Урыстәылаҟа аҵарахьы ицо астудентцәа COVID-19 азы атест арҭар рылшоит Аԥсны

6
(ирҿыцуп 09:53 27.08.2020)
Астудентцәа атәылаҿы иҟоу реиҳа ирзыманшәалоу аполиклиника иаҭаар ауеит акоронавирустә чымазара ҿкы иаццәырҵуа ацәеижьҿагылақәа рымоу ирымаму агәаҭаразы.

АҞӘА, нанҳәа 27 – Sputnik. Урыстәылатәи аҵараиурҭақәа ирҭоу астудентцәа рҵарахьы ицаанӡа Аԥсны аполиклиникақәа рҿы COVID-19 амазааразы ашьа анализ арҭар рылшоит аекспресс-тест аметод ала. Абри атәы Sputnik иазеиҭалҳәеит атәыла асанитартә ҳақьым хада Лиудмила Скорик.

"Астудентцәа ирҭаху аполиклиника иадҵааланы акоронавирустә ҿкы ацәеижьҿагылақәа рыҟазаара агәаҭаразы аекспресс-ҭҵаара иахысыр рылшоит, убри ашьҭахь ирзааигәоу асанитар-епидемиологиатә станциаҿы инеины рыкәша-мыкәша иҟоу аепидемиологиатә ҭагылазаашьазы аилыркаа роуеит", - ҳәа азгәалҭеит лара.

Абри аҩыза аилыркаа иаҳәоит агәаҭара иахысыз ауаҩы дахьынхо иҩнаҿы акоронавирустә чымазара аӡәгьы ишимам лҳәеит Скорик.

Астудентцәа иарҭо атест аҭак иара уи аҽны ироуеит ҳәа азгәалҭеит асанитартә ҳақьым хада.  

"Аекспресс-тестқәа рыла еиқәыршәоуп ҳтәыла амедицинатә усҳәарҭақәа зегьы, аҭыԥантәи асанитар-епидемиологиатә маҵзурақәа аилыркаақәа рыҭара иазхиоуп", - лҳәеит лара.

Аекспресс-тестқәа рымҩаԥгара хәыда-ԥсадоуп.

Аҟәеи Аҟәа араиони руааԥсыра атест арҭар ауеит араионтә поликлиникаҿы асааҭ 09:00 инаркны асааҭ 14:00 рҟынӡа. Аекспресс-тест аҭаразы Аԥсны атәылауаҩшәҟәы уманы унеироуп.

Уаанӡа Аԥсны иҟоу Россотрудничество ахаҭарнакра анапхгаҩы Вадим Чеха еиҭеиҳәахьан, Аԥснынтә Урыстәылаҟа аҵарахьы ицо астудентцәа ахьнеиуа хымш реиҳа зхымҵуа ПЦР-диагностиказы аилыркаа рыцзароуп ҳәа. Мамзаргьы аҭыԥ аҿы ишнеилак хымш ирхымгакәа акоронавирус амазааразы агәаҭара иахысроуп ҳәа. 

2020 шықәсазы Россотрудничество ахырхарҭала Урыстәылатәи аҵараиурҭақәа ирҭалеит Аԥснытәи абитуриентцәа 50-ҩык.

6
Атемақәа:
Ачымазара ҿкы – акоронавирус Аԥсни адунеи аҿи: иалкаау (700)

Аҟәатәи ашкол адыркит акоронавирус злаз арҵаҩы лыԥсҭазаара даналҵ ашьҭахь

12
(ирҿыцуп 23:25 20.09.2020)
Апандемиа ааҟалеижьҭеи Аԥсны акоронавирус зцәа иалоу 939-ҩык аарԥшын. Цәыббра 20 рызтәи аоперштаб адыррақәа рыла, Гәдоуҭатәи ахәышәтәырҭаҿы ишьҭоуп 97-ҩык апациентцәа.

АҞӘА, цәыббра 20 — Sputnik, Асмаҭ Ҵәыџьԥҳа. Баграт Шьынқәба ихьӡ зху Аҟәатәи абжьаратә школ №1 аҵаҩцәа акарантин ахь аҩныҟа иоушьҭуп ҩымчыбжь ҳәа, ашкол аҿы аепидемиологиатә ҭагылазаашьа ахьеицәахаз инамаданы, абри атәы Sputnik иазеиҭалҳәеит ашкол адиректор Нонна Делԥҳа.

Лара лажәақәа рыла, иахьа ашкол адирекциахь адырра ҟарҵеит акоронавирус зцәа иалаз рырҵаҩцәа руаӡәк, даҽа хроникатә чымазаракгьы зцәа иалаз, лыԥсҭазаара дшалҵыз. Иара убасгьы рышкол аҿы аклассқәа хәба рҟны ари аҿкы чымазара зцәа иалаз ачымазцәа азгәарҭахьан. Уи адагьы аҭаацәа аӡәырҩы  рхәыҷқәа COVID-19 асимптомқәа шрыдырбало адиректор иларҳәарц азы аҭел ишылзасыц илзасуеит.

"Сара аҵара аминистр аҭел сизасит, иҟоу аҭагылазаашьа иеилсыркаарц азы. Иара аҵаҩцәа ҩымчыбжьа ҳәа иоушәышьҭ акарантин ахь иҳәеит, избанзар ҳашкол аҿы актәи, аҩбатәи, ахԥатәи аклассқәа рҿы ада, егьырҭ аклассқәа зегьы рҿы аҿкы злалаз ахәыҷқәа ыҟоуп, урҭ зегьы аишьцәа, аиҳәшьцәа рымоуп егьырҭ аклассқәа рҟны. Иара убас ҳарҵаҩцәа быжьҩык акарантин аҿы иҟоуп, саргьы сыбжьы иахьа исгәаԥхом", - лҳәеит Делԥҳа.

Иара убас лара иазгәалҭеит иахьа Асанитартә епидемиологиатә станциа анапхгара лыҽрымалдарц дшаҿыз, аха аӡәгьы аҭел шьҭимхит ҳәа. Делԥҳа ишылҳәаз ала, уажәы ашкол адирекциа аилкаара иаҿуп шаҟаҩык рҵаҩцәеи рырҵаҩцәеи акоронавирус рыхьыз, макьана урҭ рхыԥхьаӡара рыздыруам.

Аԥсны агәабзиарахьчара аминистрра апресс-маҵзура COVID-19 зыхьны иҟаз арҵаҩы лыԥсҭазаара дшалҵыз азы аинформациа Sputnik иазышьақәнарӷәӷәеит, иагьазгәарҭеит лара Қырҭтәыла дшырхәышәтәуаз, уаҟа шакәу лыԥсҭазаара дахьалҵыз.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау (700)
Старший научный сотрудник Отдела этнологии Абхазского государственного музея, этнолог Инга Шамба. Архивное фото.

Аҭоурых иагәылаҵәаху: Шамԥҳа ԥшь-ҿык змоу ампахьшьы иазкны

9
(ирҿыцуп 19:36 20.09.2020)
Аԥсуа ҳәынҭқарратә музеи аетнологиа аҟәша аҭҵаарадырратә усзуҩ еиҳабы Инга Шамԥҳа арадио Sputnik аефир аҟны еиҭалҳәеит 2015 шықәсазы Елена Гордиенко-Леиба амузеи ҳамҭас иалҭаз ампахьшьқәа рҭоурых атәы.

 

"Аҭоурых иагәылаҵәаху": Шамԥҳа ԥшьҿык змоу ампахьшьы иазкны

Шәазыӡырҩла арубрика "Аҭоурых иагәылаҵәаху" есмҽыша арадио Sputnik Аԥсны аефир аҿы.

 

Иара убас шәаԥхьар ҟалоит:

9