Жәларбжьаратәи арра-техникатә форум "Арра-2020" мҩаԥысит Аԥсны

13
Арратә техника ҿыци уи лшарақәас иамоуи аҭааҩцәа идырбан Гәдоуҭа имҩаԥысыз арра-техникатә форум "Арра-2020" аҿы.

АҞӘА, цәыббра 1 - Sputnik. Жәларбжьаратәи арра-техникатә форум "Арра-2020" мҩаԥысит Аԥсны иҟоу урыстәылатәи арратә база аҵакыраҿы. Уи иаҭааит хәнызқьҩык рҟынӡа ауааԥсыра. Абри атәы аанацҳауеит Аладатәи арратә окург апресс-маҵзура.

Афорум "Арра-2020" мҩаԥысит Гәдоуҭатәи арратә база аҩнуҵҟа апарк "Патриот" аҿы. Уа ицәырган абазаҿы ирымоу арратә техникеи ахысратә бџьари рыхк ҿыцқәа.

Афорум иаҭааз ахәаԥшцәа амодернизациа зызуу атанкқәа Т-72БЗ, иҿыцӡоу БТР-82АМ оумашәа ирбеит. Ашьаҟауаа реибашьыга машьынақәа, азенитттә ракетатә комплексқәа, знык ала амца рацәа ҭзырҟьо аракетатә системақәа БМ-21 "Град", акәылӡтәы автомобильқәа "Тигр", "Рысь", зхала иныҟәо артиллериатә шьақәгылақәа 2С3 "Акациа", абзарбзанқәа, аимадара астанциақәа, атанк ықәызхуа аракетатә комплексқәа уҳәа ацәыргақәҵаҟны ицәырган.

Жәларбжьаратәи арра-техникатә форум "Арра-2020" мҩаԥысит Аԥсны

Ари аусмҩаԥгатә аҳәаақәа ирҭагӡаны акультура-сахьаркыратә, арра-патриоттә ҵакы змаз арлахҿыхратә ҭыԥқәагьы аартын, ауааԥсыра аррамаҵурахьы рыдкыларазы аҭыԥ, адәынтәи ахәыҟаҵарҭа, иара убас имҩаԥган арра-спорттә хәмаррақәа.

Урыстәылатәи аестрадатә шәаҳәаҩы Иулиа Чичерина асасцәеи аруааи рҿаԥхьа дықәгылеит афорум аартра аҳаҭыр азы.

Иара убас шәаԥхьар ҟалоит:

13

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

10
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

10

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

6
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6