак АвидзбаДмитрий Маршания
Дмитрий Маршания - Sputnik Аҧсны
Анапаҵаҩра
Уаанӡа Аҟәа Ақалақьтә еизара ахантәаҩыс дыҟан Константин Ԥлиа, иара Гал араион ахада инапынҵақәа рынагӡаҩыс даҭан ԥхынгәы 21 рзы.

АҞӘА, нанҳәа 22 - Sputnik. Дмитри Маршьан Аҟәа Ақалақьтә еизара ахантәаҩыс далхуп, абри атәы аанацҳауеит аҳҭнықалақь ахадара асаит.

Маршьан аизара ахантәаҩыс дыҟазаауеит Ақалақьтә еизарахь изаамҭанытәиу аизарақәа мҩаԥыргаанӡа, урҭ 2020 шықәса абҵарамзазы иҟалароуп.

Город Гал  - Sputnik Аҧсны
Гал араион ахада инапынҵақәа наигӡалоит Константин Ԥлиа

Дмитри Маршьан диит 1989 шықәсазы. Далгеит Н.А. Лакоба ихьӡ зху Аҟәатәи абжьаратә школ №10. Москва, Урыстәылатәи аҳәынҭқарратә економикатә университет адунеитә економика афакультет доушьҭымҭоуп.

2012 - 2014 шықәсқәа рзы Аҟәа ақалақь ахадара Аекономикеи азԥхьагәаҭареи русбарҭаҟны аус иуан.

2014 - 2015 шықәсқәа рзы – Аԥсны аԥыза-министр ицхырааҩ. 2015 шықәсазы – Аԥсны Апарламент адепутат ицхырааҩ. 2015 шықәса инаркны ИАЕ "Маҷара-Сервис" адиректор хада ихаҭыԥуаҩс дыҟан. 2020 шықәсазы далгеит Аԥснытәи аҳәынҭқарратә университет аҭоурыхтә факультет.

Аҟәа Ақалақьтә еизара - Аҟәа ақалақь аҭыԥантәи ахаланаԥхгара ахаҭарнакратә усбарҭоуп. Уи иалоуп 26-ҩык адепутатцәа. Дара ҿҳәарала ԥшьышықәса ҳәа иалырхуеит.

Ақалақьтә еизара ахантәаҩы адепутатцәа далырхуеит, имаӡоу абжьыҭара мҩаԥганы, ҿҳәарала адепутатцәа рмандат ахьынӡаҟоу. Ахантәаҩы имаҵурахьы акандидатура адепутатцәа иқәдыргылар ҟалоит.

Иара убас шәаԥхьар ҟалоит:

  • Аҟәа ақалақьтә еизара Беслан Ешба аҳҭнықалақь ахадас дшьақәнарӷәӷәеит

Ажәабжьқәа зегьы
0