Аԥсуа журналистцәа Sputnik аштаб-квартира иаҭааит

12
(ирҿыцуп 15:21 28.08.2020)
Аԥсуа журналистцәа рделегациа иалоуп Аԥснытәи аҳәынҭқарратә телерадиоеилахәыра, ателеканал "Абаза-ТВ", аинформациатә агентра "Аԥсныпресс" русзуҩцәа.

АҞӘА, нанҳәа 28 - Sputnik. "Аурыс ажәа аглобалтә медиаконкуренциаҿы" захьӡу аҿар рфорум иалахәу аԥсуа журналистцәа Жәларбжьаратәи аинформациатә агентреи арадиои Sputnik аштаб-квартира иаҭааит.

Ааигәатәи аҳәаанырцәи Балтиеи ртәылақәа рҟны амультимедиатә центр адирекциа аконтент аиқәыршәаразы аусбарҭа аиҳабы Маргарита Некрасова асасцәа ирзеиҭалҳәеит агентра аҭоурыхи, иара убас Sputnik амультимедиатә контент аԥҵара ҷыдарақәас иамоу длырдырит.

"Ҳара ҳгәы иахәоит аԥснытәи ҳколлегацәа ҳагентра аусушьа, уи алшарақәа иахьрызҿлымҳау", – ҳәа азгәалҭеит Некрасова.

"Абаза-ТВ" акорреспондент Марианна Котова Sputnik Аԥсны – атәылаҟны зегь реиҳа хаҳарала аус зуа информагентроуп лҳәеит, убри азы уи аофис хада аусушьа амаӡақәа рыҭҵаара акыр аинтерес шылзаҵаз азгәалҭеит.

"Сара ателехәаԥшраҿоуп аус ахьызуа, аха ҳажәабжьқәа рсаит аус адуларагьы ансықәшәо ыҟоуп", – еиҭалҳәеит Котова.

Аинформациатә агентра Sputnik Аԥсны раԥхьаӡа онлаин ахь ицәырҵит ԥхынҷкәын 8, 2014 шықәса рзы.

Sputnik – 33 бызшәа рыла иҟоу аинтернет-саитқәа еидызкыло иналукааша жәларбжьаратәи амассатә-информациатә хархәагоуп, аналогтәи ацифратәи радиодырраҭарақәа 90 қалақь инареиҳаны рахь ацәқәырԥақәа нарышьҭуеит. Ажәабжьқәа уахи-ҽни иҭыҵуеит англыз, араб, аиспан, акитаи, фарси абызшәақәа рыла. Sputnik аудиториа мызкахьы 80 миллионҩык рҟынӡа инаӡоит, Sputnik асоциалтә ҳақәа рҟны аккаунт анапаҵаҩцәа 20 миллионҩык рҟынӡа ыҟоуп. Бишкек инаркны Кишиниовнӡа, Пекин инаркны Монтевидео аҟынӡа аредакциақәа 24 рҿы аус руеит зықьҩык инареиҳаны еиуеиԥшым амилаҭқәа рхаҭарнакцәа. Sputnik амедиагәыԥ "Россия сегодня" иаҵанакуеит. Sputnik аофис хада Москва иҟоуп.

Иара убас шәаԥхьар ҟалоит:

12

Раионк аԥсҭазаараҟынтә: Гамгьиа авирус змоу Гал рыхәышәтәразы

30
(ирҿыцуп 20:03 28.09.2020)
Гал араион ахәышәтәырҭа хада аҳақьым хада Асҭамыр Гамгьиа арадио Sputnik аефир аҿы еиҭеиҳәеит акоронавирус змоу рзы Галтәи ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Гамгиа авирус змоу Гал рыхәшәтәразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Амза 15 рҟынӡа еиқәыршәатәуп аҟәша. Иҳаԥшааит аҭыԥ. Усҟан ацхыраара лас астанциа ахьыҟаз аҭыԥ аҿы 10 каруаҭк алаҳхырц азы. Асмета ҟаҳҵеит, иаҭаху азы ашәҟәқәа ҳҩит, иааиуа амшқәа рзы иҳашьҭуеит. Иаарласны ашоура змоу зегьы убри аҟәшахьы инаганы, акоронавирус азы анализқәа ҟарҵаанӡа уа иҟалоит. Аҳақьымцәа уаҟа аус зуло алҳаԥшаахьеит, амедиаҳәшьцәа ракәзар, урҭгьы ҟалоит. Иааиуа амзазы Гәдоуҭатәи ахәышәтәарҭахь иҳашьҭраны иҟоуп бригадак, урҭ еиқәҳаршәахьеит. Сгәы ианаагоит аҳақьымцәа уаарыдтәалан ишрыхәҭоу аинформациа дара рҟынӡа инаугар, аҿкы ахәышәтәра ҳҭахым ҳәа зҳәо даара имаҷхоит. Аибашьраан доусы иара иус идыруан, уажәы аҭынч ԥсҭазаараҿгьы џьара гәаҟрак ҟалар, аҳақьымцәа ирдыруазароуп дара рыда ажәлар ԥсыхәа шрымам", - ҳәа еиҭеиҳәеит Гамгьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

30

Аҭара ақыҭан иаадыртит Аԥсны Аџьынџьтәылатә еибашьраҿы иҭахаз рбаҟа

13
(ирҿыцуп 19:21 28.09.2020)
Цәыббра 30 рзы Аԥсны иазгәарҭоит 1992-1993 шықәсқәа рызтәи Аԥсныжәлар Рџьынџьтәылатә еибашьраҿы Аиааира 27 шықәса ахыҵра.

АҞӘА, цәыббра 28 – Sputnik. Очамчыра араион Аҭара ақыҭан имҩаԥган Аԥсныжәлар Рџьынџьтәылатә еибашьраҿы иҭахаз рбаҟа аартра ацеремониа.

Аԥсны ахада Аслан Бжьаниа ипресс-маҵзура ишаанацҳаз ала, ахада ихатә ԥараны 220 нызқь мааҭ алеигалеит иҭахаз рбаҟа аиҭашьақәыргыларазы.

Аҭара ақыҭан иаадыртит Аџьынџьтәылатә еибашьраҿы иҭахаз рбаҟа

Ацеремониа атәыла ахада идагьы иалахәын ахада Иусбарҭа анапхгаҩы Алхас Кәыҵниа, ихаҭыԥуаҩ Зураб Қаџьаиа, Очамчыра араион ахадара, Атәылахьчара аминистрра ахаҭарнакцәа, Апарламент адепутатцәа, Нхыҵ Кавкази Алада Урыстәылеи рҟынтәи хатәгәаԥхарала еибашьуаз, ауаажәларра рхаҭарнакцәа, ақыҭа ауааԥсыра.

Уаанӡатәи адыррақәа рыла, 1992-1993 шықәсқәа рызтәи Аԥсныжәлар Рџьынџьтәылатә еибашьраҿы аиааира 27 шықәса ахыҵра иазкыз ауснагӡатәқәа рыхәҭак аԥыхуп аепидемиологиатә ҭагылазаашьа иахырҟьаны.

Иара убас шәаԥхьар ҟалоит:

 

13