Акомпиутертә томограф Гәдоудауҭатәи ахәышәтәырҭахь инагоуп

12
(ирҿыцуп 11:49 03.09.2020)
Амедицинатә хархәага аанахәеит акоронавирус аҿагылараҿы ареспублика ацхыраара анаҭарц еиҿкааз аԥсуа бизнесуаа рхеилак "Ҳара ҳаӡәыкуп".

АҞӘА, цәыббра 3 – Sputnik. Акомпиутертә томографиа аппарат Гәдоудауҭатәи ахәышәтәырҭахь инагоуп цәыббра 2 рзы ҳәа аанацҳауеит Агәабзиарахьчара аминистрра апресс-маҵзура. Амедицинатә хархәага аанахәеит коронавирус аҿагылараҿы ареспублика ацхыраара анаҭарц еиҿкааз аԥсуа бизнесуаа рхеилак "Ҳара ҳаӡәыкуп".

"Иахьазы аковид змоу рыхәышәтәразы иҟоу астандартқәа инарықәыршәаны агәхыц, ҷыдала арыԥҳақәа акомпиутертә томографиа рзыҟаҵара ихадоу методны иҟоуп агәыҵәкра заанаҵы ашьақәыргыларазы" - ҳәа иҳәеит Агәабзиарахьчара аминистр Ҭамаз Ҵахнакьиа.

Аминистрра адырраҭарала аппарат шьақәдыргылоит цәыббра 5 рзы иаразы ирхиоу аҭыԥ аҿы.

"Ҳәарада  ахәышәтәырҭаз ари цхыраагӡа дууп. Иахьазы Гәдоуҭатәи ахәышәтәырҭа иахәҭаны иҟоу амыругақәа рыла еибыҭоуп", - ҳәа иҳәеит аминистр.

Иахьатәи аамҭазы Аԥсны коронавирус рыдбалоуп 359-ҩык, ргәабзиара шьақәдыргылахьеит 125-ҩык.
Ахәышәтәырҭа иҭоуп 29 пациент коронавирустә инфекциа рыманы. Хәҩыуаак рҭагылазаашьа хьанҭоуп, жәҩык – бжьаратәуп.

Акоронавирус иазку ажәабжьақәа шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау (715)

Џьапуа COVID-19 иахҟьаз аԥкрақәа рзы: аҽынкыларазы иҟаҳҵаз алаҳәара анхацәа адгылеит

3
(ирҿыцуп 12:41 26.09.2020)
Отаԥ ақыҭа ахада Шьалодиа Џьапуа арадио Sputnik аефир аҿы еиҭеиҳәеит жьҭаара 5 инаркны атәылаҿы иалагалахо аԥкрақәа рзы ажәабжь анхацәа ишрыдыркылаз атәы.
Џьопуа COVID-19 иахҟьаны аԥкрақәа ралагаларазы: аҽынкылараз ҳаҳәара анхаҩцәа адгылеит

Аԥсны ахада Ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уи инақәыршәаны 2020 шықәса жьҭаара 5 инаркны Аԥсны аҵакыраҿы: массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара алмыршахароуп, иара убасгьы ачарақәеи егьырҭ аныҳәатә уснагӡатәқәеи аанкылатәхоит. Аԥсыжрақәа рҿы акәзар, ауаа рхыԥхьаӡара армаҷра азԥхьагәаҭатәуп.

"Инарҭбааны ачароуразы, инарҭбааны ацәашьхәыҟаҵаразы аҽынкылара шаҭаху зегьы адырра рымоуп, ауаа уаанӡеиԥш еинианы аԥшьгарақәа ҟарымҵарцаз ирацәаны аицәажәарақәа мҩаԥаагахьеит, абыргцәа адгаланы. Уи ззеилымкаауа ҳәа нхаҩы дыҟаӡам, аҽынкыларазы иҟаҳҵаз алаҳәара зегьы ақәшаҳаҭуп. Ачымазара ҳқыҭаҟынтә макьана аӡәгьы имыхьыцт, иара ари аамҭа иалагӡаны агәаҟра ӷәӷәагьы ҟамлацт", - ҳәа азгәеиҭеит Џьапуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

3

Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит.РЕЗЕРВ

0
(ирҿыцуп 12:38 26.09.2020)
Анаплакҩы Давид Ԥлиа арадио Sputnik аефир аҟны еиҭеиҳәеит апандемиа аамҭазы аԥкрақәа шынарыгӡо, аусутә агхара инапаҵаҟа аус зуа ишырныԥшуа атәы.
Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны ауаажәларратә крыфарачаратә обиектқәа хымԥада аишәақәа рыбжьара метраки бжаки еиҵамкәа адистанциа аздырхиароуп, амаҵзуратә персонал ахыхьчагатә хархәагақәа ныҟәыргозароуп.

"Ас еиԥш иҟоу аԥҟара анрыдыркыла, иҟаҳҵари, ҳхы ақәҳаршәароуп…Уи усҟангьы иҟаҳҵеит (мшаԥымзазы иалагалаз аԥкрақәа ртәы –аред.), уажәгьы ауаа рсоциалтә дистанциа ҟаҳҵартә еиԥш аамҭа ҳамоуп, акрахьырфо азал дууп", - иҳәеит Ԥлиа.

Убри аан иара иазгәеиҭеит ауадаҩрақәа цәырҵыр шауа аус ахьыруа ашколқәа рыкрыфарҭақәа рҟны.

Анаплакҩы иазгәеиҭеит апандемиа русура акыр ишаныԥшыз, аха иагьа ус акәзаргьы иусуцәа уалафахәыда ишааныимыжьуа.

"Сҭаацәа ирыгыжьны аԥара сшәозаргьы, сусуцәа нхартә еиԥш, аус руртә еиԥш схы ныҟәазгароуп. Ҳара аԥхын иҳадаҳкыло, нас ӡын аусура иамҳхо асистема ыҟаӡам ҳа ҳҿы. Сара даара зегьы срықәгәыӷуеит (инапаҵаҟа аус зуа рзы), убри аҟынтә сыҩнапык рыларԥаны ишыску жәдыруазааит",- иҳәеит Ԥлиа.

Шәазыӡырҩы аудио. иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

0