Кабинет министров республики Абхазия

Аԥсны Аконституциатә ӡбарҭа адепутатцәа рықәратә ценз ацҵара иазыразхеит

17
(ирҿыцуп 10:30 24.08.2020)
Аԥсны Апарламент Аконституциатә ӡбарҭа иадҵаалеит "Аԥсны Аҳәынҭқарра Аконституциахь аиҭакрақәа ралагаларазы "Адепутатцәа рықәратә ценз азы" азакәан апроект Аконституциа иахьынӡақәшәо аилкааразы.

АҞӘА, нанҳәа 24 - Sputnik. Аԥсны Аконституциатә ӡбарҭа "Аԥсны Аҳәынҭқарра Аконституциахь аиҭакрақәа ралагаларазы "Адепутатцәа рықәратә ценз азы" азакәан апроект Аконституциа 7-тәи ахәҭа аԥҟарақәа ирышьашәалоуп ҳәа иазханаҵеит, абри атәы аарыцҳауеит аӡбарҭа асаит аҟны. 

Адепутатцәа ари аус азы иадҵааларц рыӡбеит, избанзар атәыла азакәанԥҵаратә усбарҭа хадахьы иалырхуа, азакәанԥҵаратә усура анагӡара знапы ианыло ауаа депутатс рыҟаларазы закәанԥҵарала ишьақәыргылоу 25 шықәса инадыркны ҳәа ақәратә ценз азхом ҳәа рыԥхьаӡеит азоуп.

Аиҭакра инақәыршәаны, Жәлар Реизара адепутатцәа рзы ақәратә ценз 30 шықәса рҟынӡа инахазар ауеит, Аконституциеи атәылауаа рпассивтә алхратә зини еиламгакәа.

"Аҳәынҭқарра адемократиаә механизм хадақәа, ауаҩи атәылауаҩи рзинқәеи рхақәиҭрақәеи еилазымго аконституциатә принципқәа азакәанԥҵаҩ илдыршоит атәыла азакәанԥҵаратә усбарҭахь акандидат ипассивтә алхратә зин аҟны ақәратә ценз аԥҟарақәа еиҭеикыр", - аҳәоит аӡбарҭа аӡбамҭаҟны.

Убри аан иазгәаҭоуп Аконституциатә ӡбарҭа аконституциатә риашарақәеи урҭ амч роушьа аԥҟарақәеи ахәшьара анрынаҭо азин азҵаарақәа роуп иаӡбо, даҽакала иуҳәозар, урҭ Аконституциа иақәшәо, иақәымшәо еилнакаауеит.

Иара убас шәаԥхьар ҟалоит:

17

Даҽа 46-ҩык Аԥсны атәылауаа акоронавирус рыдбалоуп

2
(ирҿыцуп 19:25 27.09.2020)
Иахьазы Аԥсны иахьаҵанакуа иаарԥшу акоронавирустә хҭысқәа рхыԥхьаӡара 1332 ыҟоуп. Ргәы бзиахахьеит 400-ҩык, жәҩык рыԥсҭазаара иалҵит.

АҞӘА, цәыббра 27 – Sputnik. Аԥсны иҳаҩсыз уахыки-ҽнаки рыла акоронавирус зыхьуа рхыԥхьаӡара даҽа 46-ҩык рыла еиҳахеит ҳәа аанацҳауеит Ауааԥсыра акоронавирус рацәыхьчаразы аоперативтә штаб.

"Иҳаҩсыз уахыки-ҽнаки рыла акоронавирустә инфекциа амазааразы игәаҭан 160-ҩык атәылауаа, урҭ рахьтә адиагноз COVID-19 рзышьақәыргылан 46-ҩык", - ҳәа аанацҳауеит аоперштаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-а апациентцәа, урҭ рахьтә COVID-19 адиагноз рзышьақәырӷәӷәоуп 117-ҩык, рҭагылазаашьа хьанҭоуп 14-ҩык, ибжьаратәуп 27-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау
Сезгин Чукуа

Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт иҵыхәтәантәихар шалшоз

6
(ирҿыцуп 18:51 27.09.2020)
Аԥсны жәлар рџьынџьтәылатә еибашьра аветеран, Агәымшәаразы амедал занашьоу Сезгин Чыӷә-иԥа арадио Sputnik аефир аҿы игәалаиршәеит 27 шықәса раԥхьа арҭ амшқәа рзы Аҟәа ахақәиҭтәраз ицоз ажәылара.
Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт, иҵыхәтәантәихар шалшоз

Сезгин раԥхьаӡа акәны Гагра анырга ашьҭахь Аԥсныҟа дааит, усҟан иара ихыҵуан 24 шықәса. Аибашьҩы иажәақәа рыла, Ҭырқәтәыла аррамаҵзура ашьҭахь ԥышәа хәыҷык иман, абџьар атәы идыруан.

"Аҟәа ахақәиҭтәразы ҳгәыԥ Каман ала раԥхьа ажәылара ҳалагеит, усҟан Гагратәи абаталион салан. Усҟан ауп данҭаха Баҳадыр Абыӷба, Ерқан Қәҭарба дырхәит, еиҭа быжьҩык раҟара аҷкәынцәа рхәит. Иҭахаз ҳаҷкәынцәа рыԥсра усҟан иаҳзеилкааӡомызт, урҭ рҵәыуара аха ҳамамызт, аибашьра цон. Нас аибашьра ашьҭахь ауп зегьы анеилаҳкаауаз, ҳгәы аныԥжәоз. Баҳадыри сареи ҳхәыҷаахыс ҳаибадыруан. Аибашьра нҵәоит сентиабртәи ажәылара ашьҭахь ҳәа ихасҵомызт, ус шаҟантә ҳцахьаз ажәылара, аха ҳаиааиуамызт. Нас аиааира ҳгеит, аибашьра нҵәеит ҳәа анырҳәа ихасҵомызт, агәра сызгомызт", - еиҭеиҳәеит аветеран.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6