Изышьҭазаауаз Урыстәыла атәылауаҩ Аԥсны аҳәааҟны дааныркылеит

9
(ирҿыцуп 15:58 24.08.2020)
Ахаҵа Урыстәылантәи Аԥсныҟа аҳәаа дахысуан агәаҭара-аушьҭратә ҭыԥ "Адлер" автомобилтә цәаҳәаҟны данааныркыла.

АҞӘА, нанҳәа 24 - Sputnik. Ашьҭазаара зхалаҳәоу Урыстәыла атәылауаҩ даанкылоуп Краснодартәи атәылаҿацә иатәу Афедералтә шәарҭадаратә маҵзура иатәу Аҳәаахьчаратә усбарҭа аусзуҩцәа, абри атәы аанацҳауеит аусбарҭа апресс-маҵзура.

Иааныркылаз ауаҩԥсы Урыстәыла Ашьаустә закәанеидкыла ахәҭаҷ 228 "Мҽхакы ҭбаала анаркотикатә маҭәашьарқәа изакәанымкәа реикәыршара" ахәҭа 2 аҟны иазгәаҭоу ацәгьоура иуит.

Иара ишьҭазааз аусбарҭа дрырҭеит ишьақәыргылоу аԥҟарала, уи иганахьала наҟ-наҟ иаҭаху ашьаусԥшааратә усмҩаԥгатәқәа нап рыларкуеит.

Иара убас иазгәаҭоуп 2020 шықәсазы аԥсуа-аурыс ҳәааҿы иҟоу агәаҭара-аушьҭратә ҭыԥқәа рҿы Аҳәаахьчаратә усбарҭа иаанарԥшхьеит афедералтә, жәларбжьаратә, аҳәынҭқаррабжьаратә шьҭазаара зхалаҳәоу 60-ҩык ахаҿқәа.

Иара убас шәаԥхьар ҟалоит:

9

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

11
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

11

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

7
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

7