Тҟәарчал инхо ауааԥсыра рахьтә раԥхьаӡа акоронавирус зыхьыз даадырԥшит

25
Аԥсны иахьатәи аамҭазы акоронавирус рыдырбалахьеит 384-ҩык. Урҭ рҟынтәи 138-ҩык ргәы бзиахеит, ԥшьҩык рыԥсҭазаара иалҵит.

АҞӘА, цәыббра 4 – Sputnik. COVID-19 раԥхьаӡа акәны идбалоуп Тҟәарчал инхо ауаҩԥсы ҳәа арадио Sputnik иазеиҭалҳәеит Тҟәарчалтәи ахәышәтәырҭа аҳақьым хада Лали Гаргәлиа.

"Апандемиа иаалагазар аепидемиологиатә ҭагылазаашьа маншәалан иҟан. Аӡәгьы ачымазара идҳамбалацызт. Цәыббра акы азы Тҟәарчалынтәи ицаз астудент ПЦР-анализ COVID-19 агәаҭаразы иҟаиҵеит. Анализ ишьақәнарӷәӷәеит авирус шилоу", - лҳәеит лара.

Цәыббра 2 рзы Тҟәарчалтәи ахәышәтәырҭа аҳақьымцәа ишьақәдыргылеит ичмазаҩхаз дызныруаз ахаҿқәа, урҭ рбиоматериал агәаҭараз Аԥсны Асанепидемстанциахь инарышьҭит. Атестқәа рҭак еилкаахоит цәыббра 4 рзы.

"Апациент иҭаацәа гәаҳҭеит. Атестқәа рҭак иаҿырԥшны аҭаацәара алахәылацәа зныруаз ауаагьы гәаҭахоит. Аиныррақәа зегьы рышьақәыргылара уадаҩуп, аха иахьынӡалшо агәаҭарақәа мҩаԥаагоит", - лҳәеит лара.

COVID-19 зыдбалоу Тҟәарчал инхо ауаҩԥсы москватәи аҵараиурҭақәа руак аҿы аҵара иҵоит.

"Ҳара ачымазаҩ иҭагылазаашьа ҳашьклаԥшуеит. Макьаназы авирус аҟазшьақәа идаҳбалом. Бжьаратәла ахьанҭара змоу ачымазара аҩны ахәышәтәра алшоит", - ҳәа лҳәеит аҳақьым хада.

Иахьатәи аамҭазы Гәдоуҭатәи ахәышәтәырҭаҿы ишьҭоуп COVID-19 шрымоу ззышьақәырӷәӷәоу 30-ҩык апациентцәа.

Акоронавирус иазку ажәабжьқәа шәрыԥхьар ҟалоит абра>>

25
Атемақәа:
Ачымазара ҿкы – акоронавирус Аԥсни адунеи аҿи: иалкаау (726)

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

10
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

10

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

6
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6