Нанҳәатәи аԥсуа тәанчахәқәа ахыԥхьаӡалахоит цәыббрамза раԥхьатәи ажәамш рзы

19
(ирҿыцуп 10:12 26.08.2020)
Атәанчахәытә фонд иҭало аԥгаԥсатә шәарақәа аҵыхәтәантәи амзақәа рзы иахьмаҷу азы, атәанчахәқәеи ацхыраагӡақәеи рахыԥхьаӡалара иагханы имҩаԥысуеит.

АҞӘА, нанҳәа 26 - Sputnik. Нанҳәамзатәи атәанчахәқәеи аԥаратә цхыраагӡақәеи рахыԥхьаӡалара иалагоит цәыббрамза раԥхьатәи ажәамш ирылагӡаны, Атәанчахәытә фонд иҭоу аԥара ахьмаҷу азы ҳәа Аԥсны аԥыза-министр Александр Анқәаб иԥылараан иҳәеит афонд ахантәаҩы Денис Гәылариа. Абри атәы аанацҳауеит Аминистрцәа Реилазаара асаит.

Гәылариа иазгәеиҭеит ԥхынгәымзатәи атәанчахәқәеи ацхыраагӡақәеи рыла араионқәа зегьы еиқәыршәоуп ҳәа, уажәазы афонд аҽазыҟанаҵоит нанҳәамзатәи атәанчахәқәа ршәара.

Нанҳәамзазы ишәахоит 92 миллиони 38 нызқьи 788 мааҭ:

  • Аҟәа – 27 852 421,70
  • Аҟәатәи араион – 4 622 709,75
  • Гагра араион – 13 757 204,92
  • Гәдоуҭа араион – 16 666 499,10
  • Гәылрыԥшь араион – 5 257 632,77
  • Очамчыра араион – 13 696 067,04
  • Тҟәарчал араион – 6 609 784,63
  • Гал араион – 6 609 784,63

Афонд ахантәаҩы иазгәеиҭеит Атәанчахәытә фонд иҭало аԥгаԥсатә шәарақәа аҵыхәтәантәи амзақәа рзы имаҷуп ҳәа, убри азы атәанчахәқәеи ацхыраагӡақәеи рахыԥхьаӡалара иагханы имҩаԥысуеит.

Убас нанҳәамзазы афонд ашәарақәа зегьы мҩаԥнагарц азы иаҭахуп 92 миллион мааҭ. Ҳазҭоу ашықәс бжьымз рыла афонд иҭалаз аԥара 33 миллион рыла иагханы иаауеит, ҵыԥхтәи ашықәс иаҿырԥшны иугозар.

Гәылариа иажәақәа рыла, афонд аус ауеит ауалқәа рыргьежьра аганахьала.

"Абыржәтәи аамҭазы 120 инареиҳаны аиҿкаарақәа аинкассатә напынҵақәа рыҭоуп иааидкыланы 31 миллиони 531 нызқьи мааҭ рыхә ала", - иҳәеит Гәылариа.

Афонд аԥара азымхара амзызқәа ируакны Гәылариа иаликааит атәанчаҩцәа рхыԥхьаӡара ацларагьы.

"Лаҵарамза инаркны атәанчаҩцәа рхыԥхьаӡара иацлеит 44 685-ҩык рҟынтә 46 032-ҩык атәылауаа рҟынӡа. Уи адагьы урыстәылатәи атәанчахәы аиураҿы мап зцәыркыз рхыԥхьаӡара иацлеит, ус анакәха аԥсуа тәанчахәы иацҵаны изаушагьы еиҳахоит", - ҳәа ациҵеит афонд аиҳабы. 

Иара убас шәаԥхьар ҟалоит:

19

Даҽа 46-ҩык Аԥсны атәылауаа акоронавирус рыдбалоуп

0
(ирҿыцуп 19:25 27.09.2020)
Иахьазы Аԥсны иахьаҵанакуа иаарԥшу акоронавирустә хҭысқәа рхыԥхьаӡара 1332 ыҟоуп. Ргәы бзиахахьеит 400-ҩык, жәҩык рыԥсҭазаара иалҵит.

АҞӘА, цәыббра 27 – Sputnik. Аԥсны иҳаҩсыз уахыки-ҽнаки рыла акоронавирус зыхьуа рхыԥхьаӡара даҽа 46-ҩык рыла еиҳахеит ҳәа аанацҳауеит Ауааԥсыра акоронавирус рацәыхьчаразы аоперативтә штаб.

"Иҳаҩсыз уахыки-ҽнаки рыла акоронавирустә инфекциа амазааразы игәаҭан 160-ҩык атәылауаа, урҭ рахьтә адиагноз COVID-19 рзышьақәыргылан 46-ҩык", - ҳәа аанацҳауеит аоперштаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-а апациентцәа, урҭ рахьтә COVID-19 адиагноз рзышьақәырӷәӷәоуп 117-ҩык, рҭагылазаашьа хьанҭоуп 14-ҩык, ибжьаратәуп 27-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

0
Атемақәа:
Ачымазара ҿкы – акоронавирус Аԥсни адунеи аҿи: иалкаау
Сезгин Чукуа

Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт иҵыхәтәантәихар шалшоз

6
(ирҿыцуп 18:51 27.09.2020)
Аԥсны жәлар рџьынџьтәылатә еибашьра аветеран, Агәымшәаразы амедал занашьоу Сезгин Чыӷә-иԥа арадио Sputnik аефир аҿы игәалаиршәеит 27 шықәса раԥхьа арҭ амшқәа рзы Аҟәа ахақәиҭтәраз ицоз ажәылара.
Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт, иҵыхәтәантәихар шалшоз

Сезгин раԥхьаӡа акәны Гагра анырга ашьҭахь Аԥсныҟа дааит, усҟан иара ихыҵуан 24 шықәса. Аибашьҩы иажәақәа рыла, Ҭырқәтәыла аррамаҵзура ашьҭахь ԥышәа хәыҷык иман, абџьар атәы идыруан.

"Аҟәа ахақәиҭтәразы ҳгәыԥ Каман ала раԥхьа ажәылара ҳалагеит, усҟан Гагратәи абаталион салан. Усҟан ауп данҭаха Баҳадыр Абыӷба, Ерқан Қәҭарба дырхәит, еиҭа быжьҩык раҟара аҷкәынцәа рхәит. Иҭахаз ҳаҷкәынцәа рыԥсра усҟан иаҳзеилкааӡомызт, урҭ рҵәыуара аха ҳамамызт, аибашьра цон. Нас аибашьра ашьҭахь ауп зегьы анеилаҳкаауаз, ҳгәы аныԥжәоз. Баҳадыри сареи ҳхәыҷаахыс ҳаибадыруан. Аибашьра нҵәоит сентиабртәи ажәылара ашьҭахь ҳәа ихасҵомызт, ус шаҟантә ҳцахьаз ажәылара, аха ҳаиааиуамызт. Нас аиааира ҳгеит, аибашьра нҵәеит ҳәа анырҳәа ихасҵомызт, агәра сызгомызт", - еиҭеиҳәеит аветеран.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6