Афбатәи ашкол акарантин ахь: аҟәатәи ашколқәа аҵарашықәс рыҽшазыҟарҵаз

21
Аԥсны аҵареи абызшәатә политикеи рминистр Инал Габлиа нанҳәа 21 рзы адырра ҟаиҵеит ашколқәа, иреиҳау аҵараиурҭақәа, ахәыҷбаҳчақәа рҿы аҵарашықәс цәыббра 1 азы иаладыргарц ргәы ишҭоу.

АҞӘА, нанҳәа 31 – Sputnik. Аҟәа абжьаратә ҵараиурҭақәа зегьы аусура иалагоит цәыббра 1 азы, 6-тәи ашкол ада ҳәа Sputnik иазеиҭалҳәеит Аҟәа ақалақь ахадара Аҵара аҟәша аусбарҭа аиҳабы Асҭанда Ҭаркьыл.

"Абжьаратә школ №6 ааҳартуеит цәыббра 7 рзы, избанзар уи аколлектив акарантин аҿы иҟоуп. Уи зыӡбаз Асанитартә епидемиологиатә станциоуп, дара ашколқәа рҟны аҭагылазаашьа гәарҭоит, ичмазаҩхаз ирхылаԥшуеит, урҭ зныруаз ахаҿқәа аадырԥшуеит", - лҳәеит лара.

Иара убасгьы лара иазгәалҭеит ашколқәа реиҳарак рҿы аҭаацәа реизарақәа шымҩаԥыргахьоу, азеиԥшҵараиуратә школқәа рҟны инықәырԥшу амаҭәарқәа реихшанҵа шышьақәдыргылахьоу.

"Ашколқәа зегьы рхатә еихшанҵақәа шьақәдыргылеит, школқәак рҟны аурокқәа 8:30 рзы ирылагоит, избанзар ҩ-сменак рыла аусура цоит, арҵаҩцәа хымԥада асабрадақәа рхарҵалоит", - лҳәеит Ҭаркьыл.

Ашколқәа зегьы рыҩналарҭақәа рҟны аҳауарыцқьагатә фильтрқәа гылазаауеит, рцәа иадымкьысло ашоурашәагақәа рыла ршоура ршәалоит, рнапқәа дырзҩыдалоит ҳәа азгәалҭеит Аҟәа ақалақь ахадара Аҵара аҟәша аусбарҭа аиҳабы.

"Аурокқәа рыбжьара аԥсшьараамҭа 10 минуҭк рҟынӡа ирыцаҳҵеит, иназыцҵоу аԥсшьараамҭа 20 минуҭ иҟалоит. Аурокқәа 35 минуҭ ицалоит, иара убасгьы ҳара иҳармаҷуеит аконтрольтә, агәаҭаратә усурақәа. Сгәанала 35 минуҭ рыла аҵаратә программа шьҭаҳхуеит", - ҳәа инаҵылшьит лара.

Нанҳәа 17 рзы Аԥсны асанитартә ҳақьым хада Лиудмила Скорик атәыла аҵара-ааӡаратә усбарҭақәа рҟны акоронавирустә инфекциа ахҭысқәа рцәырҵреи ралаҵәареи иадҳәалоу ашәарҭарақәа рырмаҷра алзыршо аԥҟара-абжьгарақәа ҟалҵеит.

Ҷыдала иааугозар, Асанепидемстанциа Аҵареи абызшәатә политикеи рминистрра иабжьнагоит арҵаҩцәа рықәратә ценз шьақәнаргыларц, 65 шықәса раасҭа зхыҵуа аусурахь иҭымҵларц азы.

"Ҳара арҵаҩцәа русура иамаҳхырц ҳгәы иҭаӡам, урҭ иҟоу шыҟоу раҳҳәеит, дара ашәарҭара ишҭагылоу, убри азы асабрадақәа рхарҵалароуп, аџьабаа мыцхәы ирымбароуп", - ҳәа азгәалҭеит Ҭаркьыл.

Даҽа абжьгарак излаҳәо ала, аҵаҩцәа рацәаны иахьыҟоу ашколқәа рҟынтәи аҵаҩцәа ахьынхо аҭыԥ ала иҟоу ашколқәа рахь иҭаҵатәуп.

"Ҳара аклассқәа хаҳарҭәаауан аҵаҩцәа ахьынхо аҭыԥ инақәыршәаны. Иҟоуп ус ашкол ахь ацара ззыманшәалам, иаҳҳәап реиҳабацәа зҭоу ашколқәа рахь аиҵбацәагьы рнагара иаҳа ирзыманшәалоуп аҭаацәа. Ҳара аҭаацәа ҳрацәажәон, иҟоуп зынхарҭа ҭыԥ ахь иаҵанакуа ашколқәа рахь зхәыҷқәа ииазгазгьы", - ҳәа еиҭалҳәеит лара.

Асанепидемстанциа иара убасгьы ирабжьнагоит 18-20 иреиҳамкәа аклассқәа хадырҭәааларц. Рынхарҭа ҭыԥ ахьыҟоу иаҵанамкуа ашколқәа рахь аҵаҩцәа рыдрымкылаларц.

Иара убас шәаԥхьар ҟалоит:

21
Гурам Шоуа

Раионк аԥсҭазаараҟынтә: Шьоууа авирус змоу рзы ахәышәтәырҭақәа рҿы аҭыԥқәа раартразы

5
(ирҿыцуп 19:22 22.09.2020)
Гәылрыԥшьтәи арратә госпиталь аҳақьым хада Гәырам Шьоууа арадио Sputnik аефир аҿы еиҭеиҳәеит акороновирус змоу рзы Агәыӡера ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Шьоуа авирус змоу рзы ахәышәтәырҭақа рҿы аҭыԥқәа раартразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра уҳәа убас. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Ари ачымазара зыхьуа ҳзаанагоит, урҭ ҳрыхәаԥшуеит нас ишахәҭоу аҭыԥ иқәаҳҵоит, шьоукы аҩныҟа, шьоукы – Гәдоуҭаҟа, аха уи анализқәа рҭак анҳаулак ашьҭахь. Ахәышәтәырҭа атерапиа аҟәшаҿы архиара ҳаҿуп 40-ҩык рҭыԥ ари ачымазара зыхьуа рышьҭаҵаразы, аха макьана хаз аҟәша аашәырты ҳәа адҵа ҳмоуӡац. Иахьазы дҵас иҳамоу: ачымазаҩцәа ашоура змоу, Агәыӡера рыдкылара, нас ишахәҭоу аус рыдулароуп. Ахәышәтәырҭаҿы акоронавирус аҟынтә иахьазы анализ аҭак иазыԥшу ҳәа аӡәгьы дыҟам, зегьы аҩны итәоуп. Дара есымша аҭел ҳарзасуеит, рҭагылазаашьа еилаҳкаауеит. Анализ аҭак анааилак нас рыхәшәтәразы даҽа мҩак ылаҳхуеит. Аҩны рҽырхәышәтәуеит 16-ҩык рҟынӡа", - ҳәа еиҭеиҳәеит Шьоууа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

5

Акоронавирустә хҭыс ҿыцқәа даҽа 59 азгәаҭоуп Аԥсны

12
(ирҿыцуп 20:08 22.09.2020)
Иахьатәи аамҭазы Аԥсны иахьаҵанакуа акоронавирус 1054-ҩык ишрыхьхьоу аарԥшуп. Урҭ рахьтә 311-ҩык апациентцәа ргәы бзиахеит, быжьҩык акоронавирус зыхьуаз рыԥсҭазаара иалҵит.

АҞӘА, цәыббра 22 – Sputnik. Аԥсны даҽа 59-ҩык акоронавирус рцәа ишалаз аадырԥшит ҳәа аанацҳауеит Ауааԥсыра акоронавирус рацәыхьчаразы аоперативтә штаб. 

"Цәыббра 22 рзтәи адыррақәа рыла, иҳаҩсыз уахыки-ҽнаки рзы игәаҭан 198-ҩык ауааԥсыра, урҭ рахьтә адиагноз COVID-19 рзышьақәдырӷәӷәеит 59-ҩык", - ҳәа аарыцҳауеит аоперштаб аҟынтәи.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 98-ҩык апациентцәа, дара зегьы ари адиагноз рзышьақәырӷәӷәоуп, рҭагылазаашьа хьанҭоуп быжьҩык, ибжьаратәуп 31-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау