Аҳәынҭқарратә инвестагентра аиҳаб ҿыц даҭоуп

6
2019 шықәса хәажәкырамза инаркны Аҳәынҭқарратә инвестициатә агентра аиҳабы имаҵура ааникылон Саид Гәлариа.

АҞӘА, цәыббра 1 - Sputnik. Аԥсны аԥыза-министр, аекономика аминистр Кристина Озган Аҳәынҭқарратә инвестициатә агентра аколлектив дыдлырдырит аиҳаб ҿыц Илона Лакербаиа. Абри атәы аанацҳауеит аекономика аминистрра асаит.

Аекономика аминистр Кристина Озган иазгәалҭеит аиҳаб ҿыц Аҳәынҭинвестагентра аусура аҭышәныртәалара лнапы ишану, уи алҵшәақәа аҳәынҭқарра иахәаҵәҟьартә иҟалҵар шакәу.

Озган ари агентра аҿаԥхьа аконткреттә дҵақәа ықәлыргылеит:

  • Аԥсны Аҳәынҭқарраҟны Абжьаратәии абизнес дуи льготала акредитқәа рыҭара апрограмма аҳәаақәа ирҭагӡаны проектқәак рынагӡара иадҳәалоу акризистә ҭагылазаашьа аиӷьтәразы ажәалагалақәа реиқәыршәара.
  • Аԥсны анаплакыҩцәа ацхыраара рыҭаразы апрограммақәа раԥҵара иазку ажәалагалақәа реиқәыршәара.
  • Аԥсны аинвесторцәа русура шәарҭара аҵамкәа иҟазарц азы ажәалагалақәа реиқәыршәара.
  • аинвестициатә усура аусхкаҿы анормативтәи азакәанԥҵаратәи актқәа гәаҭаны, азакәанԥҵаратә ҩаӡараҿи Аиҳабыра аҩаӡараҿи аинвесторцәа ршәарҭадареи рыхьчареи рзы гарантиақәас иҟалар зылшо ашьаҿақәа рызхәыцра.
  • Озган инаҵшьны иазгәалҭеит Аԥсны Аҳәынҭқарраҟны Абжьаратәии абизнес дуи льготала акредитқәа рыҭара апрограммазы ажәалагалақәа инҭырҳәцааны иҭырҵаароуп, иазааҭгылароуп ҳәа, анаҩс уи аурыс ган иаднакыларц азы, илҳәеит уи ишахьыԥшу апрограмма аҿиара аԥеиԥш бзиа.

Илона Лакербаиа диит ԥхынҷкәын 12, 1983 шықәсазы. 2006 шықәсазы далгеит Шәачатәи атуризми акурорттә уси ирызку аҳәынҭқарратә университет, аекономикеи аусхкқәа рнапхгареи рфакультет, азанааҭ - аекономист, аменеџьер.

2011 шықәсазы Воронежтәи аҳәынҭқарратә абнатехникатә университет аҿы аспирантура далгеит, азанааҭ - аекономикеи анапхгараҭареи.

2006 шықәса ԥхынҷкәын инаркны 2010 шықәса цәыббранӡа - Аԥсны аекономика аминистрра азԥхьагәаҭареи аекономикатә анализи рыҟәша аспециалист хада. 2008 шықәса цәыббра инаркны 2010 шықәса абҵаранӡа - "Аԥсны Аџьынџьтәылатә еибашьра аинвалидцәа реилазаара" аҳасабеилыргаҩ хада. 2008 шықәса ажьырныҳәа инаркны 2017 шықәса цәыббранӡа - ААУ аҳәынҭқарратә напхгараҭареи аменеџьменти ркафедра арҵаҩы.

2010 шықәса цәыббра инаркны 2011 шықәса жәабраннӡа - Аԥсны Атранспорти аимадареи Рҳәынҭқарратә усбарҭа аекономист хада. 2011 шықәса жәабран инаркны 2015 шықәса жәабраннӡа - Аминистрцәа Реилазаара Аппарат аекономика аҟәша ареферент еиҳабы.

2013 шықәса мшаԥы инаркны 2015 шықәса лаҵаранӡа - Аҳәынҭқарратә усбарҭа "Абыргцәеи аинвалидцәеи рыҩны-аинтернат" аҳасабеилыргаҩ-акассир.

2013 шықәса мшаԥы инаркны 2015 шықәса абҵаранӡа - ИАЕ "ЕВЕРЕСТ-2012" аҳасабеилыргаҩ хада. Жьҭаара 2014 шықәса инаркны абҵара 2018 шықәсанӡа - ИАЕ "Аҩны лаша" аҳасабеилыргаҩ хада.

2015 шықәса жәабран инаркны 2018 шықәса рашәаранӡа - Аминистрцәа Реилазаара Аппарат аекономика аҟәша аиҳабы. 2015 шықәса рашәара инаркны 2017 шықәса ажьырныҳәанӡа - Аԥсны Адомино азы афедерациа аҳасабеилыргаҩ хада. 2018 шықәса рашәара инаркны жьҭаара 2018 шықәсанӡа - Аҳәынҭқарратә ҳазалхратә еилакы афинанс-економикатә усбарҭа аиҳабы, аҳасабеилыргаҩ хада. 2019 шықәса ажьырныҳәа 1 инаркны иахьа уажәраанӡа - Аԥсны агәабзиарахьчара аминистр ицхырааҩ.

6

Раионк аԥсҭазаараҟынтә: Гамгьиа авирус змоу Гал рыхәышәтәразы

30
(ирҿыцуп 20:03 28.09.2020)
Гал араион ахәышәтәырҭа хада аҳақьым хада Асҭамыр Гамгьиа арадио Sputnik аефир аҿы еиҭеиҳәеит акоронавирус змоу рзы Галтәи ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Гамгиа авирус змоу Гал рыхәшәтәразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Амза 15 рҟынӡа еиқәыршәатәуп аҟәша. Иҳаԥшааит аҭыԥ. Усҟан ацхыраара лас астанциа ахьыҟаз аҭыԥ аҿы 10 каруаҭк алаҳхырц азы. Асмета ҟаҳҵеит, иаҭаху азы ашәҟәқәа ҳҩит, иааиуа амшқәа рзы иҳашьҭуеит. Иаарласны ашоура змоу зегьы убри аҟәшахьы инаганы, акоронавирус азы анализқәа ҟарҵаанӡа уа иҟалоит. Аҳақьымцәа уаҟа аус зуло алҳаԥшаахьеит, амедиаҳәшьцәа ракәзар, урҭгьы ҟалоит. Иааиуа амзазы Гәдоуҭатәи ахәышәтәарҭахь иҳашьҭраны иҟоуп бригадак, урҭ еиқәҳаршәахьеит. Сгәы ианаагоит аҳақьымцәа уаарыдтәалан ишрыхәҭоу аинформациа дара рҟынӡа инаугар, аҿкы ахәышәтәра ҳҭахым ҳәа зҳәо даара имаҷхоит. Аибашьраан доусы иара иус идыруан, уажәы аҭынч ԥсҭазаараҿгьы џьара гәаҟрак ҟалар, аҳақьымцәа ирдыруазароуп дара рыда ажәлар ԥсыхәа шрымам", - ҳәа еиҭеиҳәеит Гамгьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

30

Аҭара ақыҭан иаадыртит Аԥсны Аџьынџьтәылатә еибашьраҿы иҭахаз рбаҟа

13
(ирҿыцуп 19:21 28.09.2020)
Цәыббра 30 рзы Аԥсны иазгәарҭоит 1992-1993 шықәсқәа рызтәи Аԥсныжәлар Рџьынџьтәылатә еибашьраҿы Аиааира 27 шықәса ахыҵра.

АҞӘА, цәыббра 28 – Sputnik. Очамчыра араион Аҭара ақыҭан имҩаԥган Аԥсныжәлар Рџьынџьтәылатә еибашьраҿы иҭахаз рбаҟа аартра ацеремониа.

Аԥсны ахада Аслан Бжьаниа ипресс-маҵзура ишаанацҳаз ала, ахада ихатә ԥараны 220 нызқь мааҭ алеигалеит иҭахаз рбаҟа аиҭашьақәыргыларазы.

Аҭара ақыҭан иаадыртит Аџьынџьтәылатә еибашьраҿы иҭахаз рбаҟа

Ацеремониа атәыла ахада идагьы иалахәын ахада Иусбарҭа анапхгаҩы Алхас Кәыҵниа, ихаҭыԥуаҩ Зураб Қаџьаиа, Очамчыра араион ахадара, Атәылахьчара аминистрра ахаҭарнакцәа, Апарламент адепутатцәа, Нхыҵ Кавкази Алада Урыстәылеи рҟынтәи хатәгәаԥхарала еибашьуаз, ауаажәларра рхаҭарнакцәа, ақыҭа ауааԥсыра.

Уаанӡатәи адыррақәа рыла, 1992-1993 шықәсқәа рызтәи Аԥсныжәлар Рџьынџьтәылатә еибашьраҿы аиааира 27 шықәса ахыҵра иазкыз ауснагӡатәқәа рыхәҭак аԥыхуп аепидемиологиатә ҭагылазаашьа иахырҟьаны.

Иара убас шәаԥхьар ҟалоит:

 

13