Иудыруазароуп, иухамшҭырц азы: Аԥсны имҩаԥысит "Аиааира адиктант"

11
(ирҿыцуп 12:00 04.09.2020)
Жәларбжьаратәи аҭоурыхтә акциа "Аиааира адиктант" иалнаршоит Урыстәылеиԥш егьырҭ атәылақәагьы руааԥсыра Аџьынџьтәылатә еибашьра Ду иазку рдыррақәа реилкаара.

АҞӘА, цәыббра 4 – Sputnik. Жәларбжьаратәи аҭоурыхтә акциа "Аиааира адиктант" раԥхьаӡа акәны Аԥсны хә-ҭыԥк рҿы имҩаԥган ҳәа Sputnik иазеиҭеиҳәеит Россотрудничество ахьӡала Аԥсны иҟоу апроект акоординатор хада Евгени Павлов.

Сынтәа хә-ҭыԥк рҿы раԥхьаӡа акәны ауснагӡатә амҩаԥгара алыршахеит. Очамчыреи Гагреи ҭыԥк-ҭыԥк рҿы имҩаԥган адиктант аҩра, Аҟәеи Драндеи ҩба-ҩба ҭыԥ азалхын. Зехьынџьара COVID-19 аҭагылазаашьа иаҿырԥшны ахәыҷқәа ршоура ршәон, асабрадақәа рзыршон.

"Бжьаратәла 20-20-ҩык ыҟан. Ҳара ахыԥхьаӡара рацәа ҳашьҭамызт", - иҳәоит иара.

Адҵақәа рахь аҭоурых адырра адагьы алитературеи акинематографи рдыррагьы аҵанакуан.

"Иаҳҳәап азҵаарақәа руак абасеиԥш иҟан: "Иарбан ҭоурыхтә хҭысу изҵазкуа акиносахьа "Ааԥын жәибжь еимгеимцара", - ҳәа. Афильм иамыхәаԥшыц рзы ари аҭак аҟаҵара уадаҩхоит", - иҳәеит иара.

Атестқәа рылҵшәақәа рдырра алшоит диктантпобеды.рф асаит аҿы, доусы ихатә номер алагаланы.

Иара убасгьы асаит аҿы ашықәс нҵәаанӡа иалшоит онлаин тест ахысра, уи оффлаин излеиԥшым ауаҩы аиндаҭлара далахәӡам, идыррақәа гәеиҭоит ауп.

Сынтәа 80 рҟынӡа тәыла рҽаладырхәит акциа "Аиааира адиктант". Аԥсны хынтәуп имҩаԥысуеижьҭеи.

Аладатәи арратә округ апресс-маҵзура адырраҭарала, адиктант рхы аладырхәит 150 нызқьҩык рҟынӡа аррамаҵзурауаа.

"Зынӡа 50 интерактивтә ҭыԥ аартын Урыстәыла асубиектқәа 15 рҟни Аԥсни, Ермантәылеи, Алада Уаԥстәылеи рҟынтәи арратә базақәеи рҿи", - ҳәа аҳәоит апресс-маҵзура адырраҭара.

Аҭоурыхтә диктант 25 тесттә дҵа аҵанакит Аџьынџьтәылатә еибашьра дуӡӡа ахҭысқәа рыӡбахә ала.

Иара убас шәаԥхьар ҟалоит:

11

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

11
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

11

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

7
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

7