Иԥсҭазаара далҵит 50 шықәса аҵара-ааӡара иазызкыз Илиа Канџьариа

311
(ирҿыцуп 13:59 31.08.2020)
Иԥсҭазаара далҵит 50 шықәса Гагра араион аҵарадырра иазызкыз, Жәлар рфорум раԥхьатәи анапхгаҩцәа иреиуаз Илиа Ефим-иԥа Канџьариа. Аҩыза изы ажәа рҳәеит акраамҭа аус ицзухьаз, ибзиаӡаны дыздыруаз иҩызцәа.

Саида Жьиԥҳа, Sputnik

50 шықәса иалагӡаны Илиа Канџьариа аҵарадырра аганахьала еиуеиԥшым амаҵурақәа ныҟәгауа аус иухьан: Бзыԥҭатәи абжьаратә школ №1 аҵара аҟәша деиҳабын, директорс дыҟан Алаҳаӡыхьтәи абжьаратә школ №1, Гагратәи абжьаратә школ №5 ҳәа ианыҟаз рҟны аамҭа-аамҭала, иара убас 13 шықәса Гагра араион аҵара аҟәша дахагылан.

"Илиа Канџьариа иӡбахә аҳәара лаӷырӡыда исылшом. Иара иеиԥш ауаҩы хазына, агәыраз, аҟәыш, амҩақәҵага сара иахьагьы дсыздыруам. Ачымазара хьанҭа дамҽхакны дшыҟазгьы, лассы-лассы аҭел дысзасуан. Сықәра шмаҷымгьы сацәыԥхьашьаӡомызт акы аиазҵаара. Иара иҭак убриаҟара иҵаулан, афилософиа аҵан, уԥсы ҭанаҵы иухамшҭуа. Илиа Ефим-иԥа Канџьариа аибашьра ашьҭахь аметодикатә планқәа аныҟамыз зхала изԥшаауаз, аусбарҭақәа асааҭ ҩбанӡа аус аныруаз иара хәбанӡа ақьаадқәеи апапкақәеи ирыдтәалаз, акраамҭа уалафахәыда зыжәлар рҿаԥхьа зуалԥшьақәа назыгӡоз иакәын. Ас изҟазшьаҷыдароу аԥсадгьыл бзиа избо, зхы иамеигӡо иоуп. Убас ауп наӡаӡа саргьы сгәы дышҭазаауа ари ауаҩ ду", - лҳәеит Илиа Канџьариа Гагра араион аҵара аҟәша данахагылаз ихаҭыԥуаҩс иҟаз Марина Богаева.

Илиа Канџьариа атәылаҿы аҵарадырра арӷәӷәаразы алшарақәа аныҟамызгьы, аидеиа ҿыцқәа ирыдгылоз, ахатәы бызшәа аҿиара иашьҭаз иакәын.

"Илиа Ефим-иԥа агеограф ӷәӷәа ҳәа ззырҳәоз, убас аҭоурых иазҟазаз рҵаҩын. Аԥсшәеи аурысшәеи бзиаӡаны идыруан, ихшыҩҵак аҩ-бызшәак рыла инарҵауланы ианааирԥшуаз, ацәажәара даҟәыҵыр ҳәа ҳшәон. Зегь рыла дҿырԥшыган. Гагра араион аҵара аҟәша аиҳабыс даныҟаз ашколқәа рдиректорцәа ражәа дазыӡырҩуан, аҵаратә процесс иахәоз аԥшьгарақәа адгылара риҭон. Знызаҵәык ибжьы ҭыганы исмаҳацызт, иажәа раӡан", - аҩыза дигәалашәоит аибашьра ашьҭахь иаартыз Гагратәи абжьаратә школ №1 директорс иҟаз Валери Орчыҟәба.

© Foto / из личного архива
Илиа Канџьариа арҵаҩцәа рыгәҭа

Илиа Канџьариа аԥсуа милаҭ-хақәиҭратә қәԥара иалаз активистцәа дреиуан. Жәлар рфорум раԥхьатәи анапхгаҩцәа дыруаӡәкын.

"Ақырҭуа милаҭ Аԥсны иахаԥаны ианыҟаз, ҳажәлар ринтересқәа зыхьчоз, ҿы ӷәӷәала ҳагәҭахәыцрақәа зҳәоз ахацәа нагақәа рыгәҭа дгылан. Усҟантәи аамҭазы Илиа Ефим-иԥа апедагогикатә ус инапы алаикхьан азы, ашкол аҿы ахәыҷқәа аԥсуа идеологиа рылаирҵәон", - ҳәа азгәаиҭеит Русҭан Канџьариа.

Илиа Канџьариа ҳтәылаҟны Аԥсны Аџьынџьтәылатә еибашьра ашьҭахь раԥхьаӡакәны араионтә спартакиадеи амаҭәартә олимпиадақәеи рымҩаԥгара хацзыркыз иоуп. Иара ибзоурала ашколқәа жәпакы рҿы иаартуп аетнографиатә класс-музеиқәа, еиуеиԥшым акурсқәа.

35 шықәса инареиҳаны Илиа Канџьариа дашьҭан, иагьышьақәиргылеит Канџьариаа абиԥарақәа ааба рхылҵшьҭра (древо). Аиашьара-аижәлантәқәа еиҳабыс дырхагылан. Аҭоурыхтә хыҵхырҭақәа дыргәылаланы иԥшааит Канџьариаа рыжәла адамыӷ, агерб, абираҟ. Илиа Ефим-иԥа авторс дамоуп ижәла агимн.

© Foto / из личного архива
Илиа Канџьариа

 

 

311

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

11
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

11

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

7
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

7