Лабра ақыҭан акарантин алагалоуп

24
Адиагноз акоронавирус ззықәыргылаз Лабра ақыҭа анхаҩы иԥсҭазаара далҵит нанҳәа 23 рзы. Аҵыхәтәантәи аамҭазы ақыҭаҿы COVID-19 ахҭысқәа хәба азгәаҭоуп.

АҞӘА, нанҳәа 25 - Sputnik. Аԥсны Агәабзиарахьчара аминистрреи Асанитартә-епидемиологиатә маҵзуреи Лабра ақыҭан 14 мшы ҳәа акарантин аларгалеит, абри атәы аанацҳауеит Агәабзиарахьчара аминистрра.

Ақыҭа анхацәа ԥыҭҩык COVID-19 азы анализқәа арҭахьеит.

Акоронавирус зцәа иалаз Лабра анхаҩы иԥсҭазаара далҵит нанҳәа 23 рзы. Агәабзиарахьчара аминистрра адыррақәа рыла, ахаҵа амедицинатә цхыраара даҳәеит ичымазара 14-тәи амш азы.

"Апациент амедицинатә цхыраара аиуразы Очамчыратәи араионтә хәышәтәырҭа хада дадҵаалеит иҭагылазаашьа хьанҭаны даныҟала, ичымазара 14 мшы ирықәны. Иара ишоура ҳаракын, аха ҩымчыбжь инарзынаԥшуа аҩны иҽихәышәтәуан ашоурахҽыгатә хәшәқәа рыла. Нанҳәа 23 рзы ишоура уаҳа ианизмыртәа, акыргьы данеицәаха, иуацәа Очамчыратәи ахәышәтәырҭахь дааргеит", - ҳәа азгәаҭоуп аминистрра апресс-маҵзура адырраҭараҿы.

Очамчыра араионтә хәышәтәырҭа аҳақьым хада Мадонна Кьышьмариа ишылҳәаз ала, апациент даара дхьанҭан, амедикцәа ПЦР-тест аҟаҵаразы анализ ргеит, уи ишьақәнарӷәӷәеит акоронавирустә ҿкы ицәа ишалаз.

"Апациент аполисегментартә гәаҵәкра иман, ирыԥҳақәа ааха ӷәӷәа роухьан, ишьа иалаз аҵәыҵәри (кислород – аред.) аҩаӡара 50% рҟынӡагьы инаӡомызт, иԥсыԥлагаҩагара даара иԥсыҽхахьан. Иаарласны иӡбан Гәдоуҭатәи агоспиталь ахь дганы дышьҭаҵатәуп ҳәа, аха амҩан ацхыраара ласы амашьына дышҭаз еиҳагьы деицәахан, ԥсыхәа змаз ацхыраара ширҭозгьы, акгьы имыхәакәа иԥсҭазаара далҵит", - ҳәа еиҭалҳәеит Мадонна Кьышьмариа.

Лара иазгәалҭеит Очамчыра араион аҟны аепидемиологиатә ҭагылазаашьа ҭышәынтәалоуп ҳәа. Апандемиа ҟалеижьҭеи ара иазгәаҭоуп 12 коронавирустә хҭыс. Иуадаҩу апациентцәа иахьазы иҟам.

Нанҳәа 24 рзы иҟоу адыррақәа рыла, Аԥсны иахьаҵанакуа акоронавирус рыдырбалахьеит 247-ҩык. 101-ы ргәы бзиахеит.

24
Атемақәа:
Ачымазара ҿкы – акоронавирус Аԥсни адунеи аҿи: иалкаау (980)

Аԥсны ахада мчыбжьык аамҭа риҭеит афымцалашара ахархәара аларҟәразы

4
(ирҿыцуп 19:11 22.01.2021)
Аԥсны ахада Аслан Бжьаниа ажьырныҳәа 22 рзы аилацәажәара мҩаԥигеит ареспубликаҿы иҟоу аенергетикатә кризис иазкны.

АҞӘА, ажьырныҳәа 22 – Sputnik, Бадраҟ Аҩӡба. Мчыбжьык аҩнуҵҟала араионқәа рҿы афымцалашара ахархәара аларҟәра алымшар, араионқәа рхадацәа, амилициа, апрокурорцәа лахь рыҭахоит. Егьи иааиуа ашәахьазы аҭагылазаашьа аҽеиҭанамкыр – русура иамххоит ҳәа иҳәеит Аԥсны ахада Аслан Бжьаниа ажьырныҳәа 22 рзы аилацәажәараҿ.

"Зегь иаразнакы, аамҭа мгакәа иҟаҵатәуп. Ари апроблема аӡбара Аекономика аминистрреи Аҩнуҵҟатәи аусқәа рминистреи рымацара рықәҵара иашаӡам. Ақыҭақәа рхадацәа зегьы ирдыруеит досу инапы злаку. Мчыбжьык ахы-аҵыхәала аҭагылазаашьа шәнапахьы иаажәгароуп", - ҳәа иҳәеит аҳәынҭқарра ахада.

Иара иажәақәа рыла аенергетика аусхк аҟны аҭагылазаашьа ҷыда ыҟоуп.

"Акризис алҵразы аҭагылазаашьа ҷыдақәа ҳадаҳкылароуп. Сара иҟоу ауп исҳәо", - ҳәа иҳәеит ахада.

2019 шықәса абри аамҭа иаҿырԥшны 2020 шықәса рзы афымцалашара ахархәара иааизакны 21 процент ихалеит. Тҟәарчали Тҟәарчал араиони рҿы – 62 процент, Очамчыра араион - 56 процент, Аҟәа араион - 47 процент, Гәылрыԥшь араион - 31 процент ҳәа арбагақәа рыӡбахә иҳәеит ахада.

"Араионқәа рҿы аштабқәа аԥҵахоит. Урҭ напхгара рыҭареи азеиԥш хылаԥшреи мҩаԥыргоит араионқәа рхадацәа. Аштаб иалахәхоит: амилициа аиҳабы, апрокурор, аенергетик. Иахьа хәылбыҽханӡа шәара шәусурақәа рахь шәнеины, аиԥыларақәа мҩаԥыжәгоит. Ари азҵаара зус алоу аминистрцәа русзуҩцәа иахәҭоу адҵақәа рырҭоит. Аштаб актәи аилатәара анымҩаԥыжәгалак, уаха аԥыза-министр инапынҵақәа назыгӡои ахада Иусбарҭа аиҳаби адырра рышәҭоит аштаб аилатәара шымҩаԥысыз азы", - ҳәа иҳәеит ахада.

Бжьаниа Тҟәарчал араион ахаҭарнак диазҵааит араион аҿы афымцалашара ахархәара азҳара мзызс иамои ҳәа.

"Шәраион аҿы афымцалашара ахархәара азҳара мзызс иаиузеи? Анаплак ҿыцқәа аусура иалагама?" - ҳәа дҵааит Аслан Бжьаниа. Уи аҭак иҭан закәаншьаҭада афымцацәаҳәақәа рыҽрыԥшьра шакәу мзызс иҟоу.

Абри аҩыза азҵаара иҭан Гәылрыԥшь араион ахада Аслан Бараҭелиагьы. Уи иҭакгьы амаининг фермақәа ирыхҟьеит акәын.

Аилацәажәара иалахәын Ашәарҭадаратә хеилак амаӡаныҟәгаҩ Сергеи Шамба, Аҩнуҵҟатәи аусқәа рминистр Дмитри Дбар, "Амшынеиқәафымцамч" адиректор хада Михаил Логәуа, ареспублика ақалақьқәеи араионқәеи рхаҭарнакцәа.

Иара убас шәаԥхьар ҟалоит:

4
Атемақәа:
Аԥсны аенергетика апроблемақәа

Аԥсуа ҳазалхыҩцәа амаининг хархәагақәа аҳәаа рахыгара аԥдырҟәҟәааит

7
(ирҿыцуп 18:42 22.01.2021)
Акриптовалиута аиуразы амаининг азы аусурақәа Аԥсны иахьаҵанакуа иаанкылоуп 2021 шықәса рашәарамза акы азынӡа Аминистрцәа реилазаара аусԥҟа инақәыршәаны, иара абри аамҭазы азин ыҟам амаининг хархәагақәагьы ареспубликахь ралагалара.

АҞӘА, ажьырныҳәа 22 - Sputnik. Аԥсуа ҳазалхыҩцәа амаининг хархәагақәа быжьба аҳәаа рахыгара аԥдырҟәҟәааит ҳәа аанацҳауеит Аԥсны Аҳазалхратә еилакы.

"Ажьырныҳәа 19 2021 шықәсазы аҳазалхратә хылаԥшра азонаҿы аҳазалхырҭатә ҭыԥ "Ԥсоу" амаҵзурауаҩ иааникылеит автотранспорттә хархәага, Урыстәылатәи Афедерациа атәылауаҩ зыԥсҟы икыз. Автомашьына агәаҭараан аидараҭраҿы иԥшаан Аԥсны залагалара азин ыҟам амаининг хархәагақәа быжь-цырак", - ҳәа аҳәоит Аԥсны АЕ адырраҭараҿы.

Абри административтә зинеилагара аганахьала аус нашьҭуп Аԥсны Аҳәынҭқарра Аҳазалхратә еилакы аҳазалхратә ҭҵаарақәа рыҟәшахьы.

Иара убас шәаԥхьар ҟалоит:

7