Урыстәылатәи атәанчахәы Аԥсны арыҭара аграфик рыԥсахит

20
(ирҿыцуп 11:45 25.08.2020)
Аԥсны Аҵәахырҭатә банк атәылаҿы урыстәылатәи атәанчахәқәа рыҭара аграфик есымза еиқәнаршәалоит.

АҞӘА, нанҳәа 25 - Sputnik. Аԥсны Аҵәахбанк аҟны урыстәылатәи атәанчахәы рыҭара аграфик аҽаԥсахит, 1948-1952 шықәсқәа рзы ииз атәанчаҩцәа ртәанчахәы роуеит нанҳәа 25 инаркны, абри атәы иҳәеит Аҵәахбанк анапхгара ахантәаҩы ихаҭыԥуаҩ Беслан Гадлиа.

Убри адагьы абри амчыбжь азы Аԥсны аԥсшьарамшқәа хәба ҟалоит. Абанк аҿы изларҳәаз ала, Урыстәыла атәанчахәытә фонд ианаамҭоу атәанчахәы аханаԥхьаӡалоит, аха Аԥсны аԥсшьарамшқәа ахьыҟоу азы абанк аклиентцәа рымаҵ зауам, убри азы ауаа атәанчахәқәа нанҳәа 25 рзы, ма аԥсшьарамшқәа рышьҭахь иамырхыр ҟалоит.

"Аҵәахбанк ахаҭарнак уаанӡа АИХқәа аинтервиу анриҭоз иазгәеиҭеит атәанчаҩцәа ақәратә гәыԥқәа рыла еихшаны атәанчахәқәа ишрыҭахо, уи зыҟаҳҵаз аҟәшақәа рҟны агәаранқәа ҟамларазоуп", – иҳәеит Гадлиа.

Ишьақәдыргылаз аграфик инақәыршәаны, атәанчаҩцәа ақәратә гәыԥқәа ԥшьба рыла иршеит. Актәи акатегориа атәанчаҩцәа нанҳәа 17 рзы аԥара рзахыԥхьаӡалан, аха иазгәаҭаз аҿҳәаразы зԥара згаз 20% заҵәык роуп. Усҟан изгараны иҟаз иахьырымгаз азы егьырҭ амшқәа раан ауаа рацәаны иадҵаало иалагеит. Убри иахҟьаны аҟәшақәа рҿы аҭагылазаашьа арманшәаларц азы абанк анаҩс иааиуаз ахыԥхьаӡаларақәа нанҳәа 24 рҟынтәи нанҳәа 25 рахь иианагеит.

Убас ала, 1948-1953 шықәсқәа ирыҵаркуа атәанчаҩцәа ртәанчахәқәа роуеит нанҳәа 25 инаркны Аҵәахбанк акассақәа рҟны. 

Аҵәахбанк ахантәаҩы ихаҭыԥуаҩ иара убас иазгәеиҭеит аҿҳәарақәа шырԥсахызгьы, уеизгьы агәаранқәа шыҟац ишыҟоу.

"Агәаранқәа мзызс ироузар ҟалоит актәи акатегориахь иаҵанакуа атәанчаҩцәа аҿҳәарақәа рзы ианаамҭаз адырра рмоузар, мамзаргьы агәраргага аҟаҵара иахьымӡазар. Ари апроцесс иаарласны иухуго акәӡам, иагьымариам. Анотариалтә конторақәа рҿгьы агәаранқәа ыҟазаргьы ҟаларын. Ари аҭагылазаашьа уажәтәи аԥҟарала атәанчахәқәа раԥхьаӡа акәны иахьрыҭахо ауп изыхҟьо. Анаҩстәи амзақәа рзы ус еиԥш иҟаларым, иашьцылоит. Зегьы ҭышәынтәалахоит", – агәра ганы дыҟоуп Гадлиа.

Ԥхынгәы анҵәамҭазы Асоциалтә еиқәыршәареи адемографиатә политикеи рминистр Руслан Аџьба адырра ҟаиҵеит нанҳәамза инаркны аурыс тәанчахәи аԥсуа ԥарашәарақәеи роулоит рбанктә хсаалагақәа рахь акәымкәа, Аҵәахбанк акассақәа рҿы мацара, мамзаргьы атәанчаҩцәа ахьҭаҩу егьырҭ акоммерциатә банкқәа рҟны.

Иара убас шәаԥхьар ҟалоит:

20

Аҟәатәи ашкол адыркит акоронавирус злаз арҵаҩы лыԥсҭазаара даналҵ ашьҭахь

12
(ирҿыцуп 23:25 20.09.2020)
Апандемиа ааҟалеижьҭеи Аԥсны акоронавирус зцәа иалоу 939-ҩык аарԥшын. Цәыббра 20 рызтәи аоперштаб адыррақәа рыла, Гәдоуҭатәи ахәышәтәырҭаҿы ишьҭоуп 97-ҩык апациентцәа.

АҞӘА, цәыббра 20 — Sputnik, Асмаҭ Ҵәыџьԥҳа. Баграт Шьынқәба ихьӡ зху Аҟәатәи абжьаратә школ №1 аҵаҩцәа акарантин ахь аҩныҟа иоушьҭуп ҩымчыбжь ҳәа, ашкол аҿы аепидемиологиатә ҭагылазаашьа ахьеицәахаз инамаданы, абри атәы Sputnik иазеиҭалҳәеит ашкол адиректор Нонна Делԥҳа.

Лара лажәақәа рыла, иахьа ашкол адирекциахь адырра ҟарҵеит акоронавирус зцәа иалаз рырҵаҩцәа руаӡәк, даҽа хроникатә чымазаракгьы зцәа иалаз, лыԥсҭазаара дшалҵыз. Иара убасгьы рышкол аҿы аклассқәа хәба рҟны ари аҿкы чымазара зцәа иалаз ачымазцәа азгәарҭахьан. Уи адагьы аҭаацәа аӡәырҩы  рхәыҷқәа COVID-19 асимптомқәа шрыдырбало адиректор иларҳәарц азы аҭел ишылзасыц илзасуеит.

"Сара аҵара аминистр аҭел сизасит, иҟоу аҭагылазаашьа иеилсыркаарц азы. Иара аҵаҩцәа ҩымчыбжьа ҳәа иоушәышьҭ акарантин ахь иҳәеит, избанзар ҳашкол аҿы актәи, аҩбатәи, ахԥатәи аклассқәа рҿы ада, егьырҭ аклассқәа зегьы рҿы аҿкы злалаз ахәыҷқәа ыҟоуп, урҭ зегьы аишьцәа, аиҳәшьцәа рымоуп егьырҭ аклассқәа рҟны. Иара убас ҳарҵаҩцәа быжьҩык акарантин аҿы иҟоуп, саргьы сыбжьы иахьа исгәаԥхом", - лҳәеит Делԥҳа.

Иара убас лара иазгәалҭеит иахьа Асанитартә епидемиологиатә станциа анапхгара лыҽрымалдарц дшаҿыз, аха аӡәгьы аҭел шьҭимхит ҳәа. Делԥҳа ишылҳәаз ала, уажәы ашкол адирекциа аилкаара иаҿуп шаҟаҩык рҵаҩцәеи рырҵаҩцәеи акоронавирус рыхьыз, макьана урҭ рхыԥхьаӡара рыздыруам.

Аԥсны агәабзиарахьчара аминистрра апресс-маҵзура COVID-19 зыхьны иҟаз арҵаҩы лыԥсҭазаара дшалҵыз азы аинформациа Sputnik иазышьақәнарӷәӷәеит, иагьазгәарҭеит лара Қырҭтәыла дшырхәышәтәуаз, уаҟа шакәу лыԥсҭазаара дахьалҵыз.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау
Старший научный сотрудник Отдела этнологии Абхазского государственного музея, этнолог Инга Шамба. Архивное фото.

Аҭоурых иагәылаҵәаху: Шамԥҳа ԥшь-ҿык змоу ампахьшьы иазкны

9
(ирҿыцуп 19:36 20.09.2020)
Аԥсуа ҳәынҭқарратә музеи аетнологиа аҟәша аҭҵаарадырратә усзуҩ еиҳабы Инга Шамԥҳа арадио Sputnik аефир аҟны еиҭалҳәеит 2015 шықәсазы Елена Гордиенко-Леиба амузеи ҳамҭас иалҭаз ампахьшьқәа рҭоурых атәы.

 

"Аҭоурых иагәылаҵәаху": Шамԥҳа ԥшьҿык змоу ампахьшьы иазкны

Шәазыӡырҩла арубрика "Аҭоурых иагәылаҵәаху" есмҽыша арадио Sputnik Аԥсны аефир аҿы.

 

Иара убас шәаԥхьар ҟалоит:

9