"Ашана" Алан Қәачахьиа ихәышәтәразы аԥареизгара хацнаркит

10
Ҩышықәса зхыҵуа Алан Қәачахьиа Москва агәабзиарахьчара Адепартамент ахәыҷтәы ԥсихоневрологиа анаука-практикатә Центр аҿы ихәышәтәразы 250 нызқьмааҭ аҭахуп.

АҞӘА, цәыббра 2 – Sputnik, Асмаҭ Ҵәыџьԥҳа. Акультура-гәыҳалалратә фонд "Ашана" Алан Қәачахьиа ихәышәтәразы аԥареизгара хацнаркит.

Қәачахьиаа рҭаацәараҿы ирызҳауеит ҩыџьа ахацәарԥар– Баграти Алани. Баграт еснагь аччаԥшь иҿықәуп, ибаҩ ицәыласуп, убри аан дыԥхашьаҩуп, Алан – еиҳа дҭынчуп. Аишьцәа шеиԥшымгьы даара еидҳәалоуп гәыла-ԥсыла. Баграт ашьыжь дшааԥшлак иашьа иахь дыҩны днеиуеит, акраамҭа димбар дыгәхьааигоит.

© Sputnik / Марианна Кубрава
Қәачахьиаа рҭаацәараҿы ирызҳауеит ҩыџьа ахацәарԥар– Баграти Алани

Дара ҩышықәса роуп ирыбжьоу. Баграт ициит ачымазара– микроцефалиа. Иара ихала ишьапы днанагоит, иҩызцәа акала дрылукаауам, аха ицәажәара ԥкуп. Аҭаацәа ахәыҷы  илымҳа иаҳауам ҳәа ргәы иаанагоит аха  аратәи ахәышәтәыҩцәа уи макьаназ ирзышьақәырӷәӷәом, атәыла анҭыҵҟа игәаҭаразы дгатәуп ҳәа рабжьыргоит. Аҭаацәа рылшара инанагом.

Алан игәамбзиарагьы ахы акит дышхәыҷыз. Иара ихала ибӷа дызхықәтәалом, дызныҟәом, инапқәа русура уадаҩуп, ааигәоуп атәара даналага. Заанаҵтәи идиагноз ҳәа ДЦП изықәыргылоуп, аха уигьы шьақәырӷәӷәам.

Ҩышықәса зхыҵуа Алан Қәачахьиа Москва агәабзиарахьчара Адепартамент ахәыҷтәы ԥсихоневрологиа анаука-практикатә Центр аҿы идкылара иазыхиоуп. Уи азы еизгатәуп 245 000 мааҭ.

© Sputnik / Марианна Кубрава
Алан Квачахия

Иара убри ахәышәтәырҭаҿы иазыхиоуп Багратгьы идкылара. Баграт изгьы афонд "Ашана" аԥареизгара хацнаркраны иҟоуп аишьцәа ахәышәтәрахь еицыргарц.

Ацхыраара аҟаҵашьа аилкаара алшоит афонд "Ашана" аофициалтә саит аҿы.

10

Sputnik аҿы иалацәажәоит самбо азы Афон ҿыц имҩаԥысуа XVII Жәларбжьаратәи атурнир

2
(ирҿыцуп 09:29 23.09.2020)
Цәыббра 23 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Афон ҿыц имҩаԥысуа XVII-тәи Жәларбжьаратәи атурнир иазку апресс-конференциа.

Апресс-конференциа иалахәхоит:

  • Михаил Чалмаз - дзиудои самбои рзы Аԥсны Афедерациа ахада
  • Михаил Пиканин - дзиудои самбои рзы Аԥсны Афедерациа ахантәаҩы
  • Андреи Погосов - дзиудои самбои рзы Аԥсны Афедерациа ахада ихаҭыԥуаҩ
  • Роберт Новоиан - дзиудои самбои рзы Аԥсны Афедерациа ахада ихаҭыԥуаҩ

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

2
Гурам Шоуа

Раионк аԥсҭазаараҟынтә: Шьоууа авирус змоу рзы ахәышәтәырҭақәа рҿы аҭыԥқәа раартразы

6
(ирҿыцуп 19:22 22.09.2020)
Гәылрыԥшьтәи арратә госпиталь аҳақьым хада Гәырам Шьоууа арадио Sputnik аефир аҿы еиҭеиҳәеит акороновирус змоу рзы Агәыӡера ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Шьоуа авирус змоу рзы ахәышәтәырҭақа рҿы аҭыԥқәа раартразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра уҳәа убас. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Ари ачымазара зыхьуа ҳзаанагоит, урҭ ҳрыхәаԥшуеит нас ишахәҭоу аҭыԥ иқәаҳҵоит, шьоукы аҩныҟа, шьоукы – Гәдоуҭаҟа, аха уи анализқәа рҭак анҳаулак ашьҭахь. Ахәышәтәырҭа атерапиа аҟәшаҿы архиара ҳаҿуп 40-ҩык рҭыԥ ари ачымазара зыхьуа рышьҭаҵаразы, аха макьана хаз аҟәша аашәырты ҳәа адҵа ҳмоуӡац. Иахьазы дҵас иҳамоу: ачымазаҩцәа ашоура змоу, Агәыӡера рыдкылара, нас ишахәҭоу аус рыдулароуп. Ахәышәтәырҭаҿы акоронавирус аҟынтә иахьазы анализ аҭак иазыԥшу ҳәа аӡәгьы дыҟам, зегьы аҩны итәоуп. Дара есымша аҭел ҳарзасуеит, рҭагылазаашьа еилаҳкаауеит. Анализ аҭак анааилак нас рыхәшәтәразы даҽа мҩак ылаҳхуеит. Аҩны рҽырхәышәтәуеит 16-ҩык рҟынӡа", - ҳәа еиҭеиҳәеит Шьоууа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6