Аԥсны аҳаԥаҿы иҭахаз урыстәылатәи аспелеолог иԥсыбаҩ Москваҟа ирышьҭуеит

11
(ирҿыцуп 15:19 02.09.2020)
Цәыббра 1 азы Аԥсны АҶА аусзуҩцәеи аспелеологцәеи иҭахаз Павел Демидов иԥсыбаҩ аҳаԥы иҭыргеит. Цәыббра 2 рзы авертолиот ала Гагра ақалақь аморг ахь инаргеит.

АҞӘА, цәыббра 2 – Sputnik, Сариа Кәарцхьиаԥҳа. Иҭахаз аспелеолог Павел Демидов иԥсыбаҩ Москваҟа ирышьҭуеит ҳәа Sputnik иазеиҭеиҳәеит аспелеолог Евгени Снетков.

Цәыббра 2 рзы авертолиот ала Гагра ақалақь аморг ахь инаргеит.

"Аԥсны АҶА аус нанагӡеит. Иацы аԥсыбаҩ аҳаԥы иҭыргеит. Иахьа ашьыжь авертолиот ала Гагра ақалақь аморг ахь инаргеит. Иахәҭаны иҟоу апроцедурақәа анымҩаԥгахалак ашьҭахь иԥсадгьыл ахь дыргоит", - иҳәеит  Аԥсны АҶА аминистр ихаҭыԥуаҩ Тигран Делибалтиан.

Евгени Снетков иажәақәа рыла, уажәазы Гагратәи аморг аҿы апатолого-анатомиатә експертиза мҩаԥыргоит.

"Аԥсыбаҩ рыцқьаны, машьынала Адлертәи аҳаиртә баӷәазахь инаргоит, уантәи Москваҟа иргоит. Аԥсны АҶА иахәҭоу ацхыраара ҟарҵоит. Лев Константин-иԥа Кәыҵниеи сареи ҳаицәажәон, уи аусқәа зегьы ԥынгылада еиҿкаахоит", - азгәеиҭеит Снетков.

Аиқәырхаратә  операциа алахәылацәа  алагер аанрыжьуеит. Актәи агәыԥ машьынала цәыббра 2 рзы иқәҵуеит, егьырҭ  – уаҵәы Арбаика аанрыжьуеит.

Нанҳәа 23 рзы Демидов уи аҳаԥахьы ддәықәлеит иколлега Андреи Шумеико дицны. 305 метра аҵаулараҿы дшыҟаз ахаҳә гәалқәа иқәҳаит. Демидов урҭ рыҵыҵра илымшеит, Шумеико иакәзар иԥсы еиқәхеит.

Нанҳәа 26 рзы Демидов иԥсыбаҩ аҳаԥы иҭыгара аоперациа иалагеит. Уи аоперациа иаразнак рҽаладырхәит Аԥсны АҶА аиқәырхаҩцәа, аоперациа хылаԥшра аиҭоит аминистр Лев Кәыҵниа.

Нанҳәа 29 рзы Павел Демидов иԥсыбаҩ ахаҳәқәа ирыҵырхит, сакасала аҳаԥы аҭыгаразы азыҟаҵарақәа ирылагеит.

Аҳаԥы ҵыԥх, 2019 шықәсазы 200 метра рҟынӡа аҵаулараҟынӡа илбааны иаадыртит. Аспелеологцәа ргәаанагарақәа рыла, абри аҳаԥы Аԥсны мацара акәымкәа, адунеи аҿы зегь реиҳа иҵаулоу акәхар ауеит.

Иара убас шәаԥхьар ҟалоит:

 

11

Аҟәатәи ашкол адыркит акоронавирус злаз арҵаҩы лыԥсҭазаара даналҵ ашьҭахь

12
(ирҿыцуп 23:25 20.09.2020)
Апандемиа ааҟалеижьҭеи Аԥсны акоронавирус зцәа иалоу 939-ҩык аарԥшын. Цәыббра 20 рызтәи аоперштаб адыррақәа рыла, Гәдоуҭатәи ахәышәтәырҭаҿы ишьҭоуп 97-ҩык апациентцәа.

АҞӘА, цәыббра 20 — Sputnik, Асмаҭ Ҵәыџьԥҳа. Баграт Шьынқәба ихьӡ зху Аҟәатәи абжьаратә школ №1 аҵаҩцәа акарантин ахь аҩныҟа иоушьҭуп ҩымчыбжь ҳәа, ашкол аҿы аепидемиологиатә ҭагылазаашьа ахьеицәахаз инамаданы, абри атәы Sputnik иазеиҭалҳәеит ашкол адиректор Нонна Делԥҳа.

Лара лажәақәа рыла, иахьа ашкол адирекциахь адырра ҟарҵеит акоронавирус зцәа иалаз рырҵаҩцәа руаӡәк, даҽа хроникатә чымазаракгьы зцәа иалаз, лыԥсҭазаара дшалҵыз. Иара убасгьы рышкол аҿы аклассқәа хәба рҟны ари аҿкы чымазара зцәа иалаз ачымазцәа азгәарҭахьан. Уи адагьы аҭаацәа аӡәырҩы  рхәыҷқәа COVID-19 асимптомқәа шрыдырбало адиректор иларҳәарц азы аҭел ишылзасыц илзасуеит.

"Сара аҵара аминистр аҭел сизасит, иҟоу аҭагылазаашьа иеилсыркаарц азы. Иара аҵаҩцәа ҩымчыбжьа ҳәа иоушәышьҭ акарантин ахь иҳәеит, избанзар ҳашкол аҿы актәи, аҩбатәи, ахԥатәи аклассқәа рҿы ада, егьырҭ аклассқәа зегьы рҿы аҿкы злалаз ахәыҷқәа ыҟоуп, урҭ зегьы аишьцәа, аиҳәшьцәа рымоуп егьырҭ аклассқәа рҟны. Иара убас ҳарҵаҩцәа быжьҩык акарантин аҿы иҟоуп, саргьы сыбжьы иахьа исгәаԥхом", - лҳәеит Делԥҳа.

Иара убас лара иазгәалҭеит иахьа Асанитартә епидемиологиатә станциа анапхгара лыҽрымалдарц дшаҿыз, аха аӡәгьы аҭел шьҭимхит ҳәа. Делԥҳа ишылҳәаз ала, уажәы ашкол адирекциа аилкаара иаҿуп шаҟаҩык рҵаҩцәеи рырҵаҩцәеи акоронавирус рыхьыз, макьана урҭ рхыԥхьаӡара рыздыруам.

Аԥсны агәабзиарахьчара аминистрра апресс-маҵзура COVID-19 зыхьны иҟаз арҵаҩы лыԥсҭазаара дшалҵыз азы аинформациа Sputnik иазышьақәнарӷәӷәеит, иагьазгәарҭеит лара Қырҭтәыла дшырхәышәтәуаз, уаҟа шакәу лыԥсҭазаара дахьалҵыз.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау
Старший научный сотрудник Отдела этнологии Абхазского государственного музея, этнолог Инга Шамба. Архивное фото.

Аҭоурых иагәылаҵәаху: Шамԥҳа ԥшь-ҿык змоу ампахьшьы иазкны

9
(ирҿыцуп 19:36 20.09.2020)
Аԥсуа ҳәынҭқарратә музеи аетнологиа аҟәша аҭҵаарадырратә усзуҩ еиҳабы Инга Шамԥҳа арадио Sputnik аефир аҟны еиҭалҳәеит 2015 шықәсазы Елена Гордиенко-Леиба амузеи ҳамҭас иалҭаз ампахьшьқәа рҭоурых атәы.

 

"Аҭоурых иагәылаҵәаху": Шамԥҳа ԥшьҿык змоу ампахьшьы иазкны

Шәазыӡырҩла арубрика "Аҭоурых иагәылаҵәаху" есмҽыша арадио Sputnik Аԥсны аефир аҿы.

 

Иара убас шәаԥхьар ҟалоит:

9