Петербургтәи "Зенит" Аԥсны ашьапылампылтә академиа афилиал аанартуеит

18
(ирҿыцуп 09:37 03.09.2020)
"Зенит" Аԥсны ашьапылампылтә академиа афилиал аананартуа аламҭалазы имҩаԥгахоит акурсқәа азыҟаҵаҩцәа рзы.

АҞӘА, цәыббра 3– Sputnik, Бадраҟ Аҩӡба. Петербургтәи "Зенит" Аԥсны ашьапылампылтә академиа афилиал аанартуеит ҳәа Sputnik иазеиҭеиҳәеит академиа афилиал акоординатор Армен Капикиан.

"Аԥсны аспорт азы Аҳәынҭеилакы "Зенит" ажәадгала азыҟанаҵеит. Уа иақәшаҳаҭхеит. Актәи аетап иаҵанакуеит азыҟаҵаҩцәа разырхиара", - иҳәеит иара.

"Зенит" ахаҭарнакцәа иара убасгьы имҩаԥыргараны иҟоуп ахәыҷтәы зыҟаҵаҩцәа азин ҷыда рыҭара ҳәа иҳәеит Капикиан.

"Цәыббра 7 рзы иаартхоит аԥснытәи азыҟаҵаҩцәа рзы акурсқәа. "Зенит" академиа еиҿнакаауа акурсқәа ирылахәхоит 27-ҩык азыҟаҵаҩцәа. Акурсқәа рышьҭахь имҩаԥгахоит азин ҷыда аҭара апроцесс. Ари азҵаара иалацәажәан урыстәылатәи ашьапылампылтә еидгылаҿ. Цәыббра анҵәамҭазы ихыркәшахоит азыҟаҵарақәа", - иҳәеит иара.

Абри ашьҭахь "Зенит" аусутә гәыԥ Аԥсныҟа иаараны иҟоуп ашьапылампылтә академиа афилиал аартразы.

"Иалыркаауеит 2009-2013 шықәсқәа рзы ииз аспортсменцәа ҿарацәа. Азыҟаҵаҩцәа дара аздырхиалоит 14 шықәса рхыҵаанӡа", - иҳәоит Капикиан.

Уи адагьы, аҟыбаҩ зманы иршьо ахәмарыҩцәа Санкт-Петербургтәи академиаҟны рылшарақәа аадырԥшырц рылшоит.

18

Иҳаҩсыз уахыки-ҽнаки рыла 112-ҩык COVID-19 рыхьит, аӡәы лыԥсҭазаара далҵит Аԥсны

10
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27265-ҩык рҟынӡа инаӡеит, ргәы бзиахеит 22318-ҩык ауааԥсыра, рыԥсҭазаара иалҵит 411-ҩык.

АҞӘА, цәыббра 24 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 536-ҩык Аԥсны ауааԥсыра, урҭ рахьтә 112-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз 1960 шықәсазы ииз аԥҳәыс лыԥсҭазаара далҵит. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 45-ҩык, рҭагылазаашьа бааԥсуп фҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 66-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Царгәыш аӡиа Риҵа амашьынаргыларҭа аҟны русушьа атәы

9
(ирҿыцуп 20:36 24.09.2021)
Аӡиа Риҵа аҵакыраҿы амашьынаргыларҭа аҟны аус зуа Сасрыҟәа Царгәыш арадио Sputnik аефир аҟны еиҭаиҳәеит аҭыԥан аусура шеиҿкаауи, ирызцәырҵуа ауадаҩрақәеи ртәы.

Раионк аԥсҭазаараҟынтә: Царгәыш аӡиа Риҵа амашьынаргыларҭаҟны русушьа атәы
"…амашьынақәа ҳархылаԥшуеит, амбжьахрақәа ыҟам, уи аганхьала ҳҭынчуп. Азинхьчаратә маҵзура аусзуҩцәа ҳадгылоуп, ҳаицхыраауеит. Амашьына аргыларҭақәа х-ҭыԥкны иҟоуп, 150-200 машьына рҟынӡа хыхьтәи аҿы иакуеит.

Аус ишахәҭоу иууозароуп, иамуазар аҩны утәароуп. Иҟоуп еиҵахарақәак аныҟало амашьынақәа анырацәоу, аха аԥҟара еиҳарк иназмыгӡо аҭыԥан инхо ҳауп. Сааҭк амашьына аргылара 20 мааҭ иаԥсоуп, иҟоуп амш зегьы иргыланы ицо, урҭ 100 мааҭк ршәоит, - иҳәеит Царгәыш.

Аицәажәара шәазыӡырҩыр шәылшоит аудиофаил аҟны.

9