Раԥхьатәи аҵәҵәабжьы: гагратәи ашкол аргыларақәа рышьҭахь ашәқәа аанартит

100
(ирҿыцуп 17:50 01.09.2020)
Хышықәса ицоз акапиталтә ргылара ашьҭахь, Гагратәи абжьаратә школ №1 ахәыҷқәа аднакылеит.

Саида Жьиԥҳа, Sputnik

Аҵарадырра амш - цәыбрра 1 аҽны хышықәса ицоз акапиталтә ргылара ашьҭахь ашәқәа аанартит Ҳазараҭ Чамагәуа ихьӡ зху Гагратәи абжьаратә школ №1. Аргыларақәа мҩаԥган Аинвестпрограмма инақәыршәаны.

Актәи акласс ахь иааиз аҵаҩцәа 60-ҩык ыҟоуп, зынӡа ашкол аҿы аҵара рҵоит 450-ҩык. Ари агәырӷьаратә мшы еиҳагьы аҵакы ӷәӷәа анаҭеит аԥсуа школ 50 шықәса ахыҵра иахьақәшәаз рҳәон еизаз зегьы.

© Foto / Музаффар Останов.
ацаха ҟаԥшь ԥырҟеит ашкол адиректор Хана Гәынԥҳаи, Гагра араион Ахадара аиҳабы инапынҵақәа нызыгӡо Иури Хагәышьи, аҵареи абызшәатә политикеи рзы аминистр Инал Габлиеи.

Ақалақьуаа ирыдырныҳәаларц арахь иааит Аԥсны Аҳәынҭқарра Ахада Аслан Бжьаниа, Аԥсны иҟоу Урыстәылатәи ацҳаражәҳәаҩ Алексеи Двинианин, аԥыза аминистр ихаҭыԥуаҩ, аекономика аминистр Кристина Озган, аҵареи абызшәатә политикеи рзы аминистр Инал Габлиа, Аԥсны Жәлар реизара адепутатцәа, Нхыҵ-Кавказынтәи аделегациа, ахатәгәаԥхаҩцәа Рхеилак ахантәаҩы Сергеи Иахагоев инапхгарала, Аԥсны Афырхаҵа Сулҭан Сосналиев иԥшәмаԥҳәыс Лиудмила Сосналиева, ашкол зыхьӡ аху иҭаацәа, Гагра араион анапхгара, аҭыԥантәи аинтеллигенциа.

© Sputnik / Саида Жиба
акапиталтә ргылара ашьҭахь Гагратәи абжьаратә школ №1 ахәыҷқәа ашәқәа рзаанартит

Апандемиа иахырҟьаны ишьақәыргылаз аԥҟарақәа инарықәыршәаны апрограмма ркьаҿын. Аныҳәатә цәаҳәа иалахәыз актәи, аԥшьбатәи, ажәбатәи, ажәеизатәи аклассқәа ракәын.

Асасцәа анеиза, аныҳәатә цәаҳәа аалыртит ашкол адиректор Хана Гәынԥҳа.

"Иахьа Гагратәи абжьаратә аԥсуа школ №1 ашәқәа аанартит. Ҳара уи ҳазаԥшижьҭеи акрааҵуан. Аԥсуа школ амилаҭ хақәиҭратә қәԥара иалиааз, аҭоурых ду змоу, ҳажәлар рзинқәа рыхьчара иадҳәалоу хыброуп. Ҳараз Чамагәуа, Чынчор Агрба, Борис Кьехьыриԥа, Закан Агрба уҳәа реиԥш иҟаз ирыбзоуроуп ашьаҭа акра. Иазгәоумҭарц залшом, иахьа ҳашкол ахьҭагылоу аҵакыра, Гагра ақалақьуаҩ Маџьыҭ Быҭәба идгьыл шакәыз. Иара аԥсуа школ аргылара иалагоит, аҭыԥ иашьҭоуп ҳәа аниаҳа, иҭаацәа иманы ашҭа дынҭыҵит, абраҟа ашкол ргылахааит иҳәеит. Ас ҟазҵо зыԥсадгьыл ԥсыцқьарыла иазыҟоу, зыжәлар ирызхәыцуа иоуп. Сара ҳҵаҩцәа зегьы аиҳабыратәи абиԥара рҿырԥштәы бзиа иацныҟәаны, Аԥсны иаԥсоу ҵеицәаны иазгыларц сҭахуп. Иҭабуп ҳәа расҳәоит ҳашкол аргылара иазааԥсаз зегьы, ҷыдала Урыстәылатәи Афедерациа анапхгара", - лҳәеит лара.

Еизаз зегьы ари ахҭыс ду рыдиныҳәалеит атәыла Ахада Аслан Бжьаниа.

"Гаграа иахьа аныҳәа ду шәаԥылоит. Агәра згоит ари амш ахәыҷқәа шәгәы хыҭ-хыҭуа шәшазыԥшыз. Шықәсыбжак ҵуан шәҩызцәеи, шәырҵаҩцәеи шәымбеижьҭеи. Ҳара иаҳхамшҭроуп аҳақьымцәа рабжьгарақәа, ҳгәабзиара ҳацклаԥшлароуп. Ари аҭагылазаашьа хьанҭа ҳхазаршҭуа аамҭагьы ҟалоит. Гагратәи абжьаратә школ №1 ргылоуп аинвестпрограмма инақәыршәаны. Аныҳәа иалахәу ацҳаражәҳәаҩ Алексеи Двинианин иахь схы нарханы, иҭабуп ҳәа иасҳәоит Урыстәыла иаанарԥшуа ацхырааразы", - ҳәа иҳәеит атәыла Ахада.

© Sputnik / Саида Жиба
Аԥсны Аҳәынҭқарра Ахада Аслан Бжьаниа

Аԥсны иҟоу Урыстәылатәи ацҳаражәҳәаҩ Алексеи Двинианин ашкол аргылара рыдныҳәало иҳәеит аинвестпрограмма ԥхьаҟагьы ишацҵахо, Аԥсни Урыстәылеи ирыбжьоу аизыҟазаашьақәа иҵегьгьы ишырӷәӷәахо.

© Sputnik / Саида Жиба
Аԥсны иҟоу Урыстәылатәи ацҳаражәҳәаҩ Алексеи Двинианин

Аԥсны аҵареи абызшәатә политикеи рзы аминистр Инал Габлиа ашкол адиректори, арҵаҩратә еилазаареи аҵаҩцәеи дрыдныҳәало ҳамҭас ашкол иазынижьит асахьаҭыхымҭа. Нхыҵ-Кавказтәи асасцәа ҳамҭас иааргеит Аԥсны Афырхаҵа Сулҭан Сосналиев ипортреҭ.

Аԥсуа школ ашьаҭаркыҩцәа рыгәҭа игылаз, раԥхьатәи арҵаҩцәа иреиуаз апоетесса Белла Барцыцԥҳа еиҭалҳәеит шаҟа иуадаҩыз ашкол аргылара, усҟан арҵаҩцәеи аҵаҩцәеи радыԥхьалара, аха уеизгьы 1970 шықәсазы Гагра ақалақь агәҭа, аԥсуа милаҭтә школ агәеисыбжь геит, иқәыҩуа иалагеит ахатәы бызшәа.

Гагра араион Ахадара аиҳабы инапынҵақәа назыгӡо Иури Хагәышь иазгәеиҭеит иахьатәи амш аҵак ду шамоу, аџьабаа ду шацу.

"Сара иҭабуп сҳәоит ҳастратегиатә ҩыза ду Урыстәылатәи Афедерациа аганахь ала иҳарҭаз ацхырааразы. Аԥсуа школ еснагь иҳаракны иныҟәнагон апатриот ду Ҳараз Чамагәуа ихьӡ. Арҭ аҭыӡқәа рҿы ирызҳаит, аҵара рҵеит абиԥарақәа жәпакы. Урҭ рахьтә имаҷҩым ԥсыцқьарыла аҳәынҭқарра амаҵ азызуа, аԥсадгьыл ашәарҭара ианҭагылазгьы, бџьарла аӷа иҿагылаз ирылан абри аԥсуа школ аушьҭымҭацәагьы", - ҳәа азгәеиҭеит Иури Хагәышь.

© Foto / Музаффар Останов
Ҳ. Ҳ. Чамагәуа ихьӡ зху Гагратәи абжьаратә школ №1

Еиҳаби-еиҵби рықәгыларақәа рышьҭахь, игеит раԥхьатәи аҵәҵәабжьы, еизаз рҿынархеит Ҳараз Чамагәуа ибарельеф аартрахь, уи рнапы ианҵан иашьа гәакьа Александр Чамагәуеи имоҭа Инал Хышбеи. Аҭынхацәа рыхәҭакахьала аџьшьара рырҭеит Ҳараз Чамагәуа дызхамшҭуа зегьы, уимоу ихьӡ ҳаракны иахьыршьо.

Ашьҭахь, ацаха ҟаԥшь ԥырҟеит ашкол адиректор Хана Гәынԥҳаи, Гагра араион Ахадара аиҳабы инапынҵақәа нызыгӡо Иури Хагәышьи, аҵареи абызшәатә политикеи рзы аминистр Инал Габлиеи.

Аобиект шьаҭанкыла аргыларазы раԥхьанатә ишьақәыргылаз абиуџьет 500 миллион ыҟан, анаҩс хышәи бжаки рҿынӡа ианаркьаҿха, апроект аҿы иҟаҵатәны иарбаз ахьтә ианыххаз ҟалеит, убарҭ иреиуахеит атрансформаторгьы. Ари азҵаараҿы аекономика аминистр Кристина Озган адгылара шрылҭо аколлектив агәра длыргахьан. Ихарҭәаау асметаҿы иарбаны, ашықәс ҿыц аҟынӡа ишышьақәыргылахо аҳәамҭа ҟаҵоуп.

Ашкол аҵакыраҿы иҭагылоуп: хԥа-хԥа еихагыла змоу аҵаратә корпусқәа ҩба, убас еихагылакны иҟоу аспорттәи, акттәи залқәа. Дара еиԥшьуп иарку аиасырҭақәа рыла. Ашкол иаднакыларц алшоит 650-ҩык аҵаҩцәа.

Аргыларақәа цонаҵы лассы-лассы агәаҭаратә комиссиақәа ааиуан. Аҵыхәтәаны, аобиект даҭааны ибеит Урыстәыла аекономикатә ҿиара аминистр актәи ихаҭыԥуаҩ Михаил Бабич. Усҟан, ашколтә библиотека афонд иагыз Урыстәыла иҭрыжьуа ашәҟәқәа раиуразы, адгылара шыҟаиҵо иҳәеит.

© Foto / Министерство экономики Республики Абхазия
Ҳ. Ҳ. Чамагәуа ихьӡ зху Гагратәи абжьаратә школ №1
100

Даҽа 46-ҩык Аԥсны атәылауаа акоронавирус рыдбалоуп

2
(ирҿыцуп 19:25 27.09.2020)
Иахьазы Аԥсны иахьаҵанакуа иаарԥшу акоронавирустә хҭысқәа рхыԥхьаӡара 1332 ыҟоуп. Ргәы бзиахахьеит 400-ҩык, жәҩык рыԥсҭазаара иалҵит.

АҞӘА, цәыббра 27 – Sputnik. Аԥсны иҳаҩсыз уахыки-ҽнаки рыла акоронавирус зыхьуа рхыԥхьаӡара даҽа 46-ҩык рыла еиҳахеит ҳәа аанацҳауеит Ауааԥсыра акоронавирус рацәыхьчаразы аоперативтә штаб.

"Иҳаҩсыз уахыки-ҽнаки рыла акоронавирустә инфекциа амазааразы игәаҭан 160-ҩык атәылауаа, урҭ рахьтә адиагноз COVID-19 рзышьақәыргылан 46-ҩык", - ҳәа аанацҳауеит аоперштаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-а апациентцәа, урҭ рахьтә COVID-19 адиагноз рзышьақәырӷәӷәоуп 117-ҩык, рҭагылазаашьа хьанҭоуп 14-ҩык, ибжьаратәуп 27-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау
Сезгин Чукуа

Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт иҵыхәтәантәихар шалшоз

6
(ирҿыцуп 18:51 27.09.2020)
Аԥсны жәлар рџьынџьтәылатә еибашьра аветеран, Агәымшәаразы амедал занашьоу Сезгин Чыӷә-иԥа арадио Sputnik аефир аҿы игәалаиршәеит 27 шықәса раԥхьа арҭ амшқәа рзы Аҟәа ахақәиҭтәраз ицоз ажәылара.
Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт, иҵыхәтәантәихар шалшоз

Сезгин раԥхьаӡа акәны Гагра анырга ашьҭахь Аԥсныҟа дааит, усҟан иара ихыҵуан 24 шықәса. Аибашьҩы иажәақәа рыла, Ҭырқәтәыла аррамаҵзура ашьҭахь ԥышәа хәыҷык иман, абџьар атәы идыруан.

"Аҟәа ахақәиҭтәразы ҳгәыԥ Каман ала раԥхьа ажәылара ҳалагеит, усҟан Гагратәи абаталион салан. Усҟан ауп данҭаха Баҳадыр Абыӷба, Ерқан Қәҭарба дырхәит, еиҭа быжьҩык раҟара аҷкәынцәа рхәит. Иҭахаз ҳаҷкәынцәа рыԥсра усҟан иаҳзеилкааӡомызт, урҭ рҵәыуара аха ҳамамызт, аибашьра цон. Нас аибашьра ашьҭахь ауп зегьы анеилаҳкаауаз, ҳгәы аныԥжәоз. Баҳадыри сареи ҳхәыҷаахыс ҳаибадыруан. Аибашьра нҵәоит сентиабртәи ажәылара ашьҭахь ҳәа ихасҵомызт, ус шаҟантә ҳцахьаз ажәылара, аха ҳаиааиуамызт. Нас аиааира ҳгеит, аибашьра нҵәеит ҳәа анырҳәа ихасҵомызт, агәра сызгомызт", - еиҭеиҳәеит аветеран.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6