День знаний в 2-ой средней школе

Аҵара аминистр идҵа: аԥсуа хәыҷқәа аԥсуа школқәа рахь мацара ирыдыркылароуп

33
(ирҿыцуп 16:38 23.08.2020)
Егьырҭ амилаҭқәа рхәыҷқәа иахьырҭаху ашколқәа рахь ирыдыркылар ҟалоит, аԥсуа школқәа рахьгьы убрахь иналаҵаны.

АҞӘА, нанҳәа 23 - Sputnik, Сариа Кәарцхьиаԥҳа. Аԥсны аҵареи абызшәатә политикеи рминистр Инал Габлиа инапы аҵаиҩит иаԥсыуаау ахәыҷқәа иаԥсыуам ашколқәа рахь рыдкылара ҟалом ҳәа зҳәо адҵа. Абри атәы Sputnik акорреспондент илзеиҭарҳәеит аминистрра апресс-маҵзура.

Адҵаҟны ҷыдала иануп иаԥсыуаау ахәыҷқәа иаԥсыуам ашколқәа рахь рыдкылара аанкылазааит 2020 шықәса нанҳәамза 20 инаркны ҳәа.

Апресс-маҵзураҿы излазгәарҭаз ала, ари адҵа ахықәкқәа ҩба амоуп:

  • аԥсуа бызшәа астатуси аҩаӡареи рышьҭыхра;
  • акоронавирустә инфекциа аҿиараан аурыс школқәа рҟны аҵаҩцәа рхыԥхьаӡара армаҷра.

"Асанитартә ҳақьым хада иҟалҵаз абжьгарақәа инарықәыршәаны, аклассқәа рҟны аҵаҩцәа рхыԥхьаӡара 20-ҩык иреиҳамзароуп. Ишаадыруа ала, ақалақьқәа рҟны аурыс школқәа роуп еиҳарак иҭәу. 600-ҩык иреиҳамкәа аҵаҩцәа аҵара ахьырҵаша аҭыԥан 1000-1200-ҩык ҭоуп. Убри азы урҭ аурыс школқәа ҳрызхәыцроуп", - рҳәеит апресс-маҵзураҿы.

Аҵара аминистрраҿы иара убас иазгәарҭеит аԥсуа школқәа ахьыҟам араионқәагьы шыҟоу. Урҭ иреиуоуп Гәылрыԥшь араион. Убри инамаданы аԥсуа хәыҷқәа аԥсуа секторқәа рзаартны уахь ирыдыркылалоит.

Аԥсны аҵаратә усбарҭақәа зегьы рҟны аҵаратә процесс цәыббра 1 инаркны иалагап ҳәа ргәы иҭоуп.

Иара убас шәаԥхьар ҟалоит:

33

Аслан Бжьаниа Аԥсны ауааԥсыра Аҟәа ахақәиҭтәра амш рыдиныҳәалеит

5
(ирҿыцуп 20:27 27.09.2020)
Аԥсны Аҳәынҭқарра аҳҭнықалақь Аҟәа ақырҭуа мпыҵахалаҩцәа рҟынтә ахы иақәиҭтәын 1993 шықәса, цәыббра 27 рзы.

АҞӘА, цәыббра 27 - Sputnik. Аԥсны ахада Аслан Бжьаниа иуаажәлар ирыдиныҳәалеит Аҟәа ахақәиҭтәра амш ҳәа адырра ҟанаҵеит атәыла ахада ипресс-маҵзура.

День освобождения Сухума 27 сентября 1993 года
© Фото : предоставлено Госмузеем Абхазии

"Ишәдысныҳәалоит ҳаҳҭнықалақь ахақәиҭтәра 27 шықәса ахыҵра! 1993 шықәса, цәыббра 27 – Аԥсны Аџьынџтәылатә еибашьра аҭоурых аҟны хьӡи-ԥшеи змоу, ифырхаҵаратәу амшқәа иреиуоуп. Абри аҽны ақырҭуа мпыҵахалаҩцәа ықәцаны Аҟәа ахақәиҭтәрала ихыркәшахеит 11 мшы ицоз аԥсуаа ржәылара. Ҳаҳҭнықалақь иахашәыршәырит аԥсуа бираҟ, ҳархәҭақәа рымҩа ԥхьаҟа иацырҵеит Аԥсны аҵакыра зегьы ахы иақәиҭыртәырц", - ҳәа аҳәоит атәыла ахада иадныҳәалараҿы

Аслан Бжьаниа Аҟәа аизҳареи ашәҭыкакаҷреи азеиӷьишьеит.

1993 шықәса, цәыббра 27 рзы аԥсуа ар Аҟәа агәы иалалеит, асааҭ 15:30 рзы Аԥсны Аҳәынҭқарра абираҟ Совмин ахыбра иахашәыршәыруан, аҳҭнықалақь ахы иақәиҭтәын.

Иара убас шәаԥхьар ҟалоит:


 

5

Арӡынба: Аԥсны азакәан амч ӷәӷәахар, Ҭырқәтәылантәи нхара иаауа ҳауаажәлар рацәахоит

3
(ирҿыцуп 19:37 27.09.2020)
Ҭырқәтәылантәи забдуцәа рџьынџь ахь нхара ихынҳәыз Аҟәа араион Ачадара акыҭаҟны инхо Раҳми Арӡынба арадио Sputnik аефир ала ицо арубрика "Раионк аԥсҭазаараҟнытә" аҿы еиҭеиҳәеит Аԥсны инхашьа-ибзазашьа атәы.
Раионк аԥсҭазаараҟынтә: Арӡынба Ачадара ақыҭаҟны ибзазашьа атәы

"… Зны сҩызак Ҭырқәтәылантә даан ус сеиҳәеит: "Ақыҭаҟны унхоит, арахь акәтаӷь умаӡам, аӡәы дузааиргьы ирҿоумҵои, узлақыҭауаҩи акәты умамзар?" - ҳәа. Абас сеиҳәан, сирԥхашьеит. Акәтааӡара сыздыруам анысҳәа, уи азы аҵара аҭалара аҭахым иҳәеит… Нас саалаган аинкубатор аазгеит Ҭырқәтәылантәи, акәытқәа анысҵеит… Аԥсназы ухы иаурхәозар иҟауҵо аус ыҟоуп. Уаҳа акгьы узыҟамҵозар, ахш узҭо ажә ааухәаргьы – уабоит. Иугәамԥхо аус ауп иуадаҩу, иуҭахымкәа иҟауҵо", - иҳәеит Арӡынба.

Ҭырқәтәылеи Аԥсныи ақыҭаԥсҭазаашьа еиҿырԥшуа иазгәеиҭеит аашьаҩцәа зегьынџьара ишеиԥшу. Раҳми еиҭеиҳәеит амедицинатә цхыраара аниҭаху иахьиоуа атәы, иара убас Ҭырқәтәыла инхо аԥсуаа арахь нхара раара иаԥырхагоу ҳәа ииԥхьаӡо атәы.

Шәазыӡырҩы аудио.

Иара убас шәаԥхьар ҟалоит:

3